Qaraqalpaqstan xabar agentligi
Tayınlaw
1214
Qaraqalpaq mámleketlik jas tamashagóyler teatrında mádeniyat hám kórkem óner tarawı xızmetkerleri qatnasıwında májilis ótkerildi.
Onda Ózbekstan Respublikası Mádeniyat ministri O.Nazarbekov, Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev hám Mádeniyat ministri B.Temirbaev qatnastı.
Májiliste shólkemlestiriwshilik máselesi kórip shıǵıldı.
Onda Ózbekstan Respublikası Mádeniyat ministriniń buyrıǵı menen Batır Tolıbaevich Allakov Qaraqalpaqstan Respublikası Mádeniyat ministriniń birinshi orınbasarı lawazımına, Aydosbek Genjebaevich Bekpanov Ózbekstan mámleketlik filarmoniyası Qaraqalpaqstan Respublikası bólimi direktorı lawazımına tayınlandı.
Maǵlıwmat ushın aytatuǵın bolsaq, Batır Allakov usı kúnge shekem Beruniy rayonı Mádeniyat bólimi baslıǵı, Aydosbek Bekpanov Qaraqalpaqstan Respublikası Mádeniyat ministrliginiń Mádeniyat mákemeleri xızmetlerin shólkemlestiriw bólimi bas qánigesi, ministr orınbasarı wazıypasın waqtınsha atqarıwshısı bolıp jumıs alıp barǵan.