Ullı oyshıl babamızdıń yubileyine arnalǵan xalıqaralıq konferenciya Beruniy rayonında dawam etpekte

Rayon orayındaǵı Mádeniyat sarayında ilimiy-ámeliy konferenciya bolıp ótti. Onda miymanlar tárepinen "Oraylıq Aziya ulamaları dúnya civilizaciyasında", "Beruniy shıǵarmalarınıń dúnya iliminiń rawajlanıwındaǵı áhmiyeti", "Beruniy gumanitar miyrasınıń Tájikstanda úyreniliwi" sıyaqlı tematikalarda ilimiy izlenisler jıynalǵanlar názerine usınıldı. Sonıń menen birge, ilimpazlar tárepinen Beruniy babamızdıń dóretpeleriniń áhmiyeti, búgingi kúndegi ilim-pánniń rawajlanıwında tutqan ornı hám qosqan úlesi haqqında keń túrde atap ótildi.

Qaraqalpaqstan Respublikası Joqarǵı Keńesiniń Málimleme xızmeti