ÓzA
Ózbekstan Prezidentiniń Rossiya Federaciyasına saparı baslandı
1726
Ózbekstan Respublikası Prezidenti Shavkat Mirziyoev Rossiya Federaciyasında rásmiy sapar menen bolıp tur.
Mámleketimiz basshısı dáslep Qazan qalasına keldi.
Abdulla Toqay atındaǵı xalıqaralıq aeroportta mámleketimiz basshısın Rossiya Húkimeti Baslıǵınıń orınbasarı – sanaat hám sawda ministri Denis Manturov hám Tatarstan Baslıǵı Rustam Minnixanov kútip aldı.
Rossiya Federaciyasına rásmiy sapar sheńberinde Ózbekstan Respublikası Prezidenti Shavkat Mirziyoev Qazan qalasındaǵı «Kazan Ekspo» orayında ashılǵan Tatarstan sanaat potencialı kórgizbesine bardı.
Mámleketimiz basshısı menen birgelikte Rossiya Húkimeti Baslıǵınıń orınbasarı – sanaat hám sawda ministri Denis Manturov hám Tatarstan Baslıǵı Rustam Minnixanov bardı.
4-oktyabr kúni bul jerde úshinshi Ózbekstan – Rossiya aymaqlararalıq birge islesiw forumı bolıp ótti. Prezidentimizge bul ilaj juwmaqları haqqında tolıq málimleme berildi.
Mámleketimiz basshısı Tatarstannıń jetekshi kárxanaları sanaat ónimleri hám texnologiyaları menen tanıstı.
Kórgizbe sheńberinde Rossiya Húkimeti Baslıǵınıń orınbasarı – sanaat hám sawda ministri Denis Manturov penen ushırasıw bolıp ótti. Gezektegi Ózbekstan hám Rossiya aymaqları forumında erisilgen kelisimlerdi, bárinen burın, sanaat kooperaciyası joybarların ámelge asırıw máseleleri kórip shıǵıldı.
Sapar dawamında Ózbekstan Respublikası Prezidenti Shavkat Mirziyoev «Qazan Kremli» tariyxıy-arxitekturalıq hám kórkem muzey-qorıqxanasında boldı.
Mámleketimiz basshısına Tatarstan Baslıǵı Rustam Minnixanov sherik boldı.
Qazandaǵı Kreml YuNESKOnıń Pútkil jer júzilik miyrası dizimine kirgizilgen. Ol Qazannıń eń áyyemgi bólegi bolıp, qalanıń kóp ásirlik tariyxın ózinde jámlegen arxitekturalıq, tariyxıy hám arxeologiyalıq esteliklerden ibarat.
Bul jerde Ózbekstan Prezidenti «Qul Sharif» meshitin kirip kórdi. Tatarstan musılmanları diniy basqarmasınıń baslıǵı, muftiy Kamil Samigullin joqarı mártebeli miymanǵa meshit tariyxı haqqında tolıq aytıp berdi. Pátiya etildi.
Meshit 1996-2005-jılları Qazan xanlıǵı aymaǵında XVI ásirdiń ekinshi yarımına shekem bolǵan meshit ornında qurılǵan hám Imom Qul Sharif atı menen atalǵan.
Mámleketimiz basshısı Qazan hám Tatarstan mitropoligi Kirill menen birgelikte Blagoveshenek soborın da kózden ótkerdi. Qazan Kremli aymaǵındaǵı esteliklerdiń eń áyyemgisi bolǵan bul imarat XVI ásirde qurılǵan. Pskov arxitekturalıq dástúrleriniń ayqın úlgisi bolıp esaplanadı.
Shavkat Mirziyoev Rossiya Federaciyasına rásmiy sapar sheńberinde Tatarstan Respublikası Baslıǵı Rustam Minnixanov penen ushırasıw ótkerdi.
