Qaraqalpaqstan Respublikası Joqarǵı Keńesiniń Baslıǵı M.Erniyazov miymanlardı respublikamızǵa saparı menen qutlıqlap, Ózbekstan hám Qazaqstan Prezidentleriniń ózara ushırasıwlarında erisken kelisimleri nátiyjesinde ázelden tariyxı, tili, dini bir xalıqlarımız arasındaǵı doslıq, tuwısqanlıq hám jaqsı qońsıshılıq qatnasıqları sońǵı jıllarda jáne de bekkemlenip, rawajlanıp atırǵanın ayrıqsha atap ótti.
Bul óz náwbetinde eki mámleket arasında sawda-ekonomikalıq, sociallıq-mádeniy tarawlardı rawajlandırıw boyınsha birge islesiwdi joqarı dárejede ámelge asırıwda úlken áhmiyetke iye bolmaqta.
Úrgenish qalasında bolıp ótetuǵın Ózbekstan hám Qazaqstan Respublikalarınıń II regionlararalıq birge islesiw forumı eki mámleket arasındaǵı bul baylanıslardı bunnan bılay da bekkemlewge xızmet etedi.
Óz gezeginde miyman jıllı júzlilik penen qabıl etkeni ushın respublikamız basshısına óz minnetdarshılıǵın bildirip, bul ushırasıw da mámleketlerimiz arasındaǵı qarım-qatnastı jańa basqıshqa kóterip, ellerimiz arasında doslıq kópiriniń jáne de bekkemleniwine úles qosatuǵınlıǵın aytıp ótti.
Qabıllawda keleshekte birge islesiwdi bunnan bılay rawajlandırıw boyınsha óz-ara pikir almasıwlar boldı.
Qabıllaw máresiminen soń, Qaraqalpaqstan Respublikası Joqarǵı Keńesiniń kishi májilisler zalında Qaraqalpaqstan Respublikası Ministrler Keńesi hám Aqtóbe wálayatı hákimligi arasında ózara birge islesiw memorandumına qol qoyıldı.
Qaraqalpaqstan Respublikası Joqarǵı Keńesiniń Baspasóz xızmeti