Ózbekstan Respublikası Prezidenti Sırt mámleketler menen óz-ara paydalı ámeliy birge islesiwdi bunnan bılay da rawajlandırıw máselelerin dodaladı
1252
Ózbekstan Respublikası Prezidenti Shavkat Mirziyoev 24-iyul kúni bir qatar sırt mámleketlerdiń mámleket basshıları hám abıraylı siyasatshıları menen telefon arqalı sóylesti.
Sırt elli birge islesiwshiler mámleketimiz basshısın tuwılǵan kúni menen qızǵın qutlıqlap, Prezidentimizge bekkem densawlıq, baxıt-ıǵbal hám Jańa Ózbekstandı qurıw, xalqımızdıń abadanlıǵın arttırıw hám elimizdiń xalıqaralıq abırayın bekkemlew, Oraylıq Aziya regionında turaqlılıq hám izbe-iz rawajlanıwdı támiyinlewge qaratılǵan artqa qaytpaytuǵın reformalar baǵdarlamasın ámelge asırıwda úlken tabıslar tiledi.
Rossiya Federaciyası Prezidenti Vladimir Putin menen telefon arqalı sóylesiwde óz-ara paydalı sawda-ekonomikalıq hám investiciyalıq birge islesiwdi bunnan bılay da keńeytiw, tovar almasıw pátin támiyinlew hám sanaat kooperaciyası boyınsha áhmiyetli joybarlardı alǵa qoyıw máseleleri dodalandı.
Aymaqlararalıq dárejedegi sóylesiw hám almasıwlardı nátiyjeli dawam ettiriw áhmiyetli ekenligi de atap ótildi.
Regionallıq kún tártibindegi áhmiyetli máseleler boyınsha pikir alısıldı.
Túrkiya Respublikası Prezidenti Rejep Tayyip Erdoǵan menen eki mámleket arasındaǵı keń kólemli strategiyalıq sheriklik qatnasıqların jáne de bekkemlew hám kóp táreplemeli ámeliy birge islesiwdi keńeytiw máseleleri dodalandı.
Prezidentler joqarı dárejedegi kelisimler orınlanıwınıń barısın kórip shıqtı. Strategiyalıq birge islesiw keńesiniń gezektegi májilisine puqta tayarlıq kóriw áhmiyetli ekenligine itibar qarattı.
Ekonomikanıń túrli tarmaqlarında eki mámleket jetekshi kompaniya hám kárxanalarınıń sanaat kooperaciyası boyınsha perspektivalı joybarlardıń jańa portfelin birgelikte islep shıǵıw áhmiyetli ekenligi atap ótildi.
Regionallıq kún tártibindegi áhmiyetli máseleler boyınsha da pikir alısıldı.
Qazaqstan Respublikası Prezidenti Qasım-Jomart Toqaev penen telefon arqalı sóylesiwinde jetekshiler jaqsı qońsıshılıq, strategiyalıq sheriklik hám awqamlaslıq qatnasıqların jáne de keńeytiw hám bekkemlew máselelerin hár tárepleme kórip shıqtı.
Húkimetleraralıq komissiyanıń Tashkent qalasında hám birgeliktegi Jumısshı topardıń Astana qalasında ótken gezektegi májilisleriniń jemisli nátiyjeleri qanaatlanıwshılıq penen atap ótildi.
Tovar almasıw kólemin arttırıw baǵdarındaǵı háreketlerdi dawam ettiriw, sanaat tarmaqları hám infrastruktura tarawında kooperaciya joybarların alǵa qoyıw, sonday-aq, qospa mádeniy ilajlardı turaqlı ótkeriw arqalı jedel gumanitarlıq almasıwdı rawajlandırıw áhmiyetli ekenligi atap ótildi.
Regionallıq birge islesiw máseleleri boyınsha pikir alısıldı, bolajaq joqarı dárejedegi sóylesiwler rejesi kórip shıǵıldı.
Qırǵız Respublikası Prezidenti Sadir Japarov penen sáwbette Ózbekstan menen Qırǵızstan arasındaǵı jaqsı qońsıshılıq hám keń kólemli strategiyalıq sheriklik qatnasıqların jáne de bekkemlewdiń áhmiyetli máseleleri atap ótildi.
Sanaat, avtomobil qurılısı, toqımashılıq hám elektrotexnika tarmaqlarında, energetika infrastrukturasın modernizaciyalaw boyınsha hám birge islesiwdiń basqa da tarawlarında qospa kooperaciya joybarların ámelge asırıwda erisilip atırǵan nátiyjeler qanaatlanıwshılıq penen atap ótildi.
