Ózbekstan hám Túrkiya jetekshileri strategiyalıq sheriklikti jáne de bekkemlew máselelerin dodaladı
1004
Ózbekstan Respublikası Prezidenti Shavkat Mirziyoevtiń Túrkiya Respublikası Prezidenti Rejep Tayyip Erdoǵan menen 24-iyul kúni bolıp ótken telefon arqalı sóylesiwinde eki mámleket arasındaǵı keń kólemli strategiyalıq sheriklik qatnasıqların jáne de bekkemlew hám kóp táreplemeli ámeliy birge islesiwdi keńeytiw máseleleri dodalandı.
Túrkiya basshısı Ózbekstan jetekshisin tuwılǵan kúni menen qızǵın qutlıqlap, oǵan bekkem densawlıq, baxıt-ıǵbal hám úlken tabıslar, xalqımızǵa tınıshlıq-tatıwlıq hám rawajlanıw tiledi.
Prezidentler joqarı dárejedegi kelisimler orınlanıwınıń barısın kórip shıqtı. Strategiyalıq birge islesiw keńesiniń gezektegi májilisine puqta tayarlıq kóriw zárúr ekenligine itibar qarattı.
Ekonomikanıń hár qıylı tarmaqlarında eki mámleket jetekshi kompaniya hám kárxanalarınıń sanaat kooperaciyası boyınsha perspektivalı joybarlardıń jańa portfelin birgelikte islep shıǵıw zárúr ekenligi atap ótildi.
Regionallıq kún tártibindegi áhmiyetli máseleler boyınsha da pikir alısıldı.