Ózbekstan delegaciyasınıń Franciyaǵa saparı sheńberinde eki mámleket arasında birge islesiwdi ele de rawajlandırıw máseleleri talqılandı
1064
Oliy Majlis Senatı Baslıǵı T.Narbaeva basshılıǵındaǵı Ózbekstan delegaciyası usı kúnleri rásmiy sapar menen Franciyada boldı. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnastı.
Sapar sheńberinde bir qatar ushırasıwlar ótkerildi. Ushırasıwlar dawamında Ózbekstan-Franciya arasındaǵı sawda-ekonomikalıq baylanıslar, sociallıq, mádeniy-gumanitar, parlamentler aralıq birge islesiw máselelerine itibar qaratıldı.
Atap aytqanda, “Rothschild&Co” Baqlaw keńesi aǵzası A. Rotshild penen sáwbet dawamında tárepler xalıq aralıq investiciyalar tarawındaǵı búgingi tendenciyalardı, olardı ámelge asırıw perspektivaların, sonnan, Ózbekstan Respublikasınıń tiykarǵı aktivlerin menshiklestiriw baǵdarlamaların ámelge asırıwda kompaniyanıń tájiriybesin nátiyjeli qollawdı talqıladı.
Óz náwbetinde, Baronessa Ariel Malar de Rotshild “Rothschild&Co” qarjılıq toparı Ózbekstanda baslanǵan reformalardı qollap-quwatlawdı dawam ettiriwge, ekonomikanı reformalawda, sonnan, kámbaǵallıqtı sistemalı qısqartıw máselelerin sheshiwde aktiv qatnasıwǵa tayar ekenligin bildirdi.
Ushırasıw juwmaǵında “Rothschild&Co” kompaniyası qatnasıwında mámleketlik obektleri hám kárxanalardı menshiklestiriw boyınsha joybarlardı ámelge asırıw maqsetinde turaqlı óz-ara baylanıslardı dawam ettiriwge kelisip alındı.
Delegaciya saparı sheńberinde “Total Eren” atqarıwı vice-prezidenti Fabyen Demol menen ushırasıw bolıp ótti. Onda Ózbekstanda qayta tiklenetuǵın energiya derekleri tarawın rawajlandırıw máseleleri kórip shıǵıldı.
Ushırasıwda Joqarǵı Keńes Baslıǵı tárepinen 2022-2026-jıllar ushın qabıl etilgen “Rawajlanıw strategiyası”nda energetika sistemasın rawajlandırıw máselelerine itibar qaratılǵanlıǵı, qayta tikleniwshi energiya derekleri boyınsha joybarlardı ámelge asırıw baǵdarında Qaraqalpaqstannıń potencialın úyreniw usınısı bildirildi.
Sonday-aq, onda «Total Eren» kompaniyasına quyash elektr stanciyasın qurıw joybarların ámelge asırıw baǵdarında Qaraqalpaqstannıń potencialın úyreniw, sırt el investorları ushın jaratılǵan salıq jeńillikleri hám basqa bir qatar imkaniyatları menen jaqınnan tanısıw boyınsha usınıs berildi. Bunıń ushın franciyalıq kompaniyanıń basshıları Qaraqalpaqstanǵa mirát etildi.
Haqıyqatında da, búgin pútkil dúnyada jasıl energetikadan keń paydalanıw barǵan sayın aktual áhmiyetke iye bolıp barmaqta. Sonnan, “Total Eren” kompaniyası Samarqand wálayatı Nurabat rayonında 100 MVt quwatlılıqqa iye fotoelektr stanciyasın nátiyjeli iske túsirgeni hám bul aymaqtaǵı flagman joybarǵa aylanǵanı atap ótildi. Sonday-aq, kompaniyanıń jańa iri investiciyalıq joybarlardı ámelge asırıwı arqalı Ózbekstandaǵı qatnasın keńeytiwge háreket etip atırǵanlıǵı bildirildi.
Sonday-aq, Fabyen Demol xanım «Total Eren» kompaniyasınıń házirgi waqıtta Ózbekstanda ámelge asırılıp atırǵan joybarları menen maqtanısh etetuǵını, Ózbekstan menen bunday nátiyjeli pikirlesiw tájiriybesi uzaq jıllar turaqlı birge islesiw tiykarı bolıp xızmet etiwin ayrıqsha atap ótti.
