Qaraqalpaqstan-Tatarstan: birge islesiwdiń jańa basqıshı
2486
Usı jıl 7-noyabr kúni Tatarstan Respublikasınıń basshısı Rustam Minnixanov basqarǵan delegaciya Qaraqalpaqstan Respublikasına xızmet saparı menen keldi. Nókis xalıqaralıq aeroportında miymanlardı Qaraqalpaqstan Respublikası Joqarǵı Keńesiniń Baslıǵı Amanbay Orınbaev kútip aldı. Atap ótilgenindey. usı jıldıń 5-oktyabr kúni Prezidentimiz Shavkat Mirziyoev Rossiya Federaciyasına bolǵan rásmiy saparı dawamında Qazan qalasında Tatarstan Respublikası basshısı Rustam Minnixanov penen ushırasıp, áhmiyetli baǵdarlar boyınsha ámeliy birge islesiw joybarların birgeliktegi “Jol karta” boyınsha ámelge asırıw kelisip alınǵan edi. Usı tiykarda Tatarstan Respublikası delegaciyası respublikamızdaǵı bir qatar óndiris orınlarında bolıp, óz-ara bige islesiw boyınsha sóylesiwler alıp bardı. Miymanlar dáslep Nókis qalasındaǵı «Prime electric engineering» kárxanasına boldı. Bul jerde bir neshshe túrdegi turmıslıq texnikaları islep shıǵarılmaqta. Tatarstan Respublikası basshısı Rustam Minnixanov bul jerdegi jumıs procesi, jumısshılarǵa jaratılǵan sharayatlar menen jaqınnan tanıstı. 
Keyingi mánzil «Akfa assembly» plastik ayna hám esiklerdi islep shıǵarıwshı kárxana boldı. Bul kárxana islep shıǵarılǵan ónimler shet mámleketlerge eksportqa shıǵarılıp atırǵanı menen áhmiyetli. Onıń ashılıwı nátiyjesinde 200den aslam jańa jumıs ornı jaratıldı. Kárxanada islep shıǵarılıp atırǵan esik hám ayna ónimleri, olardıń dizaynı menen joqarı dárejedegi sapası miymanlarda qızıǵıwshılıq oyattı. Bunnan keyin miymanlar búgingi kúnde bos turǵan eski Aymaqlıq paxta terminalı menen Agrotexnika kárxanasın barıp kórdi. Qaraqalpaqstan Respublikası Joqarǵı Keńesiniń Baslıǵı hám Tatarstan Respublikası basshısı bul eki orında jańa kárxanalardı iske qosıw arqalı birgeliktegi joybarlardı ámelge asırıw, jańa ónimler eksportın jolǵa qoyıw hám bir qansha tarawlardı rawajlandırıw boyınsha kelisip alındı. 
Delegaciyanıń gezektegi mánzili I.V.Savickiy atındaǵı Qaraqalpaqstan mámleketlik kórkem óner muzeyi boldı. «Sahradaǵı luvr», «Shıǵıs gáwxarı» dep atalatuǵın bul muzeydegi dúrdana shıǵarmalar pútkil dúnya itibarın tartıp kelmekte. Tatarstan Respublikası basshısı muzeyde saqlanıp atırǵan biybaxa eksponatlar menen tanısar eken, bul jerge turistler aǵımın elede kúsheytiw boyınsha birge islesiwge tayar ekenligin bildirdi. 
Sapar dawamında delegaciya aǵzaları respublikamızda islep shıǵarılıp atırǵan ónimler kórgizbesi menende tanıstı. Onda joqarı texnologiyalar járdeminde islep shıǵarılıp atırǵan ónimlerden baslap qol miyneti, xalıq ámeliy kórkem óneri, elimizde jetistirilgen awıl xojalıǵı ónimleri de orın aldı. 
Miymanlar qaraqalpaq xalqınıń milliyligi, úrp-ádetleri menen qızıqtı. Nókis qalasında shólkemlestirilgen qaraqalpaq milliy awılında qaraqalpaq xalqınıń milliy dástúrleri, qol ónermentshili úlgileri, mádeniyatı menen tanıstı. Ásirese milliy taǵamlarımız miymanlarda ayrıqsha qızıǵıwshılıq oyattı. 