Sóylesiw aldında mámleketimiz basshısı keyingi jılları óz-ara birgelikte joqarı nátiyjelerge erisilgenin qanaatlanıwshılıq penen atap ótti. Sawda hám investiciyalar kólemi artıp barmaqta. Tashkent wálayatında «Shırshıq» ximiya-industrial texnoparki tabıslı jumıs alıp barmaqta, Jizzaq wálayatında texnopark qurılısı dawam etpekte.
Ximiya tarmaǵı hám mashina qurılısında iri kooperaciyalıq joybarlar ámelge asırılmaqta. Jizzaq qalasında Qazan federal universitetiniń filialı islemekte.
Qazan qalasında ótken úshinshi Ózbekstan – Rossiya aymaqlararalıq birge islesiw forumınıń juwmaqları, sonıń ishinde, Ózbekstan aymaqlarında Rossiyanıń «Alabuǵa» hám «Master» texnoparkleri menen jańa sanaat parklerin shólkemlestiriw boyınsha erisilgen kelisimler atap ótildi.
Metallardı qayta islew, málimleme-komunnikaciya, turaq jay kommunallıq tarawlarda perspektivalı joybarlardı ámelge asırıw, bilimlendiriw, turizm hám jaslarǵa baylanıslı siyasatta birge islesiwdi keńeytiw máseleleri dodalandı.
Ushırasıw juwmaǵında áhmiyetli baǵdarlar boyınsha ámeliy sheriklik joybarların birgeliktegi «jol karta»ları tiykarında ámelge asırıwǵa kelisip alındı.
Rásmiy sapar menen Rossiya Federaciyasında bolıp turǵan Ózbekstan Respublikası Prezidenti Shavkat Mirziyoev Qazannan Moskvaǵa keldi.
Rossiya paytaxtınıń «Vnukovo-2» aeroportında mámleketimiz basshısın Rossiya Federaciyası Húkimeti Baslıǵınıń orınbasarı – sanaat hám sawda ministri Denis Manturov hám basqa da rásmiy shaxslar kútip aldı.
Joqarı mártebeli miyman húrmetine Ózbekstan hám Rossiya mámleketlik bayraqları kóterildi, húrmetli qarawıl sap tarttı. Saltanatlı kútip alıw máresimi boldı.
Sapar baǵdarlamasına muwapıq, 6-oktyabr kúni eki mámleket jetekshileri tar hám keńeytilgen quramda sóylesiw ótkeredi. Ózbekstan menen Rossiya arasındaǵı keń kólemli strategiyalıq sheriklik hám awqamlaslıq qatnasıqların jáne de bekkemlew máseleleri dodalanadı.
Siyasiy, sawda-ekonomikalıq, investiciyalıq, transport-kommunikaciyalıq, mádeniy-gumanitarlıq hám basqa da tiykarǵı baǵdarlarda hár tárepleme birge islesiwdiń jaǵdayı hám perspektivaların kórip shıǵıw rejelestirilgen. Regionallıq hám xalıqaralıq kún tártibindegi áhmiyetli máseleler boyınsha pikir alısıladı.
Ózbekstan Prezidenti Rossiya Federaciyası Húkimetiniń Baslıǵı Mixail Mishustin menen de sóylesiw ótkeredi.
Mámleketimiz basshısı menen birgelikte Rossiya Húkimeti Baslıǵınıń orınbasarı – sanaat hám sawda ministri Denis Manturov hám Tatarstan Baslıǵı Rustam Minnixanov bardı.
4-oktyabr kúni bul jerde úshinshi Ózbekstan – Rossiya aymaqlararalıq birge islesiw forumı bolıp ótti. Prezidentimizge bul ilaj juwmaqları haqqında tolıq málimleme berildi.
Mámleketimiz basshısı Tatarstannıń jetekshi kárxanaları sanaat ónimleri hám texnologiyaları menen tanıstı.
Mámleketimiz basshısına Tatarstan Baslıǵı Rustam Minnixanov sherik boldı.
