Italiya Prezidenti «Jańa Ózbekstan» parkine bardı
1055
Rásmiy sapar menen mámleketimizde bolıp turǵan Italiya Respublikası Prezidenti Serjo Mattarella 10-noyabr kúni Ózbekstannıń Bas ministri Abdulla Aripovtıń basshılıǵında «Jańa Ózbekstan» parkine bardı.
Bul jerde joqarı mártebeli miyman Ǵárezsizlik monumentine gúl qoydı.
Úsh mıń jıldan aslam dáwir – ana Watanımız aymaǵındaǵı milliy mámleketshilik tariyxınıń tamırları sonshelli tereń. Monumetke itibar qaratqan insan mine usı maqtanıshlı ótmishtiń kórkem kórinisine gúwa boladı. Miymanǵa komplekste sáwlelendirilgen, mine, usı tariyx, onıń mazmunı haqqında aytıp berildi.
Joqarı mártebeli miymanlar, rásmiy sırt el delegaciyalarınıń mámleketimizge saparı sheńberinde bul jerdegi monumentke gúl qoyıw dástúrine aylanǵan.
Delegaciya aǵzaları komplekste sáwlelenlirilgen alımlar, ullı sárkarda hám jawıngerler, jádid babalarımızdıń tulǵalarına ayrıqsha itibar qarattı. Tınıshlıq, erkinlik, jaqsılıq tımsalı bolǵan Qumay qusı súwreti komplekstiń misli gúltajınday kórinisi sáwlelendirildi.
Ana Watan, márt, miynetkesh hám qaharman xalqımızǵa qoyılǵan bul kompleks bárqulla adamlar menen tolı.
Joqarı mártebeli miymanlar, rásmiy sırt el delegaciyalarınıń mámleketimizge saparı sheńberinde bul jerdegi monumentke gúl qoyıw dástúrine aylanǵan.
Delegaciya aǵzaları komplekste sáwlelenlirilgen alımlar, ullı sárkarda hám jawıngerler, jádid babalarımızdıń tulǵalarına ayrıqsha itibar qarattı. Tınıshlıq, erkinlik, jaqsılıq tımsalı bolǵan Qumay qusı súwreti komplekstiń misli gúltajınday kórinisi sáwlelendirildi.
Ana Watan, márt, miynetkesh hám qaharman xalqımızǵa qoyılǵan bul kompleks bárqulla adamlar menen tolı.