Húkimetleraralıq komissiyanıń jumısı sheńberinde jańa sawda hám investiciyalıq joybarlar toplamın tayarlawǵa ayrıqsha itibar qaratıldı.
Ózbekstan hám Qırǵızstan jetekshileri bolajaq joqarı dárejedegi ilajlar rejesin de kórip shıqtı.
Tájikstan Respublikası Prezidenti Emomali Rahmon menen Ózbekstan – Tájikstan strategiyalıq sheriklik hám awqamlaslıq qatnasıqların bunnan bılay da bekkemlewdiń áhmiyetli máseleleri dodalandı.
Bolajaq joqarı dárejedegi ilajlarǵa tayarlıq kóriw hám eki tárepleme qatnasıqlar kún tártibin anıq ámeliy mazmun menen bayıtıw máseleleri kórip shıǵıldı.
Jetekshiler isbilermenlik hám gumanitarlıq baylanıslardı jáne de jedellestiriw, sonıń ishinde, birgelikte kórgizbe hám yarmarkalar ótkeriw, jaslardı keńnen tartqan halda mádeniy hám sport ilajların shólkemlestiriw áhmiyetli ekenligi haqqında birdey pikir bildirdi.
Regionallıq sheriklik, sonıń ishinde, Oraylıq Aziya mámleketleri basshılarınıń turaqlı másláhát ushırasıwları hám Araldı qutqarıw xalıqaralıq fondı sheńberindegi birge islesiwge baylanıslı máseleler de kórip shıǵıldı.
Túrkmen xalqınıń milliy jetekshisi, Túrkmenstan Xalıq Másláhátiniń Baslıǵı Gurbanguli Berdimuhamedov penen sáwbette Ózbekstan – Túrkmenstan arasındaǵı doslıq, jaqsı qońsıshılıq hám strategiyalıq sheriklik qatnasıqların bunnan bılay da bekkemlew máseleleri dodalandı.
Sanaat, energetika, awıl xojalıǵı, transport hám basqa da tarawlarda ámeliy birge islesiw izbe-iz keńeyip atırǵanı qanaatlanıwshılıq penen atap ótildi.
Ózbekstan hám Túrkmenstan jetekshileri regionallıq kún tártibindegi máseleler boyınsha da pikir alıstı, bolajaq ilajlar rejesin kórip shıqtı.
Túrkmenstan Prezidenti Serdar Berdimuhamedov penen sóylesken waqtında Ózbekstan-Túrkmenstan ámeliy birge islesiwin jáne de rawajlandırıw máseleleri dodalandı.
Túrkmenstan Prezidenti mámleketimiz basshısın tuwılǵan kúni menen qızǵın qutlıqlap, oǵan bekkem densawlıq hám úlken tabıslar, tuwısqan Ózbekstan xalqına abadanlıq hám rawajlanıw tiledi.
Sáwbette óz-ara sawdanı kóbeytiw hám ekonomikanıń tiykarǵı tarmaqlarında, sonıń ishinde, sanaat, energetika, awıl xojalıǵı, transport hám basqa da áhmiyetli baǵdarlarda kooperaciya joybarların alǵa qoyıwǵa ayrıqsha itibar qaratıldı.
«Shavat-Tashawız» shegaraaldı erkin sawda zonasın qurıw boyınsha birgeliktegi jumıslardıń dáslepki nátiyjeleri úlken qanaatlanıwshılıq penen atap ótildi.
Mámleketimiz basshısı Ázerbayjan Respublikası Prezidenti Ilhom Aliev penen eki tárepleme birge islesiwdi bunnan bılay da rawajlandırıw, kooperaciya joybarların alǵa qoyıw hám óz-ara sawdanı kóbeytiw máselelerin dodaladı.
Ózbekstan Respublikası húkimet delegaciyası ótken háptede Ázerbayjanǵa ámelge asırǵan saparınıń nátiyjeli juwmaqları hám birgeliktegi Húkimetleraralıq komissiyanıń Shusha qalasında ótkerilgen gezektegi májilisiniń nátiyjeleri qanaatlanıwshılıq penen atap ótildi.
Bolajaq joqarı dárejedegi sammitke shekem ayrıqsha kelisimler toplamın qáliplestiriw áhmiyetli ekenligi atap ótildi.
Jedel mádeniy-gumanitarlıq almasıwlardı hám xalıqaralıq strukturalar sheńberindegi tıǵız birge islesiwdi dawam ettiriwge ayrıqsha itibar qaratıldı.