Qazandaǵı Kreml YuNESKOnıń Pútkil jer júzilik miyrası dizimine kirgizilgen. Ol Qazannıń eń áyyemgi bólegi bolıp, qalanıń kóp ásirlik tariyxın ózinde jámlegen arxitekturalıq, tariyxıy hám arxeologiyalıq esteliklerden ibarat.
Bul jerde Ózbekstan Prezidenti «Qul Sharif» meshitin kirip kórdi. Tatarstan musılmanları diniy basqarmasınıń baslıǵı, muftiy Kamil Samigullin joqarı mártebeli miymanǵa meshit tariyxı haqqında tolıq aytıp berdi. Pátiya etildi.
Meshit 1996-2005-jılları Qazan xanlıǵı aymaǵında XVI ásirdiń ekinshi yarımına shekem bolǵan meshit ornında qurılǵan hám Imom Qul Sharif atı menen atalǵan.
Sóylesiw aldında mámleketimiz basshısı keyingi jılları óz-ara birgelikte joqarı nátiyjelerge erisilgenin qanaatlanıwshılıq penen atap ótti. Sawda hám investiciyalar kólemi artıp barmaqta. Tashkent wálayatında «Shırshıq» ximiya-industrial texnoparki tabıslı jumıs alıp barmaqta, Jizzaq wálayatında texnopark qurılısı dawam etpekte.
Ximiya tarmaǵı hám mashina qurılısında iri kooperaciyalıq joybarlar ámelge asırılmaqta. Jizzaq qalasında Qazan federal universitetiniń filialı islemekte.
Qazan qalasında ótken úshinshi Ózbekstan – Rossiya aymaqlararalıq birge islesiw forumınıń juwmaqları, sonıń ishinde, Ózbekstan aymaqlarında Rossiyanıń «Alabuǵa» hám «Master» texnoparkleri menen jańa sanaat parklerin shólkemlestiriw boyınsha erisilgen kelisimler atap ótildi.
Metallardı qayta islew, málimleme-komunnikaciya, turaq jay kommunallıq tarawlarda perspektivalı joybarlardı ámelge asırıw, bilimlendiriw, turizm hám jaslarǵa baylanıslı siyasatta birge islesiwdi keńeytiw máseleleri dodalandı.
Ushırasıw juwmaǵında áhmiyetli baǵdarlar boyınsha ámeliy sheriklik joybarların birgeliktegi «jol karta»ları tiykarında ámelge asırıwǵa kelisip alındı.
Rossiya paytaxtınıń «Vnukovo-2» aeroportında mámleketimiz basshısın Rossiya Federaciyası Húkimeti Baslıǵınıń orınbasarı – sanaat hám sawda ministri Denis Manturov hám basqa da rásmiy shaxslar kútip aldı.
Joqarı mártebeli miyman húrmetine Ózbekstan hám Rossiya mámleketlik bayraqları kóterildi, húrmetli qarawıl sap tarttı. Saltanatlı kútip alıw máresimi boldı.
Sapar baǵdarlamasına muwapıq, 6-oktyabr kúni eki mámleket jetekshileri tar hám keńeytilgen quramda sóylesiw ótkeredi. Ózbekstan menen Rossiya arasındaǵı keń kólemli strategiyalıq sheriklik hám awqamlaslıq qatnasıqların jáne de bekkemlew máseleleri dodalanadı.
Siyasiy, sawda-ekonomikalıq, investiciyalıq, transport-kommunikaciyalıq, mádeniy-gumanitarlıq hám basqa da tiykarǵı baǵdarlarda hár tárepleme birge islesiwdiń jaǵdayı hám perspektivaların kórip shıǵıw rejelestirilgen. Regionallıq hám xalıqaralıq kún tártibindegi áhmiyetli máseleler boyınsha pikir alısıladı.
Ózbekstan Prezidenti Rossiya Federaciyası Húkimetiniń Baslıǵı Mixail Mishustin menen de sóylesiw ótkeredi.