Búgin Qaraqalpaqstan kórkem óner sarayında «Medicina xızmetkerleri kúni» múnásibeti menen bayram saltanatı bolıp ótti
2133
Bayram saltanatına Ózbekstan Respublikası Mádeniyat ministri, Ózbekstan hám Qaraqalpaqstan Xalıq artisti, Ozodbek Nazarbekov hám elimiz súygen sóz ustası Valijon Shamshievler qatnastı.
Ótkerilgen ilajda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, taraw pidayıların búgingi bayram múnásibeti menen qızǵın qutlıqladı.
Ótken qısqa dáwir ishinde Prezidentimiz tárepinen tarawǵa baylanıslı bir qatar Párman hám Qararlar qabıl etildi. Zamanagóy medicinalıq mákemeler qurıldı, tarawdıń materiallıq-texnikalıq bazası bekkemlenip, eń shetki aymaqlardaǵı medicina mákemelerin tájiriybeli kadrlar menen támiyinlewge ayrıqsha itibar qaratıldı.
Bir ǵana mısal, Húrmetli Prezidentimizdiń “Qaraqalpaqstan Respublikasında 2022-2024-jıllarda xalıqtıń salamatlıǵın qorǵawdı jáne de kúsheytiw haqqında”ǵı arnawlı Qararı tiykarında Nókis qalasında 20 orınlı xirurgiya bólimi hámde awır nawqaslar ushın 20 orınlı palliativ járdem kórsetiw bólimi shólkemlestirildi, shetki aymaqlarda jaylasqan 6 rayonda kardiolog, onkolog, urolog hám nevrolog shıpakerleri shtatları kóbeytildi.
Bunnan tısqarı, Nókis qalasında 120 orınlıq Balalar medicina reabilitaciya orayın ashıw, barlıq qalalıq hám rayonlıq medicina birlespelerin 11 mln. 287 mıń dollarlıq 90 túrdegi, perinital hám tuwıw bólimlerin 1,1 mln. dollarlıq 36 túrdegi zamanagóy ásbap-úskeneler menen támiyinlew boyınsha tiyisli ilajlar ámelge asırılmaqta.
Sonı da atap ótiwimiz tiyis, Qaraqalpaqstandaǵı Onkologiya hám radiologiya orayınıń filialı ushın jańa imarat qurıw hám eń zamanagóy úskeneler menen támiyinlew, onıń aymaǵında nawqaslardıń jaqınları ushın waqtınsha jasaw jataqxanasın qurıw, kelesi jıldan Taxtakópir, Shımbay, Qaraózek, Bozataw, Shomanay, Qońırat rayonlarında 200 procent muǵdarında aylıq ústeme tólewdi jolǵa qoyıw, sonday-aq, Qaraqalpaqstandaǵı alıs hám shetki awıllarda jumıs islep atırǵan barlıq maman medicina xızmetkerlerine 5 mln swmǵa shekem óz aldına ústeme beriw, tek ǵana Qaraqalpaqstan ushın, xalıqtıń stacionarda emleniw qárejetlerin dáramat salıǵınan azat etiw sıyaqlı kóplegen imkaniyatlar jaratılmaqta.
Bolıp ótken bayram saltanatında tarawda pidayılıq penen jemisli miynet etip kiyatırǵan medicina tarawı xızmetkerleri Qaraqalpaqstan Respublikası Joqarǵı Keńesiniń Baslıǵı tárepinen sıylıqlandı.
Bayram saltanatı kórkem-óner tarawı xızmetkerleri tárepinen tayarlanǵan koncert baǵdarlaması menen dawam etti.
Ótken qısqa dáwir ishinde Prezidentimiz tárepinen tarawǵa baylanıslı bir qatar Párman hám Qararlar qabıl etildi. Zamanagóy medicinalıq mákemeler qurıldı, tarawdıń materiallıq-texnikalıq bazası bekkemlenip, eń shetki aymaqlardaǵı medicina mákemelerin tájiriybeli kadrlar menen támiyinlewge ayrıqsha itibar qaratıldı.
Bir ǵana mısal, Húrmetli Prezidentimizdiń “Qaraqalpaqstan Respublikasında 2022-2024-jıllarda xalıqtıń salamatlıǵın qorǵawdı jáne de kúsheytiw haqqında”ǵı arnawlı Qararı tiykarında Nókis qalasında 20 orınlı xirurgiya bólimi hámde awır nawqaslar ushın 20 orınlı palliativ járdem kórsetiw bólimi shólkemlestirildi, shetki aymaqlarda jaylasqan 6 rayonda kardiolog, onkolog, urolog hám nevrolog shıpakerleri shtatları kóbeytildi.
Bunnan tısqarı, Nókis qalasında 120 orınlıq Balalar medicina reabilitaciya orayın ashıw, barlıq qalalıq hám rayonlıq medicina birlespelerin 11 mln. 287 mıń dollarlıq 90 túrdegi, perinital hám tuwıw bólimlerin 1,1 mln. dollarlıq 36 túrdegi zamanagóy ásbap-úskeneler menen támiyinlew boyınsha tiyisli ilajlar ámelge asırılmaqta.
Sonı da atap ótiwimiz tiyis, Qaraqalpaqstandaǵı Onkologiya hám radiologiya orayınıń filialı ushın jańa imarat qurıw hám eń zamanagóy úskeneler menen támiyinlew, onıń aymaǵında nawqaslardıń jaqınları ushın waqtınsha jasaw jataqxanasın qurıw, kelesi jıldan Taxtakópir, Shımbay, Qaraózek, Bozataw, Shomanay, Qońırat rayonlarında 200 procent muǵdarında aylıq ústeme tólewdi jolǵa qoyıw, sonday-aq, Qaraqalpaqstandaǵı alıs hám shetki awıllarda jumıs islep atırǵan barlıq maman medicina xızmetkerlerine 5 mln swmǵa shekem óz aldına ústeme beriw, tek ǵana Qaraqalpaqstan ushın, xalıqtıń stacionarda emleniw qárejetlerin dáramat salıǵınan azat etiw sıyaqlı kóplegen imkaniyatlar jaratılmaqta.
Bolıp ótken bayram saltanatında tarawda pidayılıq penen jemisli miynet etip kiyatırǵan medicina tarawı xızmetkerleri Qaraqalpaqstan Respublikası Joqarǵı Keńesiniń Baslıǵı tárepinen sıylıqlandı.
Bayram saltanatı kórkem-óner tarawı xızmetkerleri tárepinen tayarlanǵan koncert baǵdarlaması menen dawam etti.
Qaraqalpaqstan Respublikası Joqarǵı Keńesiniń Málimleme xızmeti