Ámiwdárya rayonı hákimi tayınlandı
1609
Usı jıldıń 12-sentyabr kúni xalıq deputatları Ámiwdárya rayonlıq Keńesiniń gezeksiz alpıs tórtinshi sessiyası bolıp ótti. Sessiyanıń kún tártibinde shólkemlestiriw máselesi kórip shıǵıldı. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnastı hám shıǵıp sóyledi.
Sessiyada Xojametov Sabir Jabbarberganovich Ámiwdárya rayonı hákimi wazıypasın atqarıwshı etip tayınlandı. Usınıń menen xalıq deputatları Ámiwdárya rayonlıq Keńesiniń gezeksiz alpıs tórtinshi sessiyası óz jumısın juwmaqladı.
Maǵlıwmat ornında atap ótiw kerek, S.Xojametov miynet jolı dawamında awıl xojalıǵınıń bir qansha juwapkershilikli lawazımlarında jemisli miynet etken. Atap aytqanda, Qaraqalpaqstan Respublikası Awıl xojalıǵı ministri, Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı, Qaraqalpaqstan Respublikası Joqarǵı Keńesiniń Agrar, suw xojalıǵı, tábiyattı qorǵaw hám ekologiya máseleleri komitetinde juwapkershilikli lawazımlarında nátiyjeli jumıs alıp barǵan.
Qaraqalpaqstan Respublikası Joqarǵı Keńesiniń Málimleme xızmeti