Birlesken Arab Ámirlikleri Vice-prezidenti Shayx Mansur Ol Nahayan menen telefon arqalı sóylesiwinde kóp táreplemeli birge islesiwdi jáne de rawajlandırıwdıń áhmiyetli máseleleri kórip shıǵıldı.
Sóylesiw aldınan shayx Mansur Ol Nahayan mámleketimiz basshısın tuwılǵan kúni menen qızǵın qutlıqlap, oǵan bekkem densawlıq, baxıt-ıǵbal hám úlken tabıslar tiledi. Ámirlikler Prezidenti Shayx Muhammad Ol Nahayannıń sálemi hám eń jaqsı tileklerin jetkerdi.
Keyingi jıllarda Ózbekstan – BAÁ qatnasıqları joqarı dárejege kóterilgeni qanaatlanıwshılıq penen atap ótildi. Tovar almasıw kólemi jedel pátte artıp barmaqta, qospa kárxanalar kóbeymekte. Ámelge asırılıp atırǵan investiciyalıq joybarlar portfeli 4 milliard dollardan arttı.
Bolajaq joqarı dárejedegi ilajlarǵa puqta tayarlıq kóriw, olardı, bárinen burın, ekonomika hám investiciya tarawları boyınsha jańa, ámeliy mazmun menen bayıtıw áhmiyetli ekenligi atap ótildi.
Usı mániste, anıq usınıslar hám perspektivalı joybarlardı islep shıǵıw ushın jaqın kúnlerde eki mámleket húkimet delegaciyalarınıń ushırasıwların ótkeriwge ayrıqsha itibar qaratıldı.
Rossiya Federaciyası Federallıq Májilisi Federaciya Keńesiniń Baslıǵı Valentina Matvienko mámleketimiz basshısın tuwılǵan kúni menen qızǵın qutlıqlap, bekkem densawlıq, baxıt-ıǵbal hám jańa tabıslar tiledi.
Sáwbette Ózbekstan – Rossiya doslıq, strategiyalıq sheriklik hám awqamlaslıq qatnasıqlarınıń bekkemleniwine xızmet etip atırǵan parlamentleraralıq sóylesiwler jedel ótip atırǵanı qanaatlanıwshılıq penen atap ótildi.
Qazaqstan Respublikasınıń Birinshi Prezidenti Nursultan Nazarbaev Ózbekstan Prezidentin tuwılǵan kúni menen qızǵın qutlıqlap, bekkem densawlıq, shańaraqlıq baxıt hám úlken tabıslar tiledi.
Sáwbette Ózbekstan menen Qazaqstan arasındaǵı jaqsı qońsıshılıq, strategiyalıq sheriklik hám awqamlaslıq qatnasıqlarında búgin joqarı dárejege erisilgeni úlken qanaatlanıwshılıq penen atap ótildi.
***
Sonday-aq, Ózbekstan Respublikası Prezidenti Shavkat Mirziyoevtiń atına tuwılǵan kúni múnásibeti menen sırt mámleketler, húkimetler hám parlamentler, xalıqaralıq shólkemlerdiń basshılarınan qutlıqlawlar kelmekte.
Sırt elli birge islesiwshiler mámleketimiz jetekshisin qızǵın qutlıqlap, Ózbekstannıń kóp milletli xalqına tınıshlıq-paraxatshılıq, abadanlıq hám rawajlanıw tileklerin bildirmekte.
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli Shavkat Miromonovich!
Sizdi tuwılǵan kúnińiz benen qızǵın qutlıqlayman.
Siz Ózbekstan puqaraları arasında joqarı húrmetke iyesiz, onı jaqında ótken Prezidentlik saylawdıń juwmaqları da tolıq tastıyıqladı. Siziń basshılıǵıńızda mámleketińiz ekonomikalıq hám sociallıq rawajlanıw jolınan anıq barmaqta, óz máplerin xalıqaralıq maydanda nátiyjeli qorǵamaqta.
Siz mámleketlerimiz arasındaǵı strategiyalıq sheriklik hám awqamlaslıq qatnasıqların, túrli tarawlarda nátiyjeli eki tárepleme birge islesiwdi bekkemlewge úlken úles qospaqtasız.
Aramızdaǵı jıllı, doslıq qatnasıqlardı joqarı qádirleymen. Bunnan bılay da eki tárepleme, regionallıq hám xalıqaralıq kún tártibiniń áhmiyetli máseleleri boyınsha birgelikte isleymiz.
Sizge, húrmetli Shavkat Miromonovich, bekkem densawlıq, baxıt-ıǵbal, mámleketlik jumısıńızda tabıslar tileymen.
