Joqarǵı Keńes Baslıǵı respublikamızdaǵı medicina birlespeleri baslıqları menen ushırastı
1187
Prezidentimizdiń basshılıǵında xalıqtıń densawlıǵın bekkemlewge, olarǵa sapalı medicinalıq xızmet kórsetiwge, medicinalıq mákemelerdi zárúrli dári ónimleri hám ásbap-úskeneler menen támiyinlewge, tez medicinalıq hám qıstawlı járdem kórsetiw mákemeleriniń jumısların túp-tiykarınan jaqsılawǵa ayrıqsha itibar qaratılmaqta.
Jáne bir áhmiyetli tárepi sonda, Aralboyı xalqınıń salamatlıǵı hámiyshe Húrmetli Prezidentimizdiń dıqqat-itibarında hám ayrıqsha ǵamxorlıǵında bolıp kelmekte.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev medicina tarawın rawajlandırıw baǵdarında ámelge asırılıp atırǵan jumıslar hám bul baǵdarda jol qoyılıp atırǵan kemshilikler átirapında pikirlesiw, sonday-aq, orınlardaǵı medicinalıq birlespeler basshılarınıń pikir-usınısların tıńlaw maqsetinde respublikamız aymaǵındaǵı bas shıpakerler menen ushırastı.
Onda dáslep, Joqarǵı Keńes Baslıǵı húrmetli Prezidentimiz basshılıǵında ámelge asırılıp atırǵan jumıslarǵa keń túrde toqtaldı.
Mámleketimiz basshısı tárepinen ilgeri súrilgen kóplegen ideyalar búgin turmıs haqıyqatlıǵına aylanıp barmaqta. Atap aytqanda, Qaraqalpaqstandaǵı Onkologiya hám radiologiya orayınıń filialı ushın jańa imarat qurıw hám eń zamanagóy úskeneler menen tolıq támiyinlew, onıń aymaǵında nawqaslardıń jaqınları ushın waqtınsha jasaw jataqxanasın qurıw, kelesi jıldan Taxtakópir, Shımbay, Qaraózek, Bozataw, Shomanay, Qońırat rayonlarında 200 procent muǵdarında aylıq ústeme tólewdi jolǵa qoyıw, sonday-aq, Qaraqalpaqstandaǵı alıs hám shetki awıllarda jumıs islep atırǵan barlıq maman medicina xızmetkerlerine 5 million sumǵa shekem óz aldına ústeme beriw, tek ǵana Qaraqalpaqstan ushın, xalıqtıń stacionarda emleniw qárejetlerin dáramat salıǵınan azat etiw, sociallıq reestrge kirgen xalıq order tiykarında Tashkent qalasında yamasa basqa da wálayatqa emleniwge kelgeninde olarǵa avia hám temir jol qárejetlerin tolıq qaplap beriw, qaraqalpaqstanlı balalarǵa joqarı texnologiyalı operaciyalar ushın qáwenderlik etken isbilermenlerdiń bul qárejetleri salıq óndiriw bazasınan shegirip taslaw sıyaqlı imkaniyatlar jaratılmaqta.
Ótken qısqa dáwir ishinde tarawǵa baylanıslı bir qatar nızam, párman hám qararlardıń qabıl etilgeni bul baǵdardaǵı ilajlar kólemin jańa basqıshlarǵa kótermekte.
Ásirese, Húrmetli Prezidentimiz tárepinen 2022-jıl 7-iyul kúni Qaraqalpaqstan boyınsha qabıl etilgen arnawlı Qarar densawlıqtı saqlaw tarawın jáne de rawajlandırıwda áhmiyetli orın tutpaqta. Qarar tiykarında respublikamızda medicinalıq járdem kѳrsetiwdi shѳlkemlestiriwdi jetilistiriw, xalıqtıń arasında keselliklerdiń aldın alıw hám erte anıqlaw, medicina mákemeleriniń materiallıq-texnikalıq bazasın bekkemlew hám kadrlar potencialın jáne de arttırıw baǵdarında bir qatar ilajlar alıp barılmaqta.
