Qol urısı boyınsha shólkemlestirilgen “Joqarǵı Keńes Baslıǵı Kubogı” jarıslarınıń ashılıw saltanatı ótkerildi
1205
Búgin Nókis qalasındaǵı 1-sanlı balalar hám jas óspirimler sport mektebinde (Manej) qol urısı boyınsha 16-17 jas aralıǵındaǵı er balalar hám qızlar arasında shólkemlestirilgen “Joqarǵı Keńes Baslıǵı Kubogı” jarıslarınıń ashılıw saltanatı bolıp ótti.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, barlıq qatnasıwshılardı jarıstıń ashılıwı múnásibeti menen qutlıqladı hám áwmet tiledi.
Bunnan soń kún dawamında ótkeriliwi belgilengen sport jarısları baslap jiberildi.
Aytıp ótiw orınlı, sońǵı jılları elimizde húrmetli Prezidentimizdiń basshılıǵında dene tárbiya hám sporttı rawajlandırıwǵa, jaslardı sportqa keńnen qamtıp alıwǵa, salamat turmıs tárizin qáliplestiriwge ayrıqsha itibar qaratılıp, bul baǵdarda keń kólemli ilajlar ámelge asırılıp atır.
Ózinde boks, taekvondo, gúres, karate, sambo, ushu sıyaqlı sport túrlerin jámlegen sporttıń qol urısı túrine qızıǵıwshı jaslarımızdıń sanı jıldan jılǵa artıp barmaqta.
Ásirese, sportshılarımızdıń Aziya, jáhán chempionatları hám xalıqaralıq turnirlerde qolǵa kirgizip atırǵan joqarı tabısları xalqımızdı quwanıshqa bólemekte.
Álbette, usınday jarıslardıń ótkeriliwi elimizde qol urısı sport túrin jáne de ǵalabalastırıwda hám xalıqaralıq bellesiwler jeńimpazların jetilistirip shıǵarıwda áhmiyetli orın iyeleydi.
Ótkerilgen ilaj dawamında óz salmaq kategoriyası boyınsha jeńimpazlar qatarınan orın alǵan bir qatar jaslarǵa medal hám bahalı sawǵalar tapsırıldı.
Bunnan soń kún dawamında ótkeriliwi belgilengen sport jarısları baslap jiberildi.
Aytıp ótiw orınlı, sońǵı jılları elimizde húrmetli Prezidentimizdiń basshılıǵında dene tárbiya hám sporttı rawajlandırıwǵa, jaslardı sportqa keńnen qamtıp alıwǵa, salamat turmıs tárizin qáliplestiriwge ayrıqsha itibar qaratılıp, bul baǵdarda keń kólemli ilajlar ámelge asırılıp atır.
Ózinde boks, taekvondo, gúres, karate, sambo, ushu sıyaqlı sport túrlerin jámlegen sporttıń qol urısı túrine qızıǵıwshı jaslarımızdıń sanı jıldan jılǵa artıp barmaqta.
Ásirese, sportshılarımızdıń Aziya, jáhán chempionatları hám xalıqaralıq turnirlerde qolǵa kirgizip atırǵan joqarı tabısları xalqımızdı quwanıshqa bólemekte.
Álbette, usınday jarıslardıń ótkeriliwi elimizde qol urısı sport túrin jáne de ǵalabalastırıwda hám xalıqaralıq bellesiwler jeńimpazların jetilistirip shıǵarıwda áhmiyetli orın iyeleydi.
Ótkerilgen ilaj dawamında óz salmaq kategoriyası boyınsha jeńimpazlar qatarınan orın alǵan bir qatar jaslarǵa medal hám bahalı sawǵalar tapsırıldı.
Qaraqalpaqstan Respublikası Joqarǵı Keńesiniń Málimleme xızmeti