Ayrım sanaat tarmaqları mámleket tárepinen qollap-quwatlanadı

Ózbekstan Respublikası Prezidenti “Ayrım sanaat tarmaqlarında sapalı hám básekige shıdamlı ónimler islep shıǵarıwǵa qaratılǵan qosımsha ilajlar haqqında” párman qabılladı. Oǵan bola, Eksporttı qollap-quwatlaw qorı esabınan konditerlik kárxanalarına eksport aldınan hám eksport penen baylanıslı sawda operaciyaların qarjılandırıw ushın sońǵı 12 dawamında ámelge asırılǵan eksport kóleminen kelip shıqqan halda 2 jıl múddetke shekem tómendegi muǵdarlarda finanslıq resurslar ajıratıladı: eksport kólemi 500 mıń AQSh dollarına shekem bolǵanda — 1 million AQSh dollarına shekem; eksport kólemi 500 mıń AQSh dollarınan 4 million AQSh dollarına shekem bolǵanda – 2 million AQSh dollarına shekem; eksport kólemi 4 million AQSh dollarınan artıq bolǵanda – 3 million AQSh dollarına shekem. 2025-jıl 1- yanvarǵa shekem keń túrdegi konditerlik ónimlerin islep shıǵarıwda paydalanılatuǵın qadaqlaw hám etiketkalaw ónimleri (TIF TN kodları 3919 108 000 hám 3921906 000) bajıxana bajıdan azat etiledi. 2024-jıl 31-dekabrge shekem iyirilgen jip eksport etiwde óndiriletuǵın jıynaqtıń ámeldegi muǵdarın 5 esege kemeytiw; 2024-jıl 31-dekabrge shekem boyalǵan gezlemeni realizaciyalawdan túsken ulıwmalıq túsimnen usı ónimlerdi ishki bazarda satıw úlesi keminde 50 procentti quraǵan kárxanalarǵa sociallıq salıqtı 1 procent muǵdarındaǵı salıq stavkası boyınsha tólew hám úsh jıl múddetke shekem yuridikalıq táreplerden alınatuǵın mal-múlik salıǵı tólemin keshiktiriw xuqıqı beriledi. 2026-jıl 11oktyabrge shekem toqımashılıq hám tigiw-trikotaj kárxanaları jumıs ushın zárúr bolǵan ayrım tovarlardı import etiwde bajıxana bajı alıp taslanadı. Sonday-aq, sanaat zonalarında jer maydanları hám imaratlardı ijaraǵa beriwde tólemlerdi bólip-bólip tólew dáwiri ámeldegi 12 aydan 24 ayǵa shekem uzaytıladı.  

ÓzA