“New Uzbekistan” xalıqaralıq jarısınıń ashılıw saltanatı bolıp ótti
1466
Usı jıldıń 17-19-oktyabr kúnleri paytaxtımız Nókis qalasında sporttıń grek-rim, erkin gúres hám hayallar gúresi túrlerinen birinshi márte “New Uzbekistan” xalıqaralıq jarısı ótkeriliwi belgilengen bolıp, dáslepki bellesiwlerge start berilgen edi. Sport jarıslarında Belarus, Qazaqstan, Tájikstan hám Ózbekstannıń barlıq aymaqlarınan 200 den aslam sportshılar qatnasıp, óz-ara bellesedi.
Búgin Nókis qalasındaǵı 1-sanlı balalar hám jas óspirimler sport mektebinde “New Uzbekistan” xalıqaralıq jarısınıń ashılıw máresimi bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, barlıq qatnasıwshılardı xalıqaralıq jarıs ashılıwı múnásibeti menen qutlıqladı hám áwmet tiledi. Bunnan soń kún dawamında ótkeriliwi belgilengen sport jarısları baslap jiberildi.
Qaraqalpaqstan Respublikası Joqarǵı Keńesiniń Málimleme xızmeti