Muǵallimler hám ustazlar kúni múnásibeti menen tálim-tárbiya sistemasında ayrıqsha órnek kórsetken xızmetkerlerden bir toparın sıylıqlaw haqqında

ÓZBEKSTAN RESPUBLIKASÍ PREZIDENTI PÁRMANÍ

Mámleketimizde bilimlendiriw sistemasın rawajlandırıw, tarawda túpkilikli reformalar nátiyjesin arttırıw, ilim-tárbiya processlerine milliy hám shet-el tájiriybeleri, innovaciyalıq pedagogikalıq hám informacialıq-kommunikaciya texnologiyaların keń engiziw jumıslarına qosqan múnásip úlesi, oqıwshı hám student jaslarǵa ilim-pán tiykarları, zamanagóy kásip-ónerlerdi úyretiw, olardıń intellektuallıq potencialın kóteriw, Jańa Ózbekstan qurıwshıları bolǵan jetik hám bárkamal áwladtı qáliplestiriw jolındaǵı úlken xızmetleri, perzentlerimizdi Watandı súyiwshilik, milliy hám ulıwma insanıylıq qádiriyatlarǵa húrmet ruwxında tárbiyalawdaǵı ibratlı xızmetleri hám de jámiyetlik turmıstaǵı belsendiligi ushın tómendegiler sıylıqlansın:

Qaraqalpaqstan Respublikası boyınsha:

«Dwstlik» ordeni menen:

Abipova Zamira Maksetbaevna - Nókis qalasındaǵı 33-ulıwma orta bilim beriw mektebiniń biologiya páni muǵallimi Kamalov Amangeldi Bazarbaevich - Nókis mámleketlik pedagogikalıq institutınıń fizika oqıtıw metodikası kafedrası baslıǵı

2-dárejeli «Soǵlom avlod uchun» ordeni menen:

Tajimova Muxabbat Abdukadirovna - Beruniy rayonındaǵı 7-sanlı mektepke shekemgi bilimlendiriw shólkeminiń direktorı Tleuova Dilbar Abduraxmanovna - Moynaq rayonı qánigelestirilgen ulıwma orta bilim bilim beriw mektebiniń matematika páni muǵallimi

«Soǵlom turmush» medalı menen:

Garjiev Ilmurat Xalmuxammetovich - Tórtkúl rayonı 38-ulıwma orta bilim beriw mektebi dene-tárbiya páni muǵallimi

«Shuhrat» medalı menen:

Abdrasulieva Arzayim Sabirbaevna - Qanlıkól rayonı 18-qánigelestirilgen ulıwma orta bilim beriw mektebi ximiya páni muǵallimi   Ózbekstan Respublikası             Prezidenti        Sh.Mirziyoev