Qaraqalpaqstan Respublikası Joqarǵı Keńesi Baslıǵı basshılıǵındaǵı delegaciyanıń Qıtay Xalıq Respublikasına bolǵan ámeliy saparı dawam etip atır
1507
Sapar dawamında delegaciya aǵzaları bir qansha iri kompaniyalar menen perspektivalı shártnamalarǵa qol qoydı. Bul álbette elimizdiń rawajlanıwı jolındaǵı áhmiyetli adımlardıń biri boldı.
Delegaciya aǵzaları sapar dawamında ShUAR partiya komiteti sekretarı Ma Sinjuy menen ushırastı.
Ushırasıwda ShUAR partiya komiteti sekretarı Ma Sinjuy usı jıldın mart ayında mámleketimiz basshısı menen ushırasqanın, búgingi kúnde Ózbekstan sociallıq-ekonomikalıq jaqtan jedel pátte rawajlanıp atırǵanın ayrıqsha atap ótip, aymaqlar arasındaǵı birge islesiwde bul rawajlanıw oǵada áhmiyetli ekenine isenim bildirdi.
Óz gezeginde Joqarǵı Keńes Baslıǵı Amanbay Orınbaev Qıtay regionımızdıń ekinshi tiykarǵı import etiwshi mámleket bolıp, eń iri sırtqı sawda sherigine aylanǵanın atap ótti hám jıllı júzlilik penen kútip alǵanı ushın óziniń minnetdarshılıǵın bildirdi.
Qaraqalpaqstan Respublikası Joqarǵı Keńesiniń Málimleme xızmeti