Ellikqala rayonında Abat máhálle baǵdarlaması tiykarında bir qansha jumıslar ámelge asırıldı
1487
Elimizdi hár tárepleme rawajlandırıwdı óz aldına maqset etip qoyǵan húrmetli Prezidentimizdiń baslaması menen Abat máhálle - abat kóshe - abat shańaraq baǵdarlaması engizilgen edi. Mine usı baǵdarlama tiykarında respublikamızda kóplegen jumıslar ámelge asırılıp, máhálleler shın mánisinde basqasha túske endi. Bul jumıslar sheńberinde elektr, gaz, ishimlik suwı, mektep, baqsha, kóshelerdi ońlaw sıyaqlı jumıslar islendi. Adamlardıń turaq-jayları kórkeyip, ózgeshe túske endi. 
Abat máhálle adamlarınıń kewlide abat, mádeniyatı joqarı boladı. Mámleketimiz boylap alıp barılıp atırǵan bunday iygilikli ámeller Ellikqala rayonındaǵı Qabatqala máhállesinde de óz tastıyıǵın taptı. Aymaqta alıp barılıp atırǵan jumıslardıń Ózbekstan Respublikası Konstituciyası qabıl etilgenliginiń 31 jıllıǵı qarsańında juwmaqlanǵanı turǵınlar ushın shın mánisinde bayram boldı. Qaraqalpaqstan Respublikası Joqarǵı Keńesiniń Baslıǵı Amanbay Orınbaev hám Ózbekstan Respublikası Kámbaǵallıqtı qısqartıw hám bántlik ministri B.Musaev Qabatqala máhállesinde bolıp, aymaq turǵınları menen ushırastı. Ózbekstan Respublikası Konstituciyası qabıl etilgenliginiń 31 jıllıǵı menen qutlıqlap, sáne múnásibeti menen bir qatar máhálle belsendilerine Joqarǵı Keńestiń kókirek belgisi, húrmet jarlıqları, “Mahalla iftixori” kókirek belgisi hám bahalı sawǵalar tapsırıldı. Sonıń menen birge Joqarǵı Keńes Baslıǵı, Ózbekstan Respublikası Kámbaǵallıqtı qısqartıw hám bántlik ministri “Qabatqala” mákan puqaralar jıyını aymaǵındaǵı “Qabatqala” tariyxıy esteligine bardı. Aytıp ótiw orınlı, eramızdan aldıńǵı IV-III, eramızdıń XI-XIII ásirlerine tiyisli bolǵan bul tariyxıy estelik Ózbekstan Respublikası Ministrler Kabinetiniń qararına tiykar mádeniy miyras obektleriniń milliy dizimine kirgizilgen bolıp, turizm marshrutları qatarınan orın alǵan. 
Óz náwbetinde Joqarǵı Keńes Baslıǵı tariyxıy estelik penen jaqınnan tanısıp, bunday biybaha miyraslarımızdı qásterlep-saqlawımız, dúnya jámiyetshiligine keń túrde tanıstırıwımız kerek ekenligin atap ótti. Ótmishimizden sóz etiwshi bul estelik sayaxatshılarda úlken qızıǵıwshılıq oyatpaqta. Búginniń ózinde de bir qatar turistler qalanı kóriw ushın keldi hám bul estelik miymanlarda úlken tásir qaldıra aldı. Bunnan soń Joqarǵı Keńes Baslıǵı “Qabatqala” mákan puqaralar jıyını aymaǵındaǵı máhálle gúzarında boldı. Bul jerde dáslep Ózbekstan Respublikası Konstituciyası qabıl etilgen kún múnásibeti menen shólkemlestirilgen kórgizbe menen jaqınnan tanıstı. Kórgizbede búgingi kúnde Ózbekstan, Aziya hám jáhán arenalarında elimiz dańqın kóterip atırǵan jas sportshılar hám olardıń erisip atırǵan tabıslarına ayrıqsha dıqqat qaratılıp, elimizdiń bayraǵın dúnyaǵa ele de tanıtıw, jaslar arasında sporttı ǵalabalastırıw oǵada áhmiyetli wazıypalardıń biri ekenligi atap ótildi. Bunnan soń, máhálle gúzarında jaylasqan xızmet kórsetiw, islep shıǵarıw subektleri kózden ótkerildi. Ulıwmalastırıp aytqanda, búgin “Qabatqala” máhállesi turǵınları aymaqta orınlanǵan keń kólemli qurılıs-ońlaw hám abadanlastırıw jumısları, sonday-aq, joqarıda atap ótilgen qatar ilajlardıń ámelge asırılıwı menen Jańa Ózbekstanda “Insan qádiri ushın” degen iygilikli ideyanı turmısta hár biri óz shańaraǵında sezinbekte.
