Joqarǵı Keńes Baslıǵınıń isbilermenler ushın kóshpeli qabıllawı bolıp ótti
1319
Búgin Qanlıkól rayonında Qaraqalpaqstan Respublikası Joqarǵı Keńesi Baslıǵı Amanbay Orınbaevtıń Moynaq, Qońırat, Qanlıkól, Shomanay rayonlarındaǵı isbilermenlerdi qıynap kiyatırǵan mashqalalar hám usınısları boyınsha kóshpeli qabıllawı bolıp ótti.
Búgingi kúnde jańa jumıs orınlarına bolǵan talap artıp barmaqta. Puqaralardıń bántligin támiyinlew, xalkımızdıń abadan turmısın támiyinlew baǵdarında isbilermenlikti rawajlandırıw hám qollap-quwatlawdıń áhmiyeti ayrıqsha.
Qabıllawda isbilermenler tárepinen tiykarınan óz isbilermenligin rawajlandırıw baǵdarında ushırasıp atırǵan mashqalalar, qarjılandırıw hám kredit ajıratıw máseleleri, kadastr hújjetlerin rásmiylestiriw, jer orınların ajıratıw, byurokratiyalıq tosıqlar, islep shıǵarıw, óndiristi keńeytiw baǵdarında múrájatlar bildirilip, Joqarǵı Keńes Baslıǵı tárepinen barlıq mashqalalar tıńlandı.
Bildirilgen múrájatlardıń basım kópshiligine ornında sheshimin tabıw ilajları kórildi. Bunnan tısqarı, waqıt talap etiletuǵın múrájatlar Joqarǵı Keńes Baslıǵınıń jeke qadaǵalawına alınıp, tez pursatta unamlı sheshiw boyınsha tiyisli taraw basshılarına tapsırmalar berildi.
Qaraqalpaqstan Respublikası Joqarǵı Keńesiniń Málimleme xızmeti