Bunnan keyin Qaraqalpaqstan Respublikası hám Tatarstan Respublikası arasında kóp tarmaqlı birge islesiwdi jolǵa qoyıw boyınsha sóylesiw bolıp ótti. Onda bar múmkinshiliklerinen paydalanǵan halda jańa óndiris hám qayta islew kárxanaları jumısların jolǵa qoyıw, jańa joybarlardıń iske túsiriliwi nátiyjesinde jumıs orınların jaratıw máseleleri talqılandı. Sonıń menen birge bilimlendiriw, toqımashılıq sanaatı, awıl xojalıǵı ónimleri aylanısın kúsheytiw, sawda-ekonomika, eksport hám import salalarında uzaq múddetli birge islesiwdi jolǵa qoyıw boyınsha sóylesiwler alıp barıldı. 
Usı kúnniń ózinde Tatarstan Respublikası basshısı Rustam Minnixanov basqarǵan delegaciya respublikamızdan jónep ketti. 
Keyingi mánzil «Akfa assembly» plastik ayna hám esiklerdi islep shıǵarıwshı kárxana boldı. Bul kárxana islep shıǵarılǵan ónimler shet mámleketlerge eksportqa shıǵarılıp atırǵanı menen áhmiyetli. Onıń ashılıwı nátiyjesinde 200den aslam jańa jumıs ornı jaratıldı. Kárxanada islep shıǵarılıp atırǵan esik hám ayna ónimleri, olardıń dizaynı menen joqarı dárejedegi sapası miymanlarda qızıǵıwshılıq oyattı. Bunnan keyin miymanlar búgingi kúnde bos turǵan eski Aymaqlıq paxta terminalı menen Agrotexnika kárxanasın barıp kórdi. Qaraqalpaqstan Respublikası Joqarǵı Keńesiniń Baslıǵı hám Tatarstan Respublikası basshısı bul eki orında jańa kárxanalardı iske qosıw arqalı birgeliktegi joybarlardı ámelge asırıw, jańa ónimler eksportın jolǵa qoyıw hám bir qansha tarawlardı rawajlandırıw boyınsha kelisip alındı. Delegaciyanıń gezektegi mánzili I.V.Savickiy atındaǵı Qaraqalpaqstan mámleketlik kórkem óner muzeyi boldı. «Sahradaǵı luvr», «Shıǵıs gáwxarı» dep atalatuǵın bul muzeydegi dúrdana shıǵarmalar pútkil dúnya itibarın tartıp kelmekte. Tatarstan Respublikası basshısı muzeyde saqlanıp atırǵan biybaxa eksponatlar menen tanısar eken, bul jerge turistler aǵımın elede kúsheytiw boyınsha birge islesiwge tayar ekenligin bildirdi. Sapar dawamında delegaciya aǵzaları respublikamızda islep shıǵarılıp atırǵan ónimler kórgizbesi menende tanıstı. Onda joqarı texnologiyalar járdeminde islep shıǵarılıp atırǵan ónimlerden baslap qol miyneti, xalıq ámeliy kórkem óneri, elimizde jetistirilgen awıl xojalıǵı ónimleri de orın aldı. Miymanlar qaraqalpaq xalqınıń milliyligi, úrp-ádetleri menen qızıqtı. Nókis qalasında shólkemlestirilgen qaraqalpaq milliy awılında qaraqalpaq xalqınıń milliy dástúrleri, qol ónermentshili úlgileri, mádeniyatı menen tanıstı. Ásirese milliy taǵamlarımız miymanlarda ayrıqsha qızıǵıwshılıq oyattı. Bunnan keyin Qaraqalpaqstan Respublikası hám Tatarstan Respublikası arasında kóp tarmaqlı birge islesiwdi jolǵa qoyıw boyınsha sóylesiw bolıp ótti. Onda bar múmkinshiliklerinen paydalanǵan halda jańa óndiris hám qayta islew kárxanaları jumısların jolǵa qoyıw, jańa joybarlardıń iske túsiriliwi nátiyjesinde jumıs orınların jaratıw máseleleri talqılandı. Sonıń menen birge bilimlendiriw, toqımashılıq sanaatı, awıl xojalıǵı ónimleri aylanısın kúsheytiw, sawda-ekonomika, eksport hám import salalarında uzaq múddetli birge islesiwdi jolǵa qoyıw boyınsha sóylesiwler alıp barıldı. Usı kúnniń ózinde Tatarstan Respublikası basshısı Rustam Minnixanov basqarǵan delegaciya respublikamızdan jónep ketti.