Gazanı qayta tiklew qorın jaratıw ideyası alǵa qoyıldı
1040
Saudiya Arabstanında Arab mámleketleri ligası hám Islam birge islesiw shólkeminiń gezekteg tısqarı birgelikte sammiti bolıp ótti. Izrail – Palestina urısı hám Gazadaǵı gumanitarlıq krizis máselesi dodalanǵan sammitte Ózbekstan Bas ministri Abdulla Aripov ta qatnastı. Sammit qatnasıwshıları bir dawıstan kelispewshilikti saplastırıw ushın birinshi qádem Gaza sektorında áskeriy háreketlerdi toqtatıw kerek degen sheshimge kelgen. Erdoǵan bul jerde sóz bir neshe saatlıq tánepis haqqında emes, al oq atıwdı pútkilley toqtatıw haqqında bolıp atırǵanın atap ótken. Qatnasıwshılarǵa bola, eki ǵárezsiz mámleket jaratıw arqalı ǵana kelispewshilikke ádil sheshim tabıw múmkin. Sammitte EBSh qáwenderliginde Gazanı qayta tiklew qorın jaratıw ideyası alǵa qoyılǵan. Qatar ámiri Sheyx Tamim bin Hamad Ol Soniydiń aytıwı boyınsha, BMSh Izraildiń tınısh xalqınıń mánzillerine, sonıń ishinde, densawlıqtı saqlaw mákemelerine shólkemlestirgen hújimler ushın juwapkershilik dárejesin anıqlaw maqsetinde Gaza sektorına xalıqaralıq tergew toparın jiberiw zárúr.
Qaraqalpaqstan xabar agentligi