Húrmet penen,
Vladimir PUTIN,
Rossiya Federaciyası Prezidenti
***
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli Mırza Prezident,
Tuwılǵan kúnińiz múnásibeti menen qızǵın qutlıqlawlarım hám eń jaqsı tileklerimdi bildiremen.
Usı jıldıń may ayında Siz zayıbıńız benen birge «Qıtay – Oraylıq Aziya» sammitinde qatnasıw ushın Sian qalasında boldıńız hám Qıtayǵa mámleketlik sapardı tabıslı ámelge asırdıńız.
Siz benen nátiyjeli sóylesiw ótkerip, mámleketlerimiz arasındaǵı hár tárepleme birge islesiw boyınsha bir qatar áhmiyetli kelisimlerge eristik, Qıtay – Ózbekstan keń kólemli strategiyalıq sherikliktiń jańa perspektivaların belgilep alıp, oǵan keńnen jol ashtıq.
Ózbekstan – Qıtay qatnasıqların rawajlandırıwǵa úlken áhmiyet qarataman hám Siz benen doslıǵımızdı joqarı qádirleymen. Siz benen birgelikte qoldan kelgenshe háreket etip, túrli tarawlardaǵı birge islesiwdi alǵa qoyıwǵa hám ulıwma keleshekke qaray Qıtay – Ózbekstan jámiyetshiligin qurıwǵa óz úlesimdi qosıwǵa tayarman.
Jańa Ózbekstan Siziń basshılıǵıńız astında jáne de úlken tabıslarǵa erisetuǵınına isenemen.
Sizge, Ullı Mártebeli Mırza, bekkem densawlıq hám úlken tabıslar tileymen.
Húrmet penen,
Si CZINPIN,
Qıtay Xalıq Respublikasınıń Baslıǵı
***
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli Prezident, áziz tuwısqanım
Tuwılǵan kúnińiz benen qızǵın qutlıqlap, Jaratqannan Sizge bekkem densawlıq hám paraxatshılıq, uzaq ómir nesip etiwin tileymen.
Túrkiya hám Ózbekstan arasındaǵı tereń tamır urǵan doslıq hám tuwısqanlıq baylanısları barǵan sayın tereńlesip atırǵanınan oǵada quwanıshlıman.
Siz benen birgelikte keń kólemli strategiyalıq sheriklik dárejesine alıp shıqqan qatnasıqlarımız hám birge islesiwimiz keleshekte hár tarawda bekkemleniwde dawam etetuǵınına isenimim kámil.
Pursattan paydalanıp, Sizge bekkem densawlıq, baxıt-ıǵbal hám tabıs yar bolıwın tilep, dos hám tuwısqan Ózbekstan xalqınıń abadanlıǵı ushın alıp barıp atırǵan jumıslarıńızda áwmetler tilep qalaman.
Rejep Tayyip ERDOǴAN,
Túrkiya Respublikası Prezidenti
***
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli mırza Prezident!
Alpıs altı jasqa tolǵanıńız múnásibeti menen eń jaqsı tileklerimdi bildiremen.
Pursattan paydalanıp, tuwılǵan kúnim múnásibeti menen jollaǵan xatıńız ushın Sizge minnetdarshılıq bildiremen.
Siziń Italiyaǵa ámelge asırǵan saparıńız dawamında isenim payda etkenińizdey, mámleketlerimiz haqıyqıy doslıq hám birge islesiw baylanısları menen úzliksiz baylanısqan, bul xalıqaralıq kólemdegi qıyın hám áhmiyetli máselelerdi sheshiw ushın tiykar bolıp xızmet etpekte.
Ózbekstanǵa sapar menen keliw imkaniyatın kúter ekenmen, Sizdi, mırza Prezident, jáne bir márte tuwılǵan kúnińiz benen qutlıqlayman hám baxıt-ıǵbal tileymen.
Eń jaqsı tilekler menen,
Serjo MATARELLA,
Italiya Respublikası Prezidenti
Tómendegiler óz qutlıqlawların jollaǵan:
Qazaqstan Respublikası Prezidenti Qasım-Jomart Toqaev,
Qırǵız Respublikası Prezidenti Sadir Japarov,
Tájikstan Respublikası Prezidenti Emomali Rahmon,
Túrkmenstan Prezidenti Serdar Berdimuhamedov,
Túrkmen xalqınıń milliy jetekshisi, Túrkmenstan Xalıq Másláhátiniń Baslıǵı Gurbanguli Berdimuhamedov,
Ázerbayjan Respublikası Prezidenti Ilham Aliev,
Belarus Respublikası Prezidenti Aleksandr Lukashenko,
Rossiya Federaciyası Federallıq Májilisi Keńesi Valentina Matvienko,
Rossiya Federaciyası Húkimetiniń Baslıǵı Mixail Mishustin,
Birlesken Arab Ámirlikleri Bas ministriniń orınbasarı, ishki isler ministri Shayx Sayf bin Zoid Ol Nahayan,
Shanxay birge islesiw shólkeminiń bas xatkeri CHjan Min,
Túrkiy mámleketler shólkeminiń bas xatkeri Kubanichbek Omuraliev.