Ótkerilgen ushırasıwda jaratılıp berilip atırǵan usınshama imkaniyatlarǵa qaramay, tarawda sheshimin kútip turǵan bir qatar mashqalalar da bar ekenligi ayrıqsha tilge alındı, ayırım máseleler sın kóz-qarasta talqılandı.
Ashıq-aydın pikirlesiw túrinde bolıp ótken ushırasıwda tarawdı rawajlandırıw hám bar bolǵan mashqalalardı sheshiw baǵdarında wazıypalar belgilep alındı.
Mámleketimiz basshısı tárepinen ilgeri súrilgen kóplegen ideyalar búgin turmıs haqıyqatlıǵına aylanıp barmaqta. Atap aytqanda, Qaraqalpaqstandaǵı Onkologiya hám radiologiya orayınıń filialı ushın jańa imarat qurıw hám eń zamanagóy úskeneler menen tolıq támiyinlew, onıń aymaǵında nawqaslardıń jaqınları ushın waqtınsha jasaw jataqxanasın qurıw, kelesi jıldan Taxtakópir, Shımbay, Qaraózek, Bozataw, Shomanay, Qońırat rayonlarında 200 procent muǵdarında aylıq ústeme tólewdi jolǵa qoyıw, sonday-aq, Qaraqalpaqstandaǵı alıs hám shetki awıllarda jumıs islep atırǵan barlıq maman medicina xızmetkerlerine 5 million sumǵa shekem óz aldına ústeme beriw, tek ǵana Qaraqalpaqstan ushın, xalıqtıń stacionarda emleniw qárejetlerin dáramat salıǵınan azat etiw, sociallıq reestrge kirgen xalıq order tiykarında Tashkent qalasında yamasa basqa da wálayatqa emleniwge kelgeninde olarǵa avia hám temir jol qárejetlerin tolıq qaplap beriw, qaraqalpaqstanlı balalarǵa joqarı texnologiyalı operaciyalar ushın qáwenderlik etken isbilermenlerdiń bul qárejetleri salıq óndiriw bazasınan shegirip taslaw sıyaqlı imkaniyatlar jaratılmaqta.
Ótken qısqa dáwir ishinde tarawǵa baylanıslı bir qatar nızam, párman hám qararlardıń qabıl etilgeni bul baǵdardaǵı ilajlar kólemin jańa basqıshlarǵa kótermekte.
Ásirese, Húrmetli Prezidentimiz tárepinen 2022-jıl 7-iyul kúni Qaraqalpaqstan boyınsha qabıl etilgen arnawlı Qarar densawlıqtı saqlaw tarawın jáne de rawajlandırıwda áhmiyetli orın tutpaqta. Qarar tiykarında respublikamızda medicinalıq járdem kѳrsetiwdi shѳlkemlestiriwdi jetilistiriw, xalıqtıń arasında keselliklerdiń aldın alıw hám erte anıqlaw, medicina mákemeleriniń materiallıq-texnikalıq bazasın bekkemlew hám kadrlar potencialın jáne de arttırıw baǵdarında bir qatar ilajlar alıp barılmaqta.
Ótkerilgen ushırasıwda jaratılıp berilip atırǵan usınshama imkaniyatlarǵa qaramay, tarawda sheshimin kútip turǵan bir qatar mashqalalar da bar ekenligi ayrıqsha tilge alındı, ayırım máseleler sın kóz-qarasta talqılandı.
Ashıq-aydın pikirlesiw túrinde bolıp ótken ushırasıwda tarawdı rawajlandırıw hám bar bolǵan mashqalalardı sheshiw baǵdarında wazıypalar belgilep alındı.
Qaraqalpaqstan Respublikası Joqarǵı Keńesiniń Málimleme xızmeti