Prezident grantınıń abzallıǵı nede?
1108
Hár jılı mámleketlik JOOlar bakalavriatınıń kúndizgi bilimlendiriw túrine kiriw imtixanlarında eń joqarı ball toplaǵan 200 jas ushın Prezident grantı beriledi.
Prezident grantına dawager bolǵan abiturientler mámleketlik grant tiykarında oqıwǵa qabıl etiledi.
Prezident grantı jeńimpazları 1-kurstan pánlerde «úlgili» bahalarǵa oqısa, ruwxıy-aǵartıwshılıq hám ilimiy-izertlew baǵdarlarında jetiskenliklerge erisken bolsa, onda stipendiya tańlawında qatnasadı.
Ótkerilgen tańlaw nátiyjelerine bola jeńimpaz bolǵan studentlerge Prezident mámleketlik stipendiyaları tayınlanadı hám tólenedi.
Prezident grantı ushın belgilengen stipendiya 2-kurstıń oqıw jılınıń basınan ayma-ay tólenedi hám sonıń ushın oǵan ulıwma shártlerde belgilenetuǵın stipendiya tayınlanbaydı.
Eger grant iyesi oqıw semestriniń juwmaǵına bola keminde bir pánnen «úlgili» baha almasa, kelesi oqıw semestri dawamında oǵan ulıwma tártipte belgilenetuǵın stipendiya tayınlanadı. Gezektegi oqıw semestriniń juwmaǵına bola barlıq pánler boyınsha ózlestiriw kórsetkishi tek ǵana «úlgili» baha bolǵanda, Prezident grantı ushın belgilengen stipendiya qayta tayınlanadı hám tólep barıladı.
Oqıwdıń juwmaǵına shekem Prezident grantın úzliksiz alǵan studentler bakalavriat tálim baǵdarına sáykes hám túrles qánigelik boyınsha magistraturaǵa kiriw imtixanlarısız qosımsha mámleketlik grant tiykarında studentlikke qabıl etiledi.
Qaraqalpaqstan xabar agentligi