Nókis qalası hákimi tayınlandı
1678
Usı jıldıń 26-iyul kúni xalıq deputatları Nókis qalalıq Keńesiniń gezeksiz alpıs altınshı sessiyası bolıp ótti. Sessiyanıń kún tártibinde shólkemlestiriw máselesi kórip shıǵıldı. Sessiya jumısına Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnastı hám shıǵıp sóyledi. 
Sessiyada qala hákimi lawazımına Daniyarov Abatbay Saparbaevichti tayınlaw máselesi kórip shıǵıldı. Usınılǵan talabandı qalalıq Keńestiń bir qatar deputatları qollap-quwatlap shıǵıp sóyledi. Sessiyada Daniyarov Abatbay Saparbaevich Nókis qalası hákimi lawazımına tastıyıqlandı. Óz gezeginde A.Daniyarov ózine bildirilgen isenimdi aqlawǵa, bilim hám tájiriybesin qalanı hár tárepleme rawajlandırıwǵa, ásirese, sociallıq qorǵawǵa mútáj xalıq qatlamların materiallıq qollap-quwatlawǵa, xalıqtı qıynap kiyatırǵan mashqalalarǵa sheshim tabıwǵa, isbilermenlikti rawajlandırıw arqalı qosımsha jumıs orınların jaratıwǵa jumsaytuǵınlıǵın bildirdi. Usınıń menen xalıq deputatları Nókis qalalıq Keńesiniń gezeksiz alpıs altınshı sessiyası óz jumısın juwmaqladı.
Maǵlıwmat ushın, Daniyarov Abatbay Saparbaevich usı kúnge shekem Qaraqalpaqstan Respublikası Ministrler Keńesi Baslıǵınıń Jaslar siyasatı, sociallıq rawajlandırıw hám ruwxıy-aǵartıwshılıq isleri boyınsha orınbasarı lawazımında nátiyjeli jumıs alıp barǵan.
Sessiyada qala hákimi lawazımına Daniyarov Abatbay Saparbaevichti tayınlaw máselesi kórip shıǵıldı. Usınılǵan talabandı qalalıq Keńestiń bir qatar deputatları qollap-quwatlap shıǵıp sóyledi. Sessiyada Daniyarov Abatbay Saparbaevich Nókis qalası hákimi lawazımına tastıyıqlandı. Óz gezeginde A.Daniyarov ózine bildirilgen isenimdi aqlawǵa, bilim hám tájiriybesin qalanı hár tárepleme rawajlandırıwǵa, ásirese, sociallıq qorǵawǵa mútáj xalıq qatlamların materiallıq qollap-quwatlawǵa, xalıqtı qıynap kiyatırǵan mashqalalarǵa sheshim tabıwǵa, isbilermenlikti rawajlandırıw arqalı qosımsha jumıs orınların jaratıwǵa jumsaytuǵınlıǵın bildirdi. Usınıń menen xalıq deputatları Nókis qalalıq Keńesiniń gezeksiz alpıs altınshı sessiyası óz jumısın juwmaqladı.
Qaraqalpaqstan Respublikası Joqarǵı Keńesiniń Málimleme xızmeti