Qaraqalpaqstanda jasıl ekonomika hám innovaciya texnologiyaları engizilmekte

2022-2026-jıllarǵa arnalǵan “Jańa Ózbekstannıń rawajlanıw strategiyası”nda belgilengen wazıypalardı ámelge asırıw, Ózbekstan Respublikasınıń “jasıl” ekonomikaǵa ótiw strategiyası sheńberinde “jasıl” hám inklyuziv ekonomikalıq ósiwdi támiyinlew baǵdarında ámelge asırılıp atırǵan is-ilajlar nátiyjeliligin arttırıw, qayta tikleniwshi energiya dereklerinen paydalanıw hámde ekonomikanıń barlıq tarmaqlarında resurslardı únemlewdi ele de keńeytiw maqsetinde Húkimet komissiyasınıń 2023-jıl 29-sentyabrdegi “2023-2025-jıllarǵa arnalǵan Investiciya baǵdarlaması reje kórsetkishleriniń orınlanıwın támiyinlew, joqarı dárejedegi saparlar hám xalıqaralıq ilajlar sheńberinde erisilgen kelisimler jaǵdayı boyınsha ámelge asırılatuǵın is-ilajlar haqqında”ǵı 85-sanlı protokoldıń 7-qosımshasına tiykarlanıp, Ispaniya mámleketi Eolica Navarra kárxanası menen birgelikte Qaraqalpaqstan Respublikası Qaraózek rayonında “MINARET ECO COMPLEX” JShJ tárepinen “50 MVt quwatlılıqqa iye quyash elektr stanciyasın hám eko komleks shólkemlestiriw” joybarı 2025-jılda iske túsiriliwi rejelestirilgen. Joybar bahası 50 mln. dollardı qurap, sonnan óz qarjıları – 25 mln dollar, tuwrıdan-tuwrı sırt el investiciyası – 25 mln dollar. Usı joybar tiykarında jılına 150 mln kVt/saat elektr energiyası islep shıǵarılıp, 150 jańa jumıs orınları jaratıladı. Joybar sheńberinde ámelge asırılatuǵın jumıslar: - quwatlılıǵı 50 MVt bolǵan quyash elektr stanciyasın qurıw; - 120 xanalı 4 juldızlı miymanxana qurıw; - tamshılatıp suwǵarıw ushın eki suw saqlaǵıshına iye 5 gektarlı jasıl aymaq jaratıw; - 2,5 km jol boyın abadanlastırıw; - avtomobillerge janılǵı quyıw hám xızmet kórsetiw shaqapshasın shólkemlestiriw; - restoran / kafe; - 110 kVt kúshleniwdegi jańa óshirip-jaǵıw punktin qurıw; - uzınlıǵı 1 km bolǵan 2 shınjırlı 110 kVt kúshleniwdegi elektr uzatıw tarmaǵın qurıw.