Qutlıqlawlardıń keliwi dawam etpekte.
Rossiya Federaciyası Prezidenti Vladimir Putin menen telefon arqalı sóylesiwde óz-ara paydalı sawda-ekonomikalıq hám investiciyalıq birge islesiwdi bunnan bılay da keńeytiw, tovar almasıw pátin támiyinlew hám sanaat kooperaciyası boyınsha áhmiyetli joybarlardı alǵa qoyıw máseleleri dodalandı.
Aymaqlararalıq dárejedegi sóylesiw hám almasıwlardı nátiyjeli dawam ettiriw áhmiyetli ekenligi de atap ótildi.
Regionallıq kún tártibindegi áhmiyetli máseleler boyınsha pikir alısıldı.
Túrkiya Respublikası Prezidenti Rejep Tayyip Erdoǵan menen eki mámleket arasındaǵı keń kólemli strategiyalıq sheriklik qatnasıqların jáne de bekkemlew hám kóp táreplemeli ámeliy birge islesiwdi keńeytiw máseleleri dodalandı.
Prezidentler joqarı dárejedegi kelisimler orınlanıwınıń barısın kórip shıqtı. Strategiyalıq birge islesiw keńesiniń gezektegi májilisine puqta tayarlıq kóriw áhmiyetli ekenligine itibar qarattı.
Ekonomikanıń túrli tarmaqlarında eki mámleket jetekshi kompaniya hám kárxanalarınıń sanaat kooperaciyası boyınsha perspektivalı joybarlardıń jańa portfelin birgelikte islep shıǵıw áhmiyetli ekenligi atap ótildi.
Regionallıq kún tártibindegi áhmiyetli máseleler boyınsha da pikir alısıldı.
Qazaqstan Respublikası Prezidenti Qasım-Jomart Toqaev penen telefon arqalı sóylesiwinde jetekshiler jaqsı qońsıshılıq, strategiyalıq sheriklik hám awqamlaslıq qatnasıqların jáne de keńeytiw hám bekkemlew máselelerin hár tárepleme kórip shıqtı.
Húkimetleraralıq komissiyanıń Tashkent qalasında hám birgeliktegi Jumısshı topardıń Astana qalasında ótken gezektegi májilisleriniń jemisli nátiyjeleri qanaatlanıwshılıq penen atap ótildi.
Tovar almasıw kólemin arttırıw baǵdarındaǵı háreketlerdi dawam ettiriw, sanaat tarmaqları hám infrastruktura tarawında kooperaciya joybarların alǵa qoyıw, sonday-aq, qospa mádeniy ilajlardı turaqlı ótkeriw arqalı jedel gumanitarlıq almasıwdı rawajlandırıw áhmiyetli ekenligi atap ótildi.
Regionallıq birge islesiw máseleleri boyınsha pikir alısıldı, bolajaq joqarı dárejedegi sóylesiwler rejesi kórip shıǵıldı.
Qırǵız Respublikası Prezidenti Sadir Japarov penen sáwbette Ózbekstan menen Qırǵızstan arasındaǵı jaqsı qońsıshılıq hám keń kólemli strategiyalıq sheriklik qatnasıqların jáne de bekkemlewdiń áhmiyetli máseleleri atap ótildi.
Sanaat, avtomobil qurılısı, toqımashılıq hám elektrotexnika tarmaqlarında, energetika infrastrukturasın modernizaciyalaw boyınsha hám birge islesiwdiń basqa da tarawlarında qospa kooperaciya joybarların ámelge asırıwda erisilip atırǵan nátiyjeler qanaatlanıwshılıq penen atap ótildi.
Húkimetleraralıq komissiyanıń jumısı sheńberinde jańa sawda hám investiciyalıq joybarlar toplamın tayarlawǵa ayrıqsha itibar qaratıldı.
Ózbekstan hám Qırǵızstan jetekshileri bolajaq joqarı dárejedegi ilajlar rejesin de kórip shıqtı.
Tájikstan Respublikası Prezidenti Emomali Rahmon menen Ózbekstan – Tájikstan strategiyalıq sheriklik hám awqamlaslıq qatnasıqların bunnan bılay da bekkemlewdiń áhmiyetli máseleleri dodalandı.
