Qaraózek rayonın rawajlandırıw máselelerine arnalǵan májilis ótkerdi
2193
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qaraózek rayonın sociallıq-ekonomikalıq jaqtan rawajlandırıw, kámbaǵallıqtı qısqartıw, xalıqtıń bántligin támiyinlew hámde investiciyalıq joybarlardı ámelge asırıw baǵdarındaǵı jumıslar, belgilengen máseleler hám orınlanǵan wazıypalarǵa arnalǵan májilis ótkerdi.
Májiliste búgingi kúnge shekemgi ámelge asırılǵan jumıslar sın kóz-qarasta qarap shıǵıldı.
Onda hayal-qızlar hám jaslardı qollap-quwatlaw, máhállelerdiń materiallıq-texnikalıq bazasınıń bekkemleniwi, sociallıq obektlerdiń qazanxanaların kómirge maslastırıw boyınsha ámelge asırılıp atırǵan jumıslar, turizmdi rawajlandırıw boyınsha orınlanıwı tiyis tapsırmalar, qayta tikleniwshi energiya dereklerin ornatıw boyınsha belgilengen rejeler boyınsha máseleler qarap shıǵılıp, kemshilikler atap ótildi.
Jańa jumıs orınların jaratıw hám xalıqtıń bántligin támiyinlew baǵdarında bıyılǵı jılda Baǵdarlama tiykarında 6020 jańa jumıs orınların shólkemlestiriw belgilengen. Sonnan, usı jıldıń birinshi yarım jıllıǵında rayonda jámi 3083 puqaranıń bántligi támiyinlenip, reje orınlanǵanı boyınsha esabat berilgen. Biraq, usınılǵan esabatlar orınlarda úyrenilgende ayırım jónelislerde esabatlar asırıp kórsetilgenligi hám kemshilikler bar ekenligi anıqlanǵan.
Kommunallıq xızmetler baǵdarında búgingi kúnde paydalanılǵan ishimlik suwınan hám elektr energiyasınan júzege kelgen qarızdarlıqtı óndiriw ilajları kórilmegen.
Rayon aymaǵındaǵı “Qoybaq”, “Esimózek”, “Quralpa”, “Berdaq” hám “Akademik Sabır Kamalov” APJnıń taza ishimlik suwı menen támiyinleniwi ashınarlı jaǵdayda.
Húrmetli Prezidentimizdiń 2022-jıl 21-fevraldaǵı PQ-138-sanlı qararı tiykarında rayondaǵı puqaralar jıyınlarındaǵı birde-bir máhálle baslıqları tárepinen óz aymaǵında qurılısı baslanǵan hár qanday jay yamasa imaratlardıń nızamlılıǵın anıqlaw boyınsha wákillikli shólkemlerge sorawlar jiberilmegen.
2022-jılda rayonda “Abat awıl” hám “Abat máhálle” baǵdarlamaları tiykarında jámi 23 obekttiń 2 obektinde qurılıs-ońlaw jumısları juwmaqlanbaǵan.
Kishi biznes subektlerin ashıw boyınsha Yanvar-iyun aylarına belgilengen rejege salıstırǵanda 1-avgust jaǵdayına Qaraózek rayonında -16 subekt ashılmaǵan.
Sonıń menen birge, esabatlarda usı jıldıń 1-yarım jılı dawamında 120 kishi biznes subektinde 207 jańa jumıs ornı jaratılǵanı kórsetilgen bolsa, salıq maǵlıwmatlar bazasında 154 jumıs orınları jaratılmaǵanı, 33 kishi biznes subektti iske túsirilmegenligi anıqlanǵan.
Kámbaǵallıqtı qısqartıw hám xalıqtıń bántligin támiyinlew baǵdarında Shańaraqlıq isbilermenlik baǵdarlaması tiykarında rayonda ajıratılǵan kreditlerdiń teq ǵana 65,7 procenti ózlestirilgen.
Májiliste sonday-aq, rejedegi 30 investiciyalıq joybarda 438 jańa jumıs ornı jaratılıwı rejelestirilgen bolsa da, tek ǵana 3 joybar ámelge asırılıp, 5 jańa jumıs orınları jaratılǵan. Rayonnıń eksport potencialınan paydalanıw, kishi sanaat zonasındaǵı jumıslardı shólkemlestiriw de talap dárejesinde orınlanbay atırǵanlıǵı sınǵa alındı.
Ótkerilgen májilis dawamında óz jumısın orınlawda qate-kemshiliklerge jol qoyǵanı ushın rayonlıq Qaznashılıq bólimi baslıǵı iyelep turǵan lawazımınan azat etildi. Rayon hákiminiń birinshi orınbasarı is haqısınıń 30 procenti muǵdarında járiymaǵa tartıldı.