Franciya Rawajlanıw Agentliginiń bas direktorınıń orınbasarı B.Valkenar menen bolǵan ushırasıwda Joqarǵı Keńes Baslıǵı Aral teńizi basseynindegi degradaciyaǵa ushıraǵan jerlerdi hám Qaraqalpaqstan Respublikası irrigaciya sistemaların tiklewdi qarjılandırıw boyınsha Evropa investiciya banki menen birgelikte ámelge asırılıp atırǵan jumıslar boyınsha óz minnetdarshılıǵın bildirdi.
Sonıń menen birge, Qaraqalpaqstanda ekologiyalıq, innovaciyalıq joybarlardı ámelge asırıw, awıl xojalıǵın rawajlandırıw, qorshaǵan ortalıqtı qorǵaw ushın Evropa tikleniw hám rawajlanıw banki hám basqa da bir qatar dereklerdi keńnen tartıw máseleleri boyınsha kelisip alındı.
«Voltalia» kompaniyasınıń bas atqarıwshı direktorı C.Klerk penen bolǵan sóylesiwlerde Joqarǵı Keńes Baslıǵı Evropada isenimli hám uzaq múddetli birge islesiwshi sıpatında Franciya menen sheriklikti rawajlandırıwdıń áhmiyetli ekenligin ayrıqsha tilge aldı.
Francuz kompaniyası Qaraqalpaqstan Respublikası aymaǵında gibrid quyash-samal elekt stanciyasın qurıw boyınsha Ózbekstan Respublikasınıń tiyisli ministrlikleri hám mákemeleri menen birgelikte úynerip shıǵıwǵa tayar ekenligin bildirdi. Sonday-aq, bul kompaniya menen Qaraqalpaqstan rayonlarınıń birinde agrovoltaikalıq quyash panellerin ornatıw joybarın ámelge asırıw boyınsha kelisimge kelindi.
Joqarǵı Keńes Baslıǵı «Fives Group» kompaniyası direktorı J.F.Legren menen ushırasıwda Ózbektsan-Franciya arasındaǵı baylanıstı bekkemlewde húrmetli Prezidentimiz tárepinen ámelge asırılıp atırǵan is-ilajlardıń ayrıqsha ekenligi, Prezidentimiz basshılıǵında Qaraqalpaqstanda ámelge asırılıp atırǵan reformalar, sırt el investorları ushın jaratılǵan múmkinshilikler haqqında keń túrde atap ótti.
Ushırasıwda Qaraqalpaqstanda shisha islep shıǵarıw joybarın ámelge asırıwda Franciya mámleketi tárepinen ámeliy járdem kórsetiw, perspektivalı joybarlardı ámelge asırıw ushın respublika potenciyalın úyreniw maqsetinde «Fives Group» wákilleriniń Qaraqalpaqstanǵa saparın shólkemlestiriw boyınsha kelisimge kelindi.
Bunnan tısqarı, Ózbekstan delegaciyası Franciya milliy miyras institutı direktorı Sh.Personnaz benen de pikirlesip, onda eki mámleket arasındaǵı mádeniy-gumanitar baylanıslar tarawında birge islesiw máseleleri talqılandı.
Sh.Personnaz Ózbekstan adminstraciyası tárepinen eski arxitektura hám mádeniyatınıń tákirarlanbas esteliklerin restavraciyalaw hám qásterlep-abaylaw, mámlekettiń bay materiallıq-mádeniy miyrasın tiklew, muzey jumısların rawajlandırıw baǵdarında ámelge asırılıp atırǵan is-ilajlardı joqarı bahaladı.
Pikirlesiw waqtında Ózbekstandaǵı mádeniy miyras obektlerin restavraciyalaw tarawında Franciyanıń aldınǵı tájiriybesin engiziw áhmiyetliligi atap ótilip, sonnan, Franciya milliy miyras institutınıń jetekshi qánigelerin tartıw arqalı jergilikli qánigelerdiń tájiriybesin arttırıw, eki mámleket jetekshi ekspertleri qatnasıwında mádeniy miyrastı rawajlandırıw boyınsha qospa ámeliy seminarlar ótkeriwge ayrıqsha itibar qaratıldı.
