Ózbekstan Prezidenti Pekinge keldi

Qıtay Xalıq Respublikası Baslıǵı Si Czinpinniń mirát etiwine bola Ózbekstan Respublikası Prezidenti Shavkat Mirziyoev ómirlik joldası menen birge ámeliy sapar menen Pekin qalasına keldi. «Shoudu» xalıqaralıq aeroportında mámleketimiz basshısın QXR ayrıqsha jaǵdaylar ministri Van Syansi hám basqa da rásmiy shaxslar kútip aldı.

  Joqarı mártebeli miymanlar húrmetine eki eldiń mámleketlik bayraqları kóterildi, húrmetli qarawıl sap tarttı. Sapar sheńberinde 17-18-oktyabr kúnleri mámleketimiz basshısı QXR Baslıǵı Si Czinpin hám Qıtay Xalıq siyasiy másláhát keńesiniń baslıǵı Van Xunin menen sóylesiwler, basqa da eki tárepleme ushırasıwlar ótkeriwi rejelestirilgen.

  Ózbekstan jetekshisi «Bir mákan, bir jol» xalıqaralıq forumınıń ashılıwında qatnasadı hám jalpı sessiyasında shıǵıp sóyleydi.  

ÓzA