Bolajaq joqarı dárejedegi ilajlarǵa tayarlıq kóriw hám eki tárepleme qatnasıqlar kún tártibin anıq ámeliy mazmun menen bayıtıw máseleleri kórip shıǵıldı.
Jetekshiler isbilermenlik hám gumanitarlıq baylanıslardı jáne de jedellestiriw, sonıń ishinde, birgelikte kórgizbe hám yarmarkalar ótkeriw, jaslardı keńnen tartqan halda mádeniy hám sport ilajların shólkemlestiriw áhmiyetli ekenligi haqqında birdey pikir bildirdi.
Regionallıq sheriklik, sonıń ishinde, Oraylıq Aziya mámleketleri basshılarınıń turaqlı másláhát ushırasıwları hám Araldı qutqarıw xalıqaralıq fondı sheńberindegi birge islesiwge baylanıslı máseleler de kórip shıǵıldı.
Túrkmen xalqınıń milliy jetekshisi, Túrkmenstan Xalıq Másláhátiniń Baslıǵı Gurbanguli Berdimuhamedov penen sáwbette Ózbekstan – Túrkmenstan arasındaǵı doslıq, jaqsı qońsıshılıq hám strategiyalıq sheriklik qatnasıqların bunnan bılay da bekkemlew máseleleri dodalandı.
Sanaat, energetika, awıl xojalıǵı, transport hám basqa da tarawlarda ámeliy birge islesiw izbe-iz keńeyip atırǵanı qanaatlanıwshılıq penen atap ótildi.
Ózbekstan hám Túrkmenstan jetekshileri regionallıq kún tártibindegi máseleler boyınsha da pikir alıstı, bolajaq ilajlar rejesin kórip shıqtı.
Túrkmenstan Prezidenti Serdar Berdimuhamedov penen sóylesken waqtında Ózbekstan-Túrkmenstan ámeliy birge islesiwin jáne de rawajlandırıw máseleleri dodalandı.
Túrkmenstan Prezidenti mámleketimiz basshısın tuwılǵan kúni menen qızǵın qutlıqlap, oǵan bekkem densawlıq hám úlken tabıslar, tuwısqan Ózbekstan xalqına abadanlıq hám rawajlanıw tiledi.
Sáwbette óz-ara sawdanı kóbeytiw hám ekonomikanıń tiykarǵı tarmaqlarında, sonıń ishinde, sanaat, energetika, awıl xojalıǵı, transport hám basqa da áhmiyetli baǵdarlarda kooperaciya joybarların alǵa qoyıwǵa ayrıqsha itibar qaratıldı.
«Shavat-Tashawız» shegaraaldı erkin sawda zonasın qurıw boyınsha birgeliktegi jumıslardıń dáslepki nátiyjeleri úlken qanaatlanıwshılıq penen atap ótildi.
Mámleketimiz basshısı Ázerbayjan Respublikası Prezidenti Ilhom Aliev penen eki tárepleme birge islesiwdi bunnan bılay da rawajlandırıw, kooperaciya joybarların alǵa qoyıw hám óz-ara sawdanı kóbeytiw máselelerin dodaladı.
Ózbekstan Respublikası húkimet delegaciyası ótken háptede Ázerbayjanǵa ámelge asırǵan saparınıń nátiyjeli juwmaqları hám birgeliktegi Húkimetleraralıq komissiyanıń Shusha qalasında ótkerilgen gezektegi májilisiniń nátiyjeleri qanaatlanıwshılıq penen atap ótildi.
Bolajaq joqarı dárejedegi sammitke shekem ayrıqsha kelisimler toplamın qáliplestiriw áhmiyetli ekenligi atap ótildi.
Jedel mádeniy-gumanitarlıq almasıwlardı hám xalıqaralıq strukturalar sheńberindegi tıǵız birge islesiwdi dawam ettiriwge ayrıqsha itibar qaratıldı.
Birlesken Arab Ámirlikleri Vice-prezidenti Shayx Mansur Ol Nahayan menen telefon arqalı sóylesiwinde kóp táreplemeli birge islesiwdi jáne de rawajlandırıwdıń áhmiyetli máseleleri kórip shıǵıldı.
Sóylesiw aldınan shayx Mansur Ol Nahayan mámleketimiz basshısın tuwılǵan kúni menen qızǵın qutlıqlap, oǵan bekkem densawlıq, baxıt-ıǵbal hám úlken tabıslar tiledi. Ámirlikler Prezidenti Shayx Muhammad Ol Nahayannıń sálemi hám eń jaqsı tileklerin jetkerdi.
