Joqarǵı Keńes Baslıǵınıń respublikamızdıń qubla rayonlarındaǵı isbilermenler ushın kóshpeli qabıllawı bolıp ótti
1471
Búgin Beruniy rayonı hákimliginde Qaraqalpaqstan Respublikası Joqarǵı Keńesi Baslıǵı Amanbay Orınbaevtıń respublikamızdıń qubla rayonlarındaǵı (Ámiwdárya, Ellikqala, Beruniy, Tórtkúl) isbilermenlerdi qıynap kiyatırǵan mashqalaları hám usınısları boyınsha kóshpeli qabıllawı bolıp ótti.
Dáslep, Joqarǵı Keńes Baslıǵı búgingi kúnde húrmetli Prezidentimiz tárepinen isbilermendi qollap-quwatlaw hám Qaraqalpaqstanda isbilermenlikti rawajlandırıw boyınsha ayrıqsha qabıl etilgen párman hám qararlar, sonıń ishinde, usı jıldıń 8-avgust kúni “Qaraqalpaqstan Respublikasında isbilermenlerge qolaylı sharayatlar jaratıwǵa tiyisli qosımsha ilajlar haqqında”ǵı 129-sanlı tariyxıy párman qabıl etilgenligin, bunnan tısqarı, mámleketimiz basshısınıń 2022-jıl 31-avgusttaǵı 213-sanlı pármanı menen bir qatar jeńillikler hám múmkinshilikler jaratılǵanlıǵın ayrıqsha atap ótti.
Bunnan soń isbilermenlerdiń múrájatları tıńlanıp, ornında sheshim tabıw ilajları kórildi.
Qabıllawda isbilermenler tárepinen tiykarınan óz isbilermenligin rawajlandırıw baǵdarında ushırasıp atırǵan mashqalalar, qarjılandırıw hám kredit ajıratıw máseleleri, kadastr hújjetlerin rásmiylestiriw, jer orınların ajıratıw, byurokratiyalıq tosıqlar, islep shıǵarıw, óndiristi keńeytiw baǵdarında múrájatlar bildirilip, Joqarǵı Keńes Baslıǵı tárepinen barlıq mashqalalar tıńlandı.
Aytıp ótiw orınlı, búgingi kúnde elimizde isbilermenlerdi qollap-quwatlaw, biznesti rawajlandırıwdı támiyinlew baǵdarında kóplegen unamlı jumıslar ámelge asırılmaqta. Prezidentimizdiń Qaraqalpaqstan Respublikası ushın qaratılıp atırǵan ayrıqsha itibarı tiykarında qaraqalpaqstanlı isbilermenler ushın bir qatar jeńillikler jaratılǵan bolıp, bul baǵdarda da kóplegen jumıslar jolǵa qoyılmaqta.
Ótkerilgen qabıllaw mine usı iygilikli jumıslardıń dawamı bolıp, barlıq ilajlar isbilermenlerdi qollap-quwatlaw hám olardıń mashqalaların sheshiwge qaratılǵan.
Bildirilgen múrájatlardıń basım kópshiligine ornında sheshimin tabıw ilajları kórildi. Bunnan tısqarı, waqıt talap etiletuǵın múrájatlar Joqarǵı Keńes Baslıǵınıń jeke qadaǵalawına alınıp, tez pursatta unamlı sheshiw boyınsha tiyisli taraw basshılarına tapsırmalar berildi.
Dáslep, Joqarǵı Keńes Baslıǵı búgingi kúnde húrmetli Prezidentimiz tárepinen isbilermendi qollap-quwatlaw hám Qaraqalpaqstanda isbilermenlikti rawajlandırıw boyınsha ayrıqsha qabıl etilgen párman hám qararlar, sonıń ishinde, usı jıldıń 8-avgust kúni “Qaraqalpaqstan Respublikasında isbilermenlerge qolaylı sharayatlar jaratıwǵa tiyisli qosımsha ilajlar haqqında”ǵı 129-sanlı tariyxıy párman qabıl etilgenligin, bunnan tısqarı, mámleketimiz basshısınıń 2022-jıl 31-avgusttaǵı 213-sanlı pármanı menen bir qatar jeńillikler hám múmkinshilikler jaratılǵanlıǵın ayrıqsha atap ótti.
Qaraqalpaqstan Respublikası Joqarǵı Keńesiniń Málimleme xızmeti