Joqarǵı Keńes Baslıǵı «Kerder» awıl puqaralar jıyını aymaǵında jasawshı Nawbetova Veneranıń halınan xabar aldı
978
Mámleketimizde hár bir mútáj insan barqulla úlken itibar hám ǵamxorlıqta esaplanadı. Búgingi kúnde húrmetli Prezidentimizdiń tikkeley tapsırması menen «Insan qádiri ushın» principi tiykarında járdemge mútáj puqaralardı hár tárepleme qollap-quwatlaw, olardıń turmıslıq mashqalalarına sheshim tabıw, abadan turmısın támiyinlew boyınsha keń kólemli jumıslar alıp barılmaqta.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Nókis rayonı «Kerder» awıl puqaralar jıyını aymaǵında jasawshı densawlıǵına baylanıslı II topar mayıbı Náwbetova Veneranıń shańaraǵında bolıp, onıń halınan xabar aldı. Shańaraq aǵzalar menen birge, bir dasturxan átirapında pikirlesip, hár bir járdemge mútáj puqara mehir hám itibardan shette qalmaytuǵınlıǵın aytıp ótti. Bunnan soń, shańaraqqa húrmetli Prezidentimizdiń arnawlı sawǵaları tapsırıldı.
Qaraqalpaqstan Respublikası Joqarǵı Keńesiniń Málimleme xızmeti