Keyingi jıllarda Ózbekstan – BAÁ qatnasıqları joqarı dárejege kóterilgeni qanaatlanıwshılıq penen atap ótildi. Tovar almasıw kólemi jedel pátte artıp barmaqta, qospa kárxanalar kóbeymekte. Ámelge asırılıp atırǵan investiciyalıq joybarlar portfeli 4 milliard dollardan arttı.
Bolajaq joqarı dárejedegi ilajlarǵa puqta tayarlıq kóriw, olardı, bárinen burın, ekonomika hám investiciya tarawları boyınsha jańa, ámeliy mazmun menen bayıtıw áhmiyetli ekenligi atap ótildi.
Usı mániste, anıq usınıslar hám perspektivalı joybarlardı islep shıǵıw ushın jaqın kúnlerde eki mámleket húkimet delegaciyalarınıń ushırasıwların ótkeriwge ayrıqsha itibar qaratıldı.
Rossiya Federaciyası Federallıq Májilisi Federaciya Keńesiniń Baslıǵı Valentina Matvienko mámleketimiz basshısın tuwılǵan kúni menen qızǵın qutlıqlap, bekkem densawlıq, baxıt-ıǵbal hám jańa tabıslar tiledi.
Sáwbette Ózbekstan – Rossiya doslıq, strategiyalıq sheriklik hám awqamlaslıq qatnasıqlarınıń bekkemleniwine xızmet etip atırǵan parlamentleraralıq sóylesiwler jedel ótip atırǵanı qanaatlanıwshılıq penen atap ótildi.
Qazaqstan Respublikasınıń Birinshi Prezidenti Nursultan Nazarbaev Ózbekstan Prezidentin tuwılǵan kúni menen qızǵın qutlıqlap, bekkem densawlıq, shańaraqlıq baxıt hám úlken tabıslar tiledi.
Sáwbette Ózbekstan menen Qazaqstan arasındaǵı jaqsı qońsıshılıq, strategiyalıq sheriklik hám awqamlaslıq qatnasıqlarında búgin joqarı dárejege erisilgeni úlken qanaatlanıwshılıq penen atap ótildi.
***
Sonday-aq, Ózbekstan Respublikası Prezidenti Shavkat Mirziyoevtiń atına tuwılǵan kúni múnásibeti menen sırt mámleketler, húkimetler hám parlamentler, xalıqaralıq shólkemlerdiń basshılarınan qutlıqlawlar kelmekte.
Sırt elli birge islesiwshiler mámleketimiz jetekshisin qızǵın qutlıqlap, Ózbekstannıń kóp milletli xalqına tınıshlıq-paraxatshılıq, abadanlıq hám rawajlanıw tileklerin bildirmekte.
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli Shavkat Miromonovich!
Sizdi tuwılǵan kúnińiz benen qızǵın qutlıqlayman.
Siz Ózbekstan puqaraları arasında joqarı húrmetke iyesiz, onı jaqında ótken Prezidentlik saylawdıń juwmaqları da tolıq tastıyıqladı. Siziń basshılıǵıńızda mámleketińiz ekonomikalıq hám sociallıq rawajlanıw jolınan anıq barmaqta, óz máplerin xalıqaralıq maydanda nátiyjeli qorǵamaqta.
Siz mámleketlerimiz arasındaǵı strategiyalıq sheriklik hám awqamlaslıq qatnasıqların, túrli tarawlarda nátiyjeli eki tárepleme birge islesiwdi bekkemlewge úlken úles qospaqtasız.
Aramızdaǵı jıllı, doslıq qatnasıqlardı joqarı qádirleymen. Bunnan bılay da eki tárepleme, regionallıq hám xalıqaralıq kún tártibiniń áhmiyetli máseleleri boyınsha birgelikte isleymiz.
Sizge, húrmetli Shavkat Miromonovich, bekkem densawlıq, baxıt-ıǵbal, mámleketlik jumısıńızda tabıslar tileymen.
Húrmet penen,
Vladimir PUTIN,
Rossiya Federaciyası Prezidenti
***
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli Mırza Prezident,
Tuwılǵan kúnińiz múnásibeti menen qızǵın qutlıqlawlarım hám eń jaqsı tileklerimdi bildiremen.
Usı jıldıń may ayında Siz zayıbıńız benen birge «Qıtay – Oraylıq Aziya» sammitinde qatnasıw ushın Sian qalasında boldıńız hám Qıtayǵa mámleketlik sapardı tabıslı ámelge asırdıńız.
