Taxtakópir rayonın rawajlandırıw baǵdarında ámelge asırılǵan jumıslar sın kóz-qarasta talqılandı
1018
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taxtakópir rayonın sociallıq-ekonomikalıq jaqtan rawajlandırıw, kámbaǵallıqtı qısqartıw, xalıqtıń bántligin támiyinlew hámde investiciyalıq joybarlardı ámelge asırıw baǵdarında ámelge asırılıwı tiyis jumıslar, belgilengen máseleler hám orınlanǵan wazıypalarǵa arnalǵan májilis ótkerdi.
Onda rayon belsendileri, juwapker mákemeler hám tiyisli uyımlar qatnastı.
Aytıp ótiw kerek, rayondı hár tárepleme rawajlandırıw boyınsha bir qatar wazıypalar, aldıńǵı ótkerilgen májilis protokolı menen ámelge asırılıwı tiyis jumıslar belgilep berilgen edi. Degen menen, berilgen tapsırmalar hám wazıypalardıń orınlanıwı boyınsha rayonda bir qatar kemshiliklerge jol qoyılǵan.
Atap aytqanda hayal-qızlardı, sonday-ak, jaslardı qollap-quwatlaw, olardıń bántligin támiyinlew, isbilermenligin jolǵa qoyıwına hám kredit qarjıların alıwına kómeklesiw jumısları talap dárejesinde alıp barılmay atır.
Ózbekstan Respublikası Prezidentiniń 2023-jıl 10-apreldegi PQ-118-sanlı qararı tiykarında sociallıq obektlerdiń ısıtıw qazanxanaların kómirge sáykeslestiriw boyınsha rayondaǵı 54 sociallıq mákemelerdiń proekt smeta hújjetlerin islep shıǵıw hám ekspertizadan ótkeriw belgilengen, biraq, búginge shekem bul ilajlar baslanbaǵan.
Hákimlik tárepinen 2023-jılda turizm tarawın rawajlandırıw boyınsha birde-bir Shańaraqlıq isbilermenlik subektleri hám aymaqlıq investiciyalıq joybarları reje etip belgilep alınbaǵan. Bar bolǵan imkaniyatlardan nátiyjeli paydalanıw da talap dárejesinde orınlanbaǵan.
Jańa jumıs orınların jaratıw hám xalıqtıń bántligin támiyinlew boyınsha 2023-jılı rayonda baǵdarlama tiykarında 5360 jumıs orınların shólkemlesitiriw belgilengen. Sonnan, usı jıldıń birinshi yarım jıllıǵında reje orınlanǵanı boyınsha esabat berilgen. Biraq, usınılǵan esabatlar asırıp kórsetilgenligi anıqlanǵan.
Ózbekstan Respublikası Miynet Kodeksi, “Xalıq bántligi haqqında”ǵı Nızam talaplarınıń orınlanıwında da bir qatar nızam buzıwshılıq jaǵdayları anıqlanǵan.
Kommunallıq xızmetler, sanitariyalıq-epidemiologiyalıq jaǵday, mámleketlik satıp alıwlar, jer uchastkalarınan paydalanıwda mámleketlik qadaǵalawdıń nátiyjeliligin arttırıw boyınsha da bir qatar qáte-kemshiliklerge jol qoyılǵan.
Qurılıs tarawı boyınsha tekseriw jumısları alıp barılǵanda nızambuzıwshılık jaǵdayları, hújjetlerdi rásmiylestiriwde kemshiliklerge jol qoyılǵanı, jańa kóp qabatlı turaq jaylardı qurıw durıs shólkemlestirilmegeni, ayırım basshılardıń óz jumısına nemquraydılıq penen qaraǵanı sıyaqlı kemshilikler anıqlanǵan. Rayonda kóklemzarlastırıw jumısları da nátiyjeli jolǵa qoyılmaǵan.
Kishi biznes subektlerin ashıw boyınsha yanvar-iyul aylarına belgilengen rejege salıstırǵanda 28-iyul jaǵdayına Taxtakópirde 52 subekt ashılmaǵan.
Sonıń menen birge, esabatlarda usı jıl dawamında 112 kishi biznes subektinde 210 jańa jumıs ornı jaratılǵanı kórsetilgen bolsa, salıq bazasında -136 jumıs orınları jaratılmaǵanı, 18 kishi biznes subekti iske tusirilmegenligi anıqlanǵan.
