Qaraqalpaqstan Respublikası delegaciyası «III Ózbekstan hám Rossiya aymaqlararalıq birge islesiw forumı»nda qatnasıp atır
1620
Házirgi waqıtta Rossiya Federaciyası Tatarstan Respublikası paytaxtı Kazan qalasında «III Ózbekstan hám Rossiya aymaqlararalıq birge islesiw forumı» bolıp ótpekte. Onda Qaraqalpaqstan delegaciyası da qatnasıp atır.
Forum Ózbekstan hám Rossiya aymaqları arasındaǵı ámeliy birge islesiwdi keńeytiw maqsetinde eki mámleket isbilermenleri qatnasıwında ótkerilmekte.
Sapar dawamında Qaraqalpaqstan Respublikası Joqarǵı Keńesiniń Baslıǵı Amanbay Orınbaev Rossiya mámleketiniń bir qatar aymaqları hám iri kompaniyaları basshıları menen ushırasıwlar ótkerdi hám jańa investiciyalıq joybarlar boyınsha pikirlesti.
Forumnıń dáslepki kúninde Joqarǵı Keńes Baslıǵı Bashqurtstan Respublikası húkimeti basshıları menen ushırastı.
Ótkerilgen ushırasıwda húrmetli Prezidentimiz tárepinen alıp barılıp atırǵan reformalar, Qaraqalpaqstan ushın ayrıqsha qabıl etilgen qararlar hám pármanlar tiykarında isbilermenlik subektleri ushın jaratılǵan imkaniyatlar haqqında keń túrde túsinik berildi.
Ushırasıw barısında ilimiy texnikalıq, sawda-ekonomikalıq, mádeniy, awıl xojalıq hám turizm tarawlarında ele de birge islesiw boyınsha «Jol karta» tastıyıqlandı. Usı jol karta tiykarında bir qatar iri kárxanalar menen jańa joybarlardı amelge asırıw boyınsha kelisimge erisildi.
Usılar menen bir qatarda, Tatarstan Respublikasınan bolǵan sherikler menen de awıl xojalıq ónimlerin tasıw, tovar aylanısına ele de qolaylıqlar jaratıw maqsetinde Transport xızmetleri hám transport logistikasın shólkemlestiriw baǵdarında kelisip alındı.
Forum sheńberinde Qaraqalpaqstan delegaciyası tatarstanlı bir qatar iri kompaniyalar basshıları menen ushırasıp, investiciyalıq joybarlar boyınsha birge islesiw, sawda-ekonomikalıq baylanıslardı bekkemlew máseleleri talqılandı.
Ótkerilgen ushırasıwda húrmetli Prezidentimiz tárepinen alıp barılıp atırǵan reformalar, Qaraqalpaqstan ushın ayrıqsha qabıl etilgen qararlar hám pármanlar tiykarında isbilermenlik subektleri ushın jaratılǵan imkaniyatlar haqqında keń túrde túsinik berildi.
Ushırasıw barısında ilimiy texnikalıq, sawda-ekonomikalıq, mádeniy, awıl xojalıq hám turizm tarawlarında ele de birge islesiw boyınsha «Jol karta» tastıyıqlandı. Usı jol karta tiykarında bir qatar iri kárxanalar menen jańa joybarlardı amelge asırıw boyınsha kelisimge erisildi.
Usılar menen bir qatarda, Tatarstan Respublikasınan bolǵan sherikler menen de awıl xojalıq ónimlerin tasıw, tovar aylanısına ele de qolaylıqlar jaratıw maqsetinde Transport xızmetleri hám transport logistikasın shólkemlestiriw baǵdarında kelisip alındı.
Forum sheńberinde Qaraqalpaqstan delegaciyası tatarstanlı bir qatar iri kompaniyalar basshıları menen ushırasıp, investiciyalıq joybarlar boyınsha birge islesiw, sawda-ekonomikalıq baylanıslardı bekkemlew máseleleri talqılandı.
Qaraqalpaqstan Respublikası Joqarǵı Keńesiniń Málimleme xızmeti