Siz benen nátiyjeli sóylesiw ótkerip, mámleketlerimiz arasındaǵı hár tárepleme birge islesiw boyınsha bir qatar áhmiyetli kelisimlerge eristik, Qıtay – Ózbekstan keń kólemli strategiyalıq sherikliktiń jańa perspektivaların belgilep alıp, oǵan keńnen jol ashtıq.
Ózbekstan – Qıtay qatnasıqların rawajlandırıwǵa úlken áhmiyet qarataman hám Siz benen doslıǵımızdı joqarı qádirleymen. Siz benen birgelikte qoldan kelgenshe háreket etip, túrli tarawlardaǵı birge islesiwdi alǵa qoyıwǵa hám ulıwma keleshekke qaray Qıtay – Ózbekstan jámiyetshiligin qurıwǵa óz úlesimdi qosıwǵa tayarman.
Jańa Ózbekstan Siziń basshılıǵıńız astında jáne de úlken tabıslarǵa erisetuǵınına isenemen.
Sizge, Ullı Mártebeli Mırza, bekkem densawlıq hám úlken tabıslar tileymen.
Húrmet penen,
Si CZINPIN,
Qıtay Xalıq Respublikasınıń Baslıǵı
***
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli Prezident, áziz tuwısqanım
Tuwılǵan kúnińiz benen qızǵın qutlıqlap, Jaratqannan Sizge bekkem densawlıq hám paraxatshılıq, uzaq ómir nesip etiwin tileymen.
Túrkiya hám Ózbekstan arasındaǵı tereń tamır urǵan doslıq hám tuwısqanlıq baylanısları barǵan sayın tereńlesip atırǵanınan oǵada quwanıshlıman.
Siz benen birgelikte keń kólemli strategiyalıq sheriklik dárejesine alıp shıqqan qatnasıqlarımız hám birge islesiwimiz keleshekte hár tarawda bekkemleniwde dawam etetuǵınına isenimim kámil.
Pursattan paydalanıp, Sizge bekkem densawlıq, baxıt-ıǵbal hám tabıs yar bolıwın tilep, dos hám tuwısqan Ózbekstan xalqınıń abadanlıǵı ushın alıp barıp atırǵan jumıslarıńızda áwmetler tilep qalaman.
Rejep Tayyip ERDOǴAN,
Túrkiya Respublikası Prezidenti
***
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli mırza Prezident!
Alpıs altı jasqa tolǵanıńız múnásibeti menen eń jaqsı tileklerimdi bildiremen.
Pursattan paydalanıp, tuwılǵan kúnim múnásibeti menen jollaǵan xatıńız ushın Sizge minnetdarshılıq bildiremen.
Siziń Italiyaǵa ámelge asırǵan saparıńız dawamında isenim payda etkenińizdey, mámleketlerimiz haqıyqıy doslıq hám birge islesiw baylanısları menen úzliksiz baylanısqan, bul xalıqaralıq kólemdegi qıyın hám áhmiyetli máselelerdi sheshiw ushın tiykar bolıp xızmet etpekte.
Ózbekstanǵa sapar menen keliw imkaniyatın kúter ekenmen, Sizdi, mırza Prezident, jáne bir márte tuwılǵan kúnińiz benen qutlıqlayman hám baxıt-ıǵbal tileymen.
Eń jaqsı tilekler menen,
Serjo MATARELLA,
Italiya Respublikası Prezidenti
Tómendegiler óz qutlıqlawların jollaǵan:
Qazaqstan Respublikası Prezidenti Qasım-Jomart Toqaev,
Qırǵız Respublikası Prezidenti Sadir Japarov,
Tájikstan Respublikası Prezidenti Emomali Rahmon,
Túrkmenstan Prezidenti Serdar Berdimuhamedov,
Túrkmen xalqınıń milliy jetekshisi, Túrkmenstan Xalıq Másláhátiniń Baslıǵı Gurbanguli Berdimuhamedov,
Ázerbayjan Respublikası Prezidenti Ilham Aliev,
Belarus Respublikası Prezidenti Aleksandr Lukashenko,
Rossiya Federaciyası Federallıq Májilisi Keńesi Valentina Matvienko,
Rossiya Federaciyası Húkimetiniń Baslıǵı Mixail Mishustin,
Birlesken Arab Ámirlikleri Bas ministriniń orınbasarı, ishki isler ministri Shayx Sayf bin Zoid Ol Nahayan,
Shanxay birge islesiw shólkeminiń bas xatkeri CHjan Min,
Túrkiy mámleketler shólkeminiń bas xatkeri Kubanichbek Omuraliev.
Qutlıqlawlardıń keliwi dawam etpekte.
Qaraqalpaqstan Respublikası Joqarǵı Keńesiniń Málimleme xızmeti