Rayon hákiminiń awıl xojalıǵı máseleleri boyınsha orınbasarı, Ishki isler bólimi baslıǵı, rayonlıq Kámbaǵallıqtı qısqartıw hám bántlikke kómeklesiw bólimi baslıǵı, Ekonomika xám qarjı bólimi baslıǵı, 4 hákim járdemshisi, sonnan, “A.Dosnazarov” APJ, “Qaraózek” APJ, “Esimózek” hám “Berdaq” puqaralar jıyınları hákim jardemshileri, 9 hayal-qızlar belsendisi, sonnan, “S.Kamalov” APJ, “Qaraózek” APJ, “Qutlı makan” MPJ, “A.Dosnazarov” APJ, “Esim” MPJ, “Ǵarezsizlik gúzarı”, “Quralpa”, “Esimózek” hám “Ata makan” puqaralar jıyınları hayal-qızlar belsendileri, 5 jaslar jetekshisi, sonnan “Quralpa” APJ, “Qutlı makan” MPJ, “Esim”, “Mádeniyat” hám “A.Dosnazarov” puqaralar jıyınları jaslar jetekshilerine intizamıy jaza sharası qollanıldı.
Májilis juwmaǵında aldaǵı ámelge asırılıwı tiyis wazıypalar belgilep alındı.
Jańa jumıs orınların jaratıw hám xalıqtıń bántligin támiyinlew baǵdarında bıyılǵı jılda Baǵdarlama tiykarında 6020 jańa jumıs orınların shólkemlestiriw belgilengen. Sonnan, usı jıldıń birinshi yarım jıllıǵında rayonda jámi 3083 puqaranıń bántligi támiyinlenip, reje orınlanǵanı boyınsha esabat berilgen. Biraq, usınılǵan esabatlar orınlarda úyrenilgende ayırım jónelislerde esabatlar asırıp kórsetilgenligi hám kemshilikler bar ekenligi anıqlanǵan.
Kommunallıq xızmetler baǵdarında búgingi kúnde paydalanılǵan ishimlik suwınan hám elektr energiyasınan júzege kelgen qarızdarlıqtı óndiriw ilajları kórilmegen.
Rayon aymaǵındaǵı “Qoybaq”, “Esimózek”, “Quralpa”, “Berdaq” hám “Akademik Sabır Kamalov” APJnıń taza ishimlik suwı menen támiyinleniwi ashınarlı jaǵdayda.
Húrmetli Prezidentimizdiń 2022-jıl 21-fevraldaǵı PQ-138-sanlı qararı tiykarında rayondaǵı puqaralar jıyınlarındaǵı birde-bir máhálle baslıqları tárepinen óz aymaǵında qurılısı baslanǵan hár qanday jay yamasa imaratlardıń nızamlılıǵın anıqlaw boyınsha wákillikli shólkemlerge sorawlar jiberilmegen.
Ótkerilgen májilis dawamında óz jumısın orınlawda qate-kemshiliklerge jol qoyǵanı ushın rayonlıq Qaznashılıq bólimi baslıǵı iyelep turǵan lawazımınan azat etildi. Rayon hákiminiń birinshi orınbasarı is haqısınıń 30 procenti muǵdarında járiymaǵa tartıldı.
Rayon hákiminiń awıl xojalıǵı máseleleri boyınsha orınbasarı, Ishki isler bólimi baslıǵı, rayonlıq Kámbaǵallıqtı qısqartıw hám bántlikke kómeklesiw bólimi baslıǵı, Ekonomika xám qarjı bólimi baslıǵı, 4 hákim járdemshisi, sonnan, “A.Dosnazarov” APJ, “Qaraózek” APJ, “Esimózek” hám “Berdaq” puqaralar jıyınları hákim jardemshileri, 9 hayal-qızlar belsendisi, sonnan, “S.Kamalov” APJ, “Qaraózek” APJ, “Qutlı makan” MPJ, “A.Dosnazarov” APJ, “Esim” MPJ, “Ǵarezsizlik gúzarı”, “Quralpa”, “Esimózek” hám “Ata makan” puqaralar jıyınları hayal-qızlar belsendileri, 5 jaslar jetekshisi, sonnan “Quralpa” APJ, “Qutlı makan” MPJ, “Esim”, “Mádeniyat” hám “A.Dosnazarov” puqaralar jıyınları jaslar jetekshilerine intizamıy jaza sharası qollanıldı.
Májilis juwmaǵında aldaǵı ámelge asırılıwı tiyis wazıypalar belgilep alındı.
Qaraqalpaqstan Respublikası Joqarǵı Keńesiniń Málimleme xızmeti