Abat máhálle adamlarınıń kewlide abat, mádeniyatı joqarı boladı. Mámleketimiz boylap alıp barılıp atırǵan bunday iygilikli ámeller Ellikqala rayonındaǵı Qabatqala máhállesinde de óz tastıyıǵın taptı. Aymaqta alıp barılıp atırǵan jumıslardıń Ózbekstan Respublikası Konstituciyası qabıl etilgenliginiń 31 jıllıǵı qarsańında juwmaqlanǵanı turǵınlar ushın shın mánisinde bayram boldı. Qaraqalpaqstan Respublikası Joqarǵı Keńesiniń Baslıǵı Amanbay Orınbaev hám Ózbekstan Respublikası Kámbaǵallıqtı qısqartıw hám bántlik ministri B.Musaev Qabatqala máhállesinde bolıp, aymaq turǵınları menen ushırastı. Ózbekstan Respublikası Konstituciyası qabıl etilgenliginiń 31 jıllıǵı menen qutlıqlap, sáne múnásibeti menen bir qatar máhálle belsendilerine Joqarǵı Keńestiń kókirek belgisi, húrmet jarlıqları, “Mahalla iftixori” kókirek belgisi hám bahalı sawǵalar tapsırıldı. Sonıń menen birge Joqarǵı Keńes Baslıǵı, Ózbekstan Respublikası Kámbaǵallıqtı qısqartıw hám bántlik ministri “Qabatqala” mákan puqaralar jıyını aymaǵındaǵı “Qabatqala” tariyxıy esteligine bardı. Aytıp ótiw orınlı, eramızdan aldıńǵı IV-III, eramızdıń XI-XIII ásirlerine tiyisli bolǵan bul tariyxıy estelik Ózbekstan Respublikası Ministrler Kabinetiniń qararına tiykar mádeniy miyras obektleriniń milliy dizimine kirgizilgen bolıp, turizm marshrutları qatarınan orın alǵan. Óz náwbetinde Joqarǵı Keńes Baslıǵı tariyxıy estelik penen jaqınnan tanısıp, bunday biybaha miyraslarımızdı qásterlep-saqlawımız, dúnya jámiyetshiligine keń túrde tanıstırıwımız kerek ekenligin atap ótti. Ótmishimizden sóz etiwshi bul estelik sayaxatshılarda úlken qızıǵıwshılıq oyatpaqta. Búginniń ózinde de bir qatar turistler qalanı kóriw ushın keldi hám bul estelik miymanlarda úlken tásir qaldıra aldı. Bunnan soń Joqarǵı Keńes Baslıǵı “Qabatqala” mákan puqaralar jıyını aymaǵındaǵı máhálle gúzarında boldı. Bul jerde dáslep Ózbekstan Respublikası Konstituciyası qabıl etilgen kún múnásibeti menen shólkemlestirilgen kórgizbe menen jaqınnan tanıstı. Kórgizbede búgingi kúnde Ózbekstan, Aziya hám jáhán arenalarında elimiz dańqın kóterip atırǵan jas sportshılar hám olardıń erisip atırǵan tabıslarına ayrıqsha dıqqat qaratılıp, elimizdiń bayraǵın dúnyaǵa ele de tanıtıw, jaslar arasında sporttı ǵalabalastırıw oǵada áhmiyetli wazıypalardıń biri ekenligi atap ótildi. Bunnan soń, máhálle gúzarında jaylasqan xızmet kórsetiw, islep shıǵarıw subektleri kózden ótkerildi. Ulıwmalastırıp aytqanda, búgin “Qabatqala” máhállesi turǵınları aymaqta orınlanǵan keń kólemli qurılıs-ońlaw hám abadanlastırıw jumısları, sonday-aq, joqarıda atap ótilgen qatar ilajlardıń ámelge asırılıwı menen Jańa Ózbekstanda “Insan qádiri ushın” degen iygilikli ideyanı turmısta hár biri óz shańaraǵında sezinbekte.
Qaraqalpaqstan Respublikası Joqarǵı Keńesiniń Málimleme xızmeti