Ózbekstan Prezidenti Qatardıń burınǵı bas ministrin qabılladı
1133
Ózbekstan Respublikası Prezidenti Shavkat Mirziyoev 7-noyabr kúni Qatar Mámleketiniń burınǵı Bas ministri, usı mámlekettegi bir qatar iri investiciyalıq hám sanaat xoldingleriniń tiykarın salıwshısı Hamad bin Jassim Ol Soniydi qabılladı. Qatar delegaciyası joqarı dárejedegi kelisimler sheńberinde elimizde bolıp tur. Ózbekstanda perspektivalı investiciyalıq joybarlardı ámelge asırıw máseleleri kórip shıǵıldı. Buxara qalasında zamanagóy miymanxana kompleksi, Tashkent qalasında iri logistika orayı, sawda hám turaq jay kompleksin qurıw, joqarı tezlikte háreketleniwge mólsherlengen avtomobil hám temir jollar infrastrukturasın qurıw, aeroportlardı modernizaciyalaw, sonday-aq, energetika, metallurgiya, toqımashılıq sanaatı, sharwashılıq, qurılıs materialların islep shıǵarıw hám basqa da joybarlar usılardıń qatarına kiredi. Bul joybarlardı finanslıq jaqtan qollap-quwatlaw ushın birgelikte fond shólkemlestiriw rejeleri de dodalandı. Joybarlar qospa «jol kartası» tiykarında ámelge asırıladı.
ÓzA