Qaraqalpaqstan delegaciyası Qıtaydıń bir neshe iri isbilermenleri menen G2B hám B2B formatında ushırasıwlar ótkerdi. Bolıp ótken ushırasıwlarda Qaraqalpaqstan Respublikası Joqarǵı Keńesiniń Baslıǵı basshılıǵındaǵı delegaciya Qıtaydıń bir qatar iri kompaniyaları menen shártnamalarǵa qol qoydı.
1601
Atap aytqanda Qaraózek rayonında jaylasqan «KARAKALPAK SEMENT» JShSh hámde “SHAH POLAN” JShSh tárepinen Qıtaydıń jetekshi kárxanaları menen ulıwma bahası 135,3 mln. dollarǵa teń tórt investiciyalıq kelisimlerge erisildi.
Olar, Sinoma–Liyang Heavy Machinery Co., LTD kárxanası menen cement islep shıǵarıwdı keńeytiw nátiyjesinde kúnine 3200 tonna quwatlılıqqa iye klinker islep shıǵarıw. Joybar bahası 100 mln. dollar.
Nanjing Henghui Building Materials Technology Co., LT kárxanası menen avtoklav gazobeton islep shıǵarıw, jıllıq islep shıǵarıw quwatlılıǵı 200 000 m3. Joybar bahası 13,3 mln. dollar.
Nanjing Henghui Building Materials Technology Co., LT kárxanası menen haq islep shıǵarıwdı shólkemlestiriw, kúnlik islep shıǵarıw quwatlılıǵı 400 tonna. Joybar bahası 7,13 mln. dollar.
Nanjing Bai Sheng Glass Technology Co., LtD kárxanası menen shishe kristall islep shıǵarıwdı shólkemlestiriw. Jıllıq islep shıǵarıw quwatlılıǵı 200 000 m2. Joybar bahası. 14.9 mln. dollar.
Qaraqalpaqstan Respublikası Joqarǵı Keńesiniń Málimleme xızmeti