Birgeliktegi joybarlar keleshekke tiykar boladı
1480
Qıtay Xalıq Respublikasınıń Ózbekstandaǵı ayrıqsha hám tolıq huqıqlı elshisi Yuy Czyun respublikamız aymaǵında ámeliy sapar menen bolıp turıptı
Búgin Qıtay – Ózbekstan (Qaraqalpaqstan) ekonomikalıq birge islesiwdi rawajlandırıw forumı bolıp ótti.
Onda dáslep Joqarǵı Keńes Baslıǵı shıǵıp sóylep, húrmetli Prezidentimizdiń Qıtay Xalıq Respublikasına bolǵan ámeliy saparınıń xalqımız abadanlıǵın támiyinlew jolındaǵı áhmiyeti, eki mámleket arasındaǵı óz-ara baylanıslardı bekkemlew máseleleri, Qıtay-Ózbekstan sonıń ishinde Qaraqalpaqstan baylanısların jańa basqıshlarǵa alıp shıǵıw, Prezidentimiz jaratıp bergen imkaniyatlar tiykarında jańa investiciyalıq joybarlardıń iske túsiriliwin támiyinlew hám basqa da áhmiyetli máselelerge keń túrde toqtaldı. Aldaǵı waqıtta álbette, birgeliktegi joybarlar sanı artıp, jańa jumıs orınların jaratıw arqalı xalqımızdıń abadanlıǵın támiyinlew ilajları kóriletuǵınlıǵı ayrıqsha tilge alındı.
Sonday-aq, Qıtay elshisi de eki kún dawamındaǵı Qaraqalpaqstanǵa bolǵan saparında úlken tásirlerge iye bolǵanlıǵın, aymaqta birgelikte kóplegen jańa isbilermenlik joybarlarınıń iske túsiriliwi oǵada perspektivalı ekenligin, eń baslısı, húrmetli Prezidentimiz tárepinen qabıl etilgen párman hám qararlardıń Qaraqalpaqstanda investiciyalıq tartımlılıqtı arttırıw hám isbilermenlikti rawajlandırıwǵa bekkem tiykar bolatuǵınlıǵın oǵada qanaatlanıwshılıq penen atap ótti.
Biznes-forumda Qıtay mámleketinen kelgen isbilermenlerden ibarat delegaciya aǵzaları ózleriniń jańa joybarları menen qatnastı.
Keń qamtıwlı formatta ótken forumda bir qatar jergilikli isbilermenler de qatnasıp, onda qıtaylı investor hám isbilermenlerdiń prezentaciyaları, kompaniyalarınıń sanaat, energetika, awıl xojalıǵı, islep shıǵarıw, qayta islew hám basqa da jónelisler boyınsha jumıs alıp barıw baǵdarları hám perspektivalı joybarları jıynalǵanlar názerine usınıldı.
Aytıp ótiw orınlı, jaqında Joqarǵı Keńes Baslıǵı basshılıǵındaǵı delegaciya aǵzaları da Qıtay mámleketinde bolǵan edi. Onda bir qatar jańa joybarlar ústinde kelisimlerge erisilip, birge islesiw perspektivaları talqılanǵan edi.
Búgingi kúnde Qıtay Xalıq Respublikası hám Qaraqalpaqstan Respublikası arasındaǵı sawda-ekonomikalıq birge islesiwdi keńeytiw, bir qatar tarawlar boyınsha jańa joybarlar ústinde islesiwdiń áhmiyeti ayrıqsha esaplanadı.
Ótkerilgen Biznes-forum dawamında jergilikli isbilermenler hám Qıtaydıń bir qatar iri kompaniyaları menen V2V formatında ushırasıwlar ótkerildi hám hár eki tárep ushın da máp keltiretuǵın kelisimlerge erisildi.
Onda dáslep Joqarǵı Keńes Baslıǵı shıǵıp sóylep, húrmetli Prezidentimizdiń Qıtay Xalıq Respublikasına bolǵan ámeliy saparınıń xalqımız abadanlıǵın támiyinlew jolındaǵı áhmiyeti, eki mámleket arasındaǵı óz-ara baylanıslardı bekkemlew máseleleri, Qıtay-Ózbekstan sonıń ishinde Qaraqalpaqstan baylanısların jańa basqıshlarǵa alıp shıǵıw, Prezidentimiz jaratıp bergen imkaniyatlar tiykarında jańa investiciyalıq joybarlardıń iske túsiriliwin támiyinlew hám basqa da áhmiyetli máselelerge keń túrde toqtaldı. Aldaǵı waqıtta álbette, birgeliktegi joybarlar sanı artıp, jańa jumıs orınların jaratıw arqalı xalqımızdıń abadanlıǵın támiyinlew ilajları kóriletuǵınlıǵı ayrıqsha tilge alındı.
Sonday-aq, Qıtay elshisi de eki kún dawamındaǵı Qaraqalpaqstanǵa bolǵan saparında úlken tásirlerge iye bolǵanlıǵın, aymaqta birgelikte kóplegen jańa isbilermenlik joybarlarınıń iske túsiriliwi oǵada perspektivalı ekenligin, eń baslısı, húrmetli Prezidentimiz tárepinen qabıl etilgen párman hám qararlardıń Qaraqalpaqstanda investiciyalıq tartımlılıqtı arttırıw hám isbilermenlikti rawajlandırıwǵa bekkem tiykar bolatuǵınlıǵın oǵada qanaatlanıwshılıq penen atap ótti.
Biznes-forumda Qıtay mámleketinen kelgen isbilermenlerden ibarat delegaciya aǵzaları ózleriniń jańa joybarları menen qatnastı.
Keń qamtıwlı formatta ótken forumda bir qatar jergilikli isbilermenler de qatnasıp, onda qıtaylı investor hám isbilermenlerdiń prezentaciyaları, kompaniyalarınıń sanaat, energetika, awıl xojalıǵı, islep shıǵarıw, qayta islew hám basqa da jónelisler boyınsha jumıs alıp barıw baǵdarları hám perspektivalı joybarları jıynalǵanlar názerine usınıldı.
Aytıp ótiw orınlı, jaqında Joqarǵı Keńes Baslıǵı basshılıǵındaǵı delegaciya aǵzaları da Qıtay mámleketinde bolǵan edi. Onda bir qatar jańa joybarlar ústinde kelisimlerge erisilip, birge islesiw perspektivaları talqılanǵan edi.
Búgingi kúnde Qıtay Xalıq Respublikası hám Qaraqalpaqstan Respublikası arasındaǵı sawda-ekonomikalıq birge islesiwdi keńeytiw, bir qatar tarawlar boyınsha jańa joybarlar ústinde islesiwdiń áhmiyeti ayrıqsha esaplanadı.
Ótkerilgen Biznes-forum dawamında jergilikli isbilermenler hám Qıtaydıń bir qatar iri kompaniyaları menen V2V formatında ushırasıwlar ótkerildi hám hár eki tárep ushın da máp keltiretuǵın kelisimlerge erisildi.
Qaraqalpaqstan Respublikası Joqarǵı Keńesiniń Málimleme xızmeti