Joqarǵı Keńes Baslıǵı Qońırat rayonındaǵı bir qatar sociallıq hám qurılıs obektlerin barıp kórdi

Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qońırat rayonındaǵı bir qatar sociallıq obektlerdiń gúz-qıs máwsimine tayarlıǵı jaǵdayın hám máhálllelerdi abat etiw, infrastruktura obektlerin ońlaw boyınsha ámelge asırılıp atırǵan jumıslardı barıp kórdi. Dáslep Joqarǵı Keńes Baslıǵı rayondaǵı «Rawshan» awıl puqaralar jıyını aymaǵında «Abat úy, abat kóshe, abat máhálle» ólshemleri tiykarında ámelge asırılıp atırǵan qurılıs-ońlaw hám abadanlastırıw jumısları menen jaqınnan tanıstı. Bunnan soń, awıl aymaǵındaǵı 5-sanlı ulıwma bilim beriw mektebi, 2-sanlı mektepke shekemgi bilimlendiriw shólkemi hám «Rawshan» shańaraqlıq shıpakerlik punktiniń gúz-qıs máwsimine tayarlıq jumısları sonday-aq, balalar ushın jaratılǵan sharayatlardı kózden ótkerdi. Juwapkerlerge anıq wazıypalar belgilep berilip, tiyisli tapsırmalar berildi. Aytıp ótiw kerek, rayondaǵı respublikalıq áhmiyetke iye 4R 173 A avtomobil jolınıń 3,7 km.de jaylasqan «Jińishke» kanalın kesip ótiwshi kópir avariyalıq jaǵdayǵa kelip qalǵan edi. Búgingi kúnde tiyisli qarjılar ajıratılıp, qurılıs jumısları alıp barılmaqta. Kópir qurılısı barısı da ornına barıp kórildi Búgin rayondaǵı gúz-qıs máwsimine tayarlıq, «Jasıl mákan» akciyası, sonday-aq, qurılıs-ońlaw jumısları Joqarǵı Keńes Baslıǵı tárepinen kózden ótkerildi hám juwapkerlerge anıq wazıypalar tapsırıldı.

Qaraqalpaqstan Respublikası Joqarǵı Keńesiniń Málimleme xızmeti