Rayonda bar bolǵan awıl xojalıǵı ónimleri resursı hám tutınıwdan kelip shıǵıp, xalıqtıń tiykarǵı azıq-awqat ónimlerine bolǵan talabı tolıq támiyinlenbegen. Awıl xojalıǵı tarawı boyınsha da ele bir qatar mashqalalar óz sheshimin tappay atır.
Múrájatlardı unamlı sheshiw ilajları da talap dárejesinde orınlanbaǵan. Kámbaǵallıqtı qısqartıw hám xalıqtıń bántligin támiyinlew maqsetinde “Shańaraqlıq isbilermenlik” baǵdarlaması tiykarında rayonda ajıratılǵan kreditlerdiń tek ǵana 52,4 procenti ózlestirilgen.
Bıyılǵı jılı Investiciyalardı kirgiziw boyınsha jámi 40,7 mln. dollarlıq 57 proekt qáliplestirilgen. Biraq, usı kúnge shekem tek ǵana 570 mıń dollar ózlestirilgen. Rayonda 2023-jıl yanvar-iyun ayları ushın belgilengen 838 mıń dollar rejeniń -540 mıń dollar eksportı ámelge asırılmaǵan. Eksportyor kárxanalar rayon sektor baslıqlarına hám hákim orınbasarlarına biriktirilgen bolsa da, bir qatar kárxanalarda ónimlerdi eksport etiw rejesi tolıq orınlanbaǵan.
Májilis dawamında kishi sanaat zonası, Jaslar sanaat zonası boyınsha jumıslar da nátiyjeli jolǵa qoyılmaǵanı sebepli ele shólkemlestiriw jumısları talap dárejesinde orınlanbay atırǵanlıǵı sınǵa alındı.
Májiliste óz jumısların atqarıwda bir qatar qáte-kemshiliklerge jol qoyǵanlıǵı hám wazıypasına nemquraydılıq penen qaraǵanlıǵı ushın rayon hákiminiń orınbasarı — Shańaraq hám hayal-qızlar bólimi baslıǵı, Máhállebay islesiw hám isbilermenlikti rawajlandırıw orayı baslıǵı, Kámbaǵallıqtı qısqartıw hám bántlik bólimi baslıǵı, Mektepke shekemgi hám mektep bilimlendiriwi bólimi baslıǵı, Jaslar isleri agentligi rayonlıq bólimi baslıǵı hám mádeniyat bólimi baslıǵına intizamıy jaza sharası qollanıldı.
Ótkerilgen májilis juwmaǵında bir qatar wazıypalar belgilep berildi.
Sonıń menen birge, esabatlarda usı jıl dawamında 112 kishi biznes subektinde 210 jańa jumıs ornı jaratılǵanı kórsetilgen bolsa, salıq bazasında -136 jumıs orınları jaratılmaǵanı, 18 kishi biznes subekti iske tusirilmegenligi anıqlanǵan.
Rayonda bar bolǵan awıl xojalıǵı ónimleri resursı hám tutınıwdan kelip shıǵıp, xalıqtıń tiykarǵı azıq-awqat ónimlerine bolǵan talabı tolıq támiyinlenbegen. Awıl xojalıǵı tarawı boyınsha da ele bir qatar mashqalalar óz sheshimin tappay atır.
Múrájatlardı unamlı sheshiw ilajları da talap dárejesinde orınlanbaǵan. Kámbaǵallıqtı qısqartıw hám xalıqtıń bántligin támiyinlew maqsetinde “Shańaraqlıq isbilermenlik” baǵdarlaması tiykarında rayonda ajıratılǵan kreditlerdiń tek ǵana 52,4 procenti ózlestirilgen.
Bıyılǵı jılı Investiciyalardı kirgiziw boyınsha jámi 40,7 mln. dollarlıq 57 proekt qáliplestirilgen. Biraq, usı kúnge shekem tek ǵana 570 mıń dollar ózlestirilgen. Rayonda 2023-jıl yanvar-iyun ayları ushın belgilengen 838 mıń dollar rejeniń -540 mıń dollar eksportı ámelge asırılmaǵan. Eksportyor kárxanalar rayon sektor baslıqlarına hám hákim orınbasarlarına biriktirilgen bolsa da, bir qatar kárxanalarda ónimlerdi eksport etiw rejesi tolıq orınlanbaǵan.
Qaraqalpaqstan Respublikası Joqarǵı Keńesiniń Málimleme xızmeti