Usı jıldıń 16-oktyabr sánesinde Ózbekstan Respublikası Prezidenti Shavkat Mirziyoev Qıtay Xalıq Respublikası Baslıǵı Si Czinpinniń mirát etiwine bola ámeliy sapar menen usı mámlekette bolǵan edi
1407
Ushırasıwda mámleketimiz basshısı Qıtay Xalıq Respublikası basshısı menen áhmiyetli baǵdarlar boyınsha ámeliy birge islesiw joybarların birgeliktegi "jol karta"ları tiykarında ámelge asırıwdı kelisip alǵan edi.
Usı "jol karta"larda kelisilgen máselelerdiń orınlanıwı boyınsha Prezidentimizdiń tapsırması menen Qaraqalpaqstan Respublikası Joqarǵı Keńesi Baslıǵı basshılıǵındaǵı delegaciyanıń Qıtay Xalıq Respublikasındaǵı saparı dawam etip atır.
Delegaciya aǵzaları Pekin qalasındaǵı Ózbekstan Respublikası elshixanasında "Qaraqalpaqstan-Qıtay biznes forum" sheńberinde investiciya hám turizm tarawın rawajlandırıw forumına qatnastı.
Forum sheńberinde delegaciya aǵzaları Qıtaydıń bir qatar iri kompaniyaları menen V2V hám G2B formatında ushırasıwlar ótkerdi.
Atap aytqanda "Ji An Tai Technologies"kompaniyası menen mramordı qayta islew hám altındı flotaciya usılında qayta islewdi shólkemlestiriw, "Norinco International" kompaniyası menen jolawshı tasıwshı transportlardı jetkerip beriw, "Liaoning Lide Investment Holdings Group Pte. Ltd" kompaniyası menen qayta tikleniwshi energiya derekleri úskenelerin islep shıǵarıw hám "Guangdong Urban & Rural Planning and Design Institute Co., LTD" kompaniyası menen Qaraqalpaqstanda azıq-awqat qáwipsizligin támiyinlew boyınsha baǵdarlamanı islep shıǵıw haqqında dáslepki kelisimlerge erisildi.
Bunnan tısqarı Qıtay Xalıq Respublikası hám Qaraqalpaqstan Respublikası arasında sawda-ekonomikalıq birge islesiwdi keńeytiw maqsetinde bahası 1,4 mln. dollarǵa teń import shártnamalarıda dúzildi.
Delegaciyanıń Qıtay Xalıq Respublikasına saparı dawam etpekte.
Delegaciya aǵzaları Pekin qalasındaǵı Ózbekstan Respublikası elshixanasında "Qaraqalpaqstan-Qıtay biznes forum" sheńberinde investiciya hám turizm tarawın rawajlandırıw forumına qatnastı.
Forum sheńberinde delegaciya aǵzaları Qıtaydıń bir qatar iri kompaniyaları menen V2V hám G2B formatında ushırasıwlar ótkerdi.
Atap aytqanda "Ji An Tai Technologies"kompaniyası menen mramordı qayta islew hám altındı flotaciya usılında qayta islewdi shólkemlestiriw, "Norinco International" kompaniyası menen jolawshı tasıwshı transportlardı jetkerip beriw, "Liaoning Lide Investment Holdings Group Pte. Ltd" kompaniyası menen qayta tikleniwshi energiya derekleri úskenelerin islep shıǵarıw hám "Guangdong Urban & Rural Planning and Design Institute Co., LTD" kompaniyası menen Qaraqalpaqstanda azıq-awqat qáwipsizligin támiyinlew boyınsha baǵdarlamanı islep shıǵıw haqqında dáslepki kelisimlerge erisildi.
Bunnan tısqarı Qıtay Xalıq Respublikası hám Qaraqalpaqstan Respublikası arasında sawda-ekonomikalıq birge islesiwdi keńeytiw maqsetinde bahası 1,4 mln. dollarǵa teń import shártnamalarıda dúzildi.
Delegaciyanıń Qıtay Xalıq Respublikasına saparı dawam etpekte.
Qaraqalpaqstan Respublikası Joqarǵı Keńesiniń Málimleme xızmeti