Qanlıkól rayonı hákimi tayınlandı
1881
Usı jıldıń 25-iyul kúni xalıq deputatları Qanlıkól rayonlıq Keńesiniń gezeksiz alpıs jetinshi sessiyası bolıp ótti.
Sessiyanıń kún tártibinde shólkemlestiriw máselesi kórip shıǵıldı.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnastı hám shıǵıp sóyledi.
Sessiyada rayon hákimi lawazımına Sultanov Baxram Begdullaevichti tayınlaw máselesi kórip shıǵıldı.
Usınılǵan talabandı rayonlıq Keńestiń bir qatar deputatları qollap-quwatlap, shıǵıp sóyledi.
Sessiyada Sultanov Baxram Begdullaevich Qanlıkól rayonı hákimi lawazımına tastıyıqlandı.
Óz gezeginde B.Sultanov ózine bildirilgen isenimdi aqlawǵa, bilim hám tájiriybesin rayondı hár tárepleme rawajlandırıwǵa, ásirese, sociallıq qorǵawǵa mútáj xalıq qatlamın materiallıq qollap-quwatlawǵa, xalıqtı qıynap kiyatırǵan mashqalalarǵa sheshim tabıwǵa, isbilermenlikti rawajlandırıw arqalı qosımsha jumıs orınların jaratıwǵa jumsaytuǵınlıǵın bildirdi.
Usınıń menen xalıq deputatları Qanlıkól rayonlıq Keńesiniń gezeksiz alpıs jetinshi sessiyası óz jumısın juwmaqladı.
Maǵlıwmat ushın, Sultanov Baxram Begdullaevich usı kúnge shekem "Ózsanaatqurılısbank" akcionerlik kommerciyalıq banki mámleketlik baǵdarlamalar joybarları menen islesiw departamenti direktorınıń orınbasarı lawazımında nátiyjeli jumıs alıp barǵan.
Usınılǵan talabandı rayonlıq Keńestiń bir qatar deputatları qollap-quwatlap, shıǵıp sóyledi.
Sessiyada Sultanov Baxram Begdullaevich Qanlıkól rayonı hákimi lawazımına tastıyıqlandı.
Óz gezeginde B.Sultanov ózine bildirilgen isenimdi aqlawǵa, bilim hám tájiriybesin rayondı hár tárepleme rawajlandırıwǵa, ásirese, sociallıq qorǵawǵa mútáj xalıq qatlamın materiallıq qollap-quwatlawǵa, xalıqtı qıynap kiyatırǵan mashqalalarǵa sheshim tabıwǵa, isbilermenlikti rawajlandırıw arqalı qosımsha jumıs orınların jaratıwǵa jumsaytuǵınlıǵın bildirdi.
Usınıń menen xalıq deputatları Qanlıkól rayonlıq Keńesiniń gezeksiz alpıs jetinshi sessiyası óz jumısın juwmaqladı.
Maǵlıwmat ushın, Sultanov Baxram Begdullaevich usı kúnge shekem "Ózsanaatqurılısbank" akcionerlik kommerciyalıq banki mámleketlik baǵdarlamalar joybarları menen islesiw departamenti direktorınıń orınbasarı lawazımında nátiyjeli jumıs alıp barǵan.
Qaraqalpaqstan Respublikası Joqarǵı Keńesiniń Málimleme xızmeti