Ushırasıw juwmaǵında Ózbekstanda mádeniyat hám kórkem-óner hámde materiallıq-mádeniy miyras obektlerin qorǵaw tarawında kadrlar potencialın arttırıw, Ózbekstan arxeologları hám restavratorların arnawlı tayarlıqlardan ótkeriw hám olardıń Franciya milliy miyras institutında ilimiy-texnikalıq bilim alıwı baǵdarında kelisimge erisildi.
Aytıp ótiw orınlı, Franciya mámleketine bolǵan sapar dawamında qaraqalpaq milliy saz ásbabı ǵobız YuNESKO miyrasları qatarına kirgizilip atırǵanlıǵı ayrıqsha tilge alındı.
Ushırasıw juwmaǵında “Rothschild&Co” kompaniyası qatnasıwında mámleketlik obektleri hám kárxanalardı menshiklestiriw boyınsha joybarlardı ámelge asırıw maqsetinde turaqlı óz-ara baylanıslardı dawam ettiriwge kelisip alındı.
Delegaciya saparı sheńberinde “Total Eren” atqarıwı vice-prezidenti Fabyen Demol menen ushırasıw bolıp ótti. Onda Ózbekstanda qayta tiklenetuǵın energiya derekleri tarawın rawajlandırıw máseleleri kórip shıǵıldı.
Ushırasıwda Joqarǵı Keńes Baslıǵı tárepinen 2022-2026-jıllar ushın qabıl etilgen “Rawajlanıw strategiyası”nda energetika sistemasın rawajlandırıw máselelerine itibar qaratılǵanlıǵı, qayta tikleniwshi energiya derekleri boyınsha joybarlardı ámelge asırıw baǵdarında Qaraqalpaqstannıń potencialın úyreniw usınısı bildirildi.
Sonday-aq, onda «Total Eren» kompaniyasına quyash elektr stanciyasın qurıw joybarların ámelge asırıw baǵdarında Qaraqalpaqstannıń potencialın úyreniw, sırt el investorları ushın jaratılǵan salıq jeńillikleri hám basqa bir qatar imkaniyatları menen jaqınnan tanısıw boyınsha usınıs berildi. Bunıń ushın franciyalıq kompaniyanıń basshıları Qaraqalpaqstanǵa mirát etildi.
Haqıyqatında da, búgin pútkil dúnyada jasıl energetikadan keń paydalanıw barǵan sayın aktual áhmiyetke iye bolıp barmaqta. Sonnan, “Total Eren” kompaniyası Samarqand wálayatı Nurabat rayonında 100 MVt quwatlılıqqa iye fotoelektr stanciyasın nátiyjeli iske túsirgeni hám bul aymaqtaǵı flagman joybarǵa aylanǵanı atap ótildi. Sonday-aq, kompaniyanıń jańa iri investiciyalıq joybarlardı ámelge asırıwı arqalı Ózbekstandaǵı qatnasın keńeytiwge háreket etip atırǵanlıǵı bildirildi.
Sonday-aq, Fabyen Demol xanım «Total Eren» kompaniyasınıń házirgi waqıtta Ózbekstanda ámelge asırılıp atırǵan joybarları menen maqtanısh etetuǵını, Ózbekstan menen bunday nátiyjeli pikirlesiw tájiriybesi uzaq jıllar turaqlı birge islesiw tiykarı bolıp xızmet etiwin ayrıqsha atap ótti.
Franciya Rawajlanıw Agentliginiń bas direktorınıń orınbasarı B.Valkenar menen bolǵan ushırasıwda Joqarǵı Keńes Baslıǵı Aral teńizi basseynindegi degradaciyaǵa ushıraǵan jerlerdi hám Qaraqalpaqstan Respublikası irrigaciya sistemaların tiklewdi qarjılandırıw boyınsha Evropa investiciya banki menen birgelikte ámelge asırılıp atırǵan jumıslar boyınsha óz minnetdarshılıǵın bildirdi.
Sonıń menen birge, Qaraqalpaqstanda ekologiyalıq, innovaciyalıq joybarlardı ámelge asırıw, awıl xojalıǵın rawajlandırıw, qorshaǵan ortalıqtı qorǵaw ushın Evropa tikleniw hám rawajlanıw banki hám basqa da bir qatar dereklerdi keńnen tartıw máseleleri boyınsha kelisip alındı.
