Qaraqalpaq tiline mámleketlik til biyligi berilgen kún múnásibeti menen bayram saltanatı ótkerildi
2230
Búgin Berdaq atındaǵı Qaraqalpaq mámleketlik akademiyalıq muzıkalı teatrında 1-dekabr – Qaraqalpaqstan Respublikasınıń “Mámleketlik til haqqında”ǵı Nızamı qabıl etilgenine 34 jıl tolıwı múnásibeti menen bayram saltanatı bolıp ótti.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı bayram menen qutlıqladı.
Atap ótilgenindey, ana tili – bul qarım-qatnas quralı bolıwı menen birge, neshshe ásirler dawamında óziniń qádir-qımbatın joytpay, biz áwladlarǵa shekem jetip kelgen biybaha ǵáziyne bolıp tabıladı. Hár bir xalıqtıń ózine tán ózgesheligin, hár bir eldiń rawajlanıw basqıshların hám keleshegin belgilewde ana tiliniń tutqan ornı ayrıqsha sanaladı. Sonlıqtan, hár bir ósip kiyatırǵan áwlad ana tilin qásterlewi, onıń keleshek áwladqa sap halında jetip barıwın támiyinlewi kerek.
Ótkerilgen bayram saltanatında Ózbekstan Respublikası Ministrler Kabinetiniń Mámleketlik tildi rawajlandırıw departamentiniń baslıǵı Nodirjon Xolbwtaev, Ózbekstanda xızmet kórsetken mádeniyat xodimi, “Manaviy hayot” jurnalınıń bas redaktorı Eshqobil Shukurov, Ózbekstanda xızmet kórsetken jaslar ustazı, filologiya ilimleriniń doktorı, professor Bahodir Karimov, Qaraqalpaqstan xalıq shayırı Muzaffar Ahmedov, Qaraqalpaqstan xalıq shayırı Rustam Musurmonovlar hám basqa da bir qatar qádirli miymanlardıń qatnasıwı – bul xalqımızǵa, qaraqalpaq tiline degen joqarı húrmet hám itibardıń kórinisi sanaladı.
Sońǵı jılları elimizde ana tilimizdi saqlawǵa, onı jáne de bayıtıwǵa ayrıqsha itibar qaratılıp, bul baǵdarda keń kólemli iygilikli isler ámelge asırılmaqta.
Álbette, bulardıń barlıǵı ana tilimizge bolǵan joqarı itibar hám ǵamxorlıqtıń ámeldegi kórinisi bolıp tabıladı.
Ilaj dawamında Joqarǵı Keńes Prezidiumı qararı menen bir qatar taraw wákilleri Joqarǵı Keńestiń kókirek belgileri, Húrmet jarlıqları hám bahalı sawǵalar menen sıylıqlandı.
Bayram ilajı kórkem óner hám mádeniyat xızmetkerleri atqarıwındaǵı koncert baǵdarlaması menen dawam etti.
Atap ótilgenindey, ana tili – bul qarım-qatnas quralı bolıwı menen birge, neshshe ásirler dawamında óziniń qádir-qımbatın joytpay, biz áwladlarǵa shekem jetip kelgen biybaha ǵáziyne bolıp tabıladı. Hár bir xalıqtıń ózine tán ózgesheligin, hár bir eldiń rawajlanıw basqıshların hám keleshegin belgilewde ana tiliniń tutqan ornı ayrıqsha sanaladı. Sonlıqtan, hár bir ósip kiyatırǵan áwlad ana tilin qásterlewi, onıń keleshek áwladqa sap halında jetip barıwın támiyinlewi kerek.
Ótkerilgen bayram saltanatında Ózbekstan Respublikası Ministrler Kabinetiniń Mámleketlik tildi rawajlandırıw departamentiniń baslıǵı Nodirjon Xolbwtaev, Ózbekstanda xızmet kórsetken mádeniyat xodimi, “Manaviy hayot” jurnalınıń bas redaktorı Eshqobil Shukurov, Ózbekstanda xızmet kórsetken jaslar ustazı, filologiya ilimleriniń doktorı, professor Bahodir Karimov, Qaraqalpaqstan xalıq shayırı Muzaffar Ahmedov, Qaraqalpaqstan xalıq shayırı Rustam Musurmonovlar hám basqa da bir qatar qádirli miymanlardıń qatnasıwı – bul xalqımızǵa, qaraqalpaq tiline degen joqarı húrmet hám itibardıń kórinisi sanaladı.
Sońǵı jılları elimizde ana tilimizdi saqlawǵa, onı jáne de bayıtıwǵa ayrıqsha itibar qaratılıp, bul baǵdarda keń kólemli iygilikli isler ámelge asırılmaqta.
Álbette, bulardıń barlıǵı ana tilimizge bolǵan joqarı itibar hám ǵamxorlıqtıń ámeldegi kórinisi bolıp tabıladı.
Ilaj dawamında Joqarǵı Keńes Prezidiumı qararı menen bir qatar taraw wákilleri Joqarǵı Keńestiń kókirek belgileri, Húrmet jarlıqları hám bahalı sawǵalar menen sıylıqlandı.
Bayram ilajı kórkem óner hám mádeniyat xızmetkerleri atqarıwındaǵı koncert baǵdarlaması menen dawam etti.
Qaraqalpaqstan Respublikası Joqarǵı Keńesiniń Málimleme xızmeti