Sport tarawındaǵı wazıypalar boyınsha málimleme berildi
771
Ózbekstan Respublikası Prezidenti Shavkat Mirziyoevqa sport tarawındaǵı iri ilajlar hám rejeler haqqında málimleme berildi.
Elimizde sport biraz rawajlanıp barmaqta. Futbol, voleybol, boks, gúres, shaxmat, tennis, awır hám jeńil atletikalardıń kóplegen túrleri ǵalaba en jayǵan. Mámleketimiz basshısınıń ideyası menen shólkemlestirilgen «Bes baslama olimpiadası» jas áwlad arasında denetárbiya mádeniyatın bunnan bılay da keńnen en jaydırıwǵa xızmet etpekte.
Prezentaciyada ǵalabalıq sport, etnosport hám gimnastikanı rawajlandırıw boyınsha usınıslar kórip shıǵıldı.
Atap aytqanda, «Bes baslama olimpiadası»ndaǵı sport túrleriniń sanın 9 dan 12 ge shekem kóbeytiw hám birinshi ret mayıplıǵı bolǵan shaxslar arasında da 5 baǵdarda ótkeriw usınıs etilmekte. Hár jılı Nawrız bayramı aldınan Surxandáryada ótkerilip kiyatırǵan xalıqaralıq shabandozlar jarısın elimizdiń basqa da aymaqlarında shólkemlestiriw mólsherlenbekte. Jeke gúresler boyınsha potencialdı durıs baǵdarlaw maqsetinde barlıq sport mekteplerinde qol urısı dógereklerin ashıw belgilenbekte.
Bizge belgili, 2022-jıl 25-mayda Prezidenttiń «Etnosport túrlerin ǵalaba en jaydırıw hám rawajlandırıw ilajları haqqında»ǵı qararı qabıl etilgen. Onda, sonıń ishinde, Xiywa qalasında hár eki jılda bir ret Xalıqaralıq etnosport festivalınıń ótkeriliwi belgilengen.
Dáslepki festivaldı usı jılı 7-10-sentyabr kúnleri Ichan qalada ótkeriw rejelestirilmekte. Onıń sheńberinde xalıq oyınları hám sport jarısları, ónermentshilik kórgizbeleri, qawın seyili, palaw pisiriw chempionatı, saxnalastırılǵan baǵdarlamalar bolıp ótedi.
Mámleketimiz basshısı festivalǵa joqarı dárejede tayarlıq kóriw, qatnasıwshılar hám turistlerge barlıq qolaylıqlardı jaratıw, Xiywa qalasında «Xalıqaralıq etnofestival parki»n shólkemlestiriw boyınsha kórsetpeler berdi.
Prezidentimizdiń 2022-jıl 23-dekabrdegi qararına muwapıq, gimnastika sport túrlerin rawajlandırıw baǵdarında da kóp jumıslar islenbekte. Atap aytqanda, Nókis, Samarqand hám Ferǵana qalalarında Gimnastika sport túrlerine tayarlaw orayları dúzilmekte. Olar qánigelestirilgen sport-bilimlendiriw mákemesi esaplanadı, pitkeriwshilerge trener hám selekcioner qánigeligi boyınsha diplom beriledi. Házirgi waqıtta oraylar ushın imaratlar qurıw, rekonstrukciyalaw hám úskenelewge baylanıslı joybarlar islenbekte. Bul sport mákemeleri 2024-2025-jıldan jumıs baslaydı.
Mámleketimiz basshısı bul oraylarda sportshılardı tayarlawǵa baylanıslı eń aldınǵı usıllardı engiziw, dietologiyanı rawajlandırıw, oqıwshılardıń qatnawına qolaylıq jaratıw zárúr ekenligin atap ótti.
Atap aytqanda, «Bes baslama olimpiadası»ndaǵı sport túrleriniń sanın 9 dan 12 ge shekem kóbeytiw hám birinshi ret mayıplıǵı bolǵan shaxslar arasında da 5 baǵdarda ótkeriw usınıs etilmekte. Hár jılı Nawrız bayramı aldınan Surxandáryada ótkerilip kiyatırǵan xalıqaralıq shabandozlar jarısın elimizdiń basqa da aymaqlarında shólkemlestiriw mólsherlenbekte. Jeke gúresler boyınsha potencialdı durıs baǵdarlaw maqsetinde barlıq sport mekteplerinde qol urısı dógereklerin ashıw belgilenbekte.
Bizge belgili, 2022-jıl 25-mayda Prezidenttiń «Etnosport túrlerin ǵalaba en jaydırıw hám rawajlandırıw ilajları haqqında»ǵı qararı qabıl etilgen. Onda, sonıń ishinde, Xiywa qalasında hár eki jılda bir ret Xalıqaralıq etnosport festivalınıń ótkeriliwi belgilengen.
Dáslepki festivaldı usı jılı 7-10-sentyabr kúnleri Ichan qalada ótkeriw rejelestirilmekte. Onıń sheńberinde xalıq oyınları hám sport jarısları, ónermentshilik kórgizbeleri, qawın seyili, palaw pisiriw chempionatı, saxnalastırılǵan baǵdarlamalar bolıp ótedi.
Mámleketimiz basshısı festivalǵa joqarı dárejede tayarlıq kóriw, qatnasıwshılar hám turistlerge barlıq qolaylıqlardı jaratıw, Xiywa qalasında «Xalıqaralıq etnofestival parki»n shólkemlestiriw boyınsha kórsetpeler berdi.
Prezidentimizdiń 2022-jıl 23-dekabrdegi qararına muwapıq, gimnastika sport túrlerin rawajlandırıw baǵdarında da kóp jumıslar islenbekte. Atap aytqanda, Nókis, Samarqand hám Ferǵana qalalarında Gimnastika sport túrlerine tayarlaw orayları dúzilmekte. Olar qánigelestirilgen sport-bilimlendiriw mákemesi esaplanadı, pitkeriwshilerge trener hám selekcioner qánigeligi boyınsha diplom beriledi. Házirgi waqıtta oraylar ushın imaratlar qurıw, rekonstrukciyalaw hám úskenelewge baylanıslı joybarlar islenbekte. Bul sport mákemeleri 2024-2025-jıldan jumıs baslaydı.
Mámleketimiz basshısı bul oraylarda sportshılardı tayarlawǵa baylanıslı eń aldınǵı usıllardı engiziw, dietologiyanı rawajlandırıw, oqıwshılardıń qatnawına qolaylıq jaratıw zárúr ekenligin atap ótti.
Qaraqalpaqstan Respublikası Joqarǵı Keńesiniń Málimleme xızmeti