«Voltalia» kompaniyasınıń bas atqarıwshı direktorı C.Klerk penen bolǵan sóylesiwlerde Joqarǵı Keńes Baslıǵı Evropada isenimli hám uzaq múddetli birge islesiwshi sıpatında Franciya menen sheriklikti rawajlandırıwdıń áhmiyetli ekenligin ayrıqsha tilge aldı.
Francuz kompaniyası Qaraqalpaqstan Respublikası aymaǵında gibrid quyash-samal elekt stanciyasın qurıw boyınsha Ózbekstan Respublikasınıń tiyisli ministrlikleri hám mákemeleri menen birgelikte úynerip shıǵıwǵa tayar ekenligin bildirdi. Sonday-aq, bul kompaniya menen Qaraqalpaqstan rayonlarınıń birinde agrovoltaikalıq quyash panellerin ornatıw joybarın ámelge asırıw boyınsha kelisimge kelindi.
Joqarǵı Keńes Baslıǵı «Fives Group» kompaniyası direktorı J.F.Legren menen ushırasıwda Ózbektsan-Franciya arasındaǵı baylanıstı bekkemlewde húrmetli Prezidentimiz tárepinen ámelge asırılıp atırǵan is-ilajlardıń ayrıqsha ekenligi, Prezidentimiz basshılıǵında Qaraqalpaqstanda ámelge asırılıp atırǵan reformalar, sırt el investorları ushın jaratılǵan múmkinshilikler haqqında keń túrde atap ótti.
Ushırasıwda Qaraqalpaqstanda shisha islep shıǵarıw joybarın ámelge asırıwda Franciya mámleketi tárepinen ámeliy járdem kórsetiw, perspektivalı joybarlardı ámelge asırıw ushın respublika potenciyalın úyreniw maqsetinde «Fives Group» wákilleriniń Qaraqalpaqstanǵa saparın shólkemlestiriw boyınsha kelisimge kelindi.
Bunnan tısqarı, Ózbekstan delegaciyası Franciya milliy miyras institutı direktorı Sh.Personnaz benen de pikirlesip, onda eki mámleket arasındaǵı mádeniy-gumanitar baylanıslar tarawında birge islesiw máseleleri talqılandı.
Sh.Personnaz Ózbekstan adminstraciyası tárepinen eski arxitektura hám mádeniyatınıń tákirarlanbas esteliklerin restavraciyalaw hám qásterlep-abaylaw, mámlekettiń bay materiallıq-mádeniy miyrasın tiklew, muzey jumısların rawajlandırıw baǵdarında ámelge asırılıp atırǵan is-ilajlardı joqarı bahaladı.
Pikirlesiw waqtında Ózbekstandaǵı mádeniy miyras obektlerin restavraciyalaw tarawında Franciyanıń aldınǵı tájiriybesin engiziw áhmiyetliligi atap ótilip, sonnan, Franciya milliy miyras institutınıń jetekshi qánigelerin tartıw arqalı jergilikli qánigelerdiń tájiriybesin arttırıw, eki mámleket jetekshi ekspertleri qatnasıwında mádeniy miyrastı rawajlandırıw boyınsha qospa ámeliy seminarlar ótkeriwge ayrıqsha itibar qaratıldı.
Ushırasıw juwmaǵında Ózbekstanda mádeniyat hám kórkem-óner hámde materiallıq-mádeniy miyras obektlerin qorǵaw tarawında kadrlar potencialın arttırıw, Ózbekstan arxeologları hám restavratorların arnawlı tayarlıqlardan ótkeriw hám olardıń Franciya milliy miyras institutında ilimiy-texnikalıq bilim alıwı baǵdarında kelisimge erisildi.
Aytıp ótiw orınlı, Franciya mámleketine bolǵan sapar dawamında qaraqalpaq milliy saz ásbabı ǵobız YuNESKO miyrasları qatarına kirgizilip atırǵanlıǵı ayrıqsha tilge alındı.
Qaraqalpaqstan Respublikası Joqarǵı Keńesiniń Málimleme xızmeti