Mektepke shekemgi jastaǵı balalar arasında IV velomarafon jarısı ótkerildi

Búgin Nókis qalasındaǵı 1-sanlı balalar hám jas óspirimler sport mektebinde (Manej) mektepke shekemgi jastaǵı balalar arasında ótkerilip atırǵan IV velomarafon jarısınıń saltanatlı ashılıw máresimi bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı qutlıqladı.

Ilajda sonday-aq, Ózbekstan Respublikası mektepke shekemgi hám mektep bilimlendiriwi ministriniń birinshi orınbasarı – Mektepke shekemgi bilimlendiriw agentligi direktorı Shin Agrippina qatnastı. Atap ótiw orınlı, sońǵı jılları elimizde húrmetli Prezidentimizdiń basshılıǵında barlıq tarawlar qatarında dene-tárbiya hám sporttı rawajlandırıwǵa, xalıqtı, ásirese, jaslardı sportqa keńnen tartıwǵa ayrıqsha itibar qaratılıp, keń kólemli ilajlar ámelge asırılmaqta.

Bul velomarafon jarısı úsh jıldan berli dástúriy túrde ótkerilip atırǵan bolıp, búgingi jarısta Nókis qalasındaǵı 20 balalar baqshasınan 6 jastaǵı jámi 120 bala qamtıp alındı. Ótkerilgen jarısta mektepke shekemgi bilimlendiriw shólkemleriniń tárbiyalanıwshıları bolǵan balalar joqarı qızıǵıwshılıq penen qatnastı. Jarıs juwmaǵında jeńimpazlar sıylıqlanıp, medal hám bahalı sawǵalar tapsırıldı.

Sonday-aq, velomarafon sheńberinde baqsha balaları atqarıwındaǵı ayaq oyınları jıynalǵanlar názerine usınıldı.

Qaraqalpaqstan Respublikası Joqarǵı Keńesiniń Málimleme xızmeti