Qaraqalpaqstan Respublikası Joqarǵı Keńesiniń Baslıǵı Amanbay Orınbaev Beruniy rayonındaǵı “Nayman” awıl puqaralar jıyınında boldı
1454
Dáslep Joqarǵı Keńes Baslıǵı Ózbekstan Respublikası Kámbaǵallıqtı qısqartıw hám bántlik ministri B.Musaev penen birge aymaqtaǵı “Máhálle gúzarı” imaratına bardı. Bul jerde aymaq belsendileri, nuranıy-aqsaqallar menen ushırasıp, imaratta jaratılǵan imkaniyatlar menen jaqınnan tanıstı.
Aytıp ótiw kerek, “Máhálle gúzarı”nda bir qatar isbilermenlik subektleri iske túsirilgen bolıp, xalıqqa tiykarınan turmıslıq xızmet kórsetiw boyınsha jumıslar jolǵa qoyılǵan. Jańadan ashılǵan tigiwshilik cexında bolsa, kiyim-kenshek hám basqa da tovarlardı tigiw jumısları ámelge asırılmaqta.
Máhállede jumıssız puqaralardıń bántligin támiyinlew boyınsha da bir qatar jumıslar dawam ettirilip atır. Atap aytqanda, 23 puqaranıń bántligin támiyinlew maqsetinde subsidiya tiykarında ásbap-úskeneler berildi. 10 puqaranıń ózin-ózi bánt etiwine kómeklesildi. Bir qatar puqaralar máwsimlik jumıslarǵa tartılıp, dáramatlı jumıs penen támiyinlendi.
Bunnan tısqarı, máhállede xalıqtıń abadan turmısın támiyinlew boyınsha da bir qatar jumıslar ámelde óz nátiyjesin berip atır. Yaǵnıy, «Abat úy, abat kóshe, abat máhálle» baǵdarlaması tiykarında qurılıs-ońlaw hám abadanlastırıw jumısları dawam ettirilmekte.
Atap aytqanda Prezidentimiz tapsırması menen qabıl etilgen Ministrler Kabinetiniń 52-sanlı qararı tiykarında “Nayman” MPJda 26 úydiń tóbesi shiferlandı.
Bunnan tısqarı, abadanlastırıw jumısları sheńberinde 65 eskirgen elektr baǵanaları jańasına almastırıldı, 3,3 km elektr sımları tartıldı. 11 km ishki xojalıq jollarına ЩPS tóselip, jolları jaqsılandı. Bul ámelge asırılıp atırǵan jumıslarǵa máhálleniń hár bir shańaraǵı óz úlesin qosıp, abadanlastırıw jumıslarında belsendilik kórsetpekte.
Bunnan soń “Nayman” awıl puqaralar jıyını aymaǵındaǵı záwlim imaratta Ózbekstan Respublikası Konstituciyası qabıl etilgenliginiń 31 jıllıǵına arnalǵan “Konstituciya – xalıqshıl mámleket, turaqlı rawajlanıw hám abadanlıq tiykarı” atamasında bayram ilajı ótkerildi.
Ótkerilgen bayram ilajında máhálle belsendileri, nuranıy-aqsaqallar, keywanı hayallarǵa bayram dasturxanı jayıldı.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı bayram menen qutlıqladı hám búgingi kúnde húrmetli Prezidentimizdiń basshılıǵında xalqımızdıń abadan turmısın támiyinlew baǵdarında ámelge asırılıp atırǵan jumıslar, xalıq iygiligi jolında tek ǵana Qaraqalpaqstan ushın qabıl etilgen qarar hám pármanlar, ámelge asırılıp atırǵan turmıslıq reformalar haqqında keń túrde atap ótti.
Bunnan soń, bayram múnásibeti menen bir qatar máhálle belsendilerine Joqarǵı Keńestiń kókirek belgisi, húrmet jarlıqları, “Mahalla iftixori” kókirek belgisi hám bahalı sawǵalar tapsırıldı.
Xalıq seyili kórinisinde ótkerilgen bayram ilajları máhálle maydanında dawam etti. Xalıq milliy oyınları, saz-sáwbet, bayram seyili, awıl xojalıǵı kórgizbeleri bayramǵa ózgeshe kóterińki keypiyat baǵıshladı.
Búgin naymanlılardıń kózlerinde quwanısh, turmısınan qanaatlanıwshılıq sezimleri kórinedi. Sebebi, abatlıq, “Insan qádiri ushın” degen iygilikli ideyanı ózinde qamtıǵan reformalar, Prezidentimiz tárepinen alıp barılıp atırǵan ádil siyasat hár bir shańaraqqa kirip barmaqta.
Bunnan soń “Nayman” awıl puqaralar jıyını aymaǵındaǵı záwlim imaratta Ózbekstan Respublikası Konstituciyası qabıl etilgenliginiń 31 jıllıǵına arnalǵan “Konstituciya – xalıqshıl mámleket, turaqlı rawajlanıw hám abadanlıq tiykarı” atamasında bayram ilajı ótkerildi.
Ótkerilgen bayram ilajında máhálle belsendileri, nuranıy-aqsaqallar, keywanı hayallarǵa bayram dasturxanı jayıldı.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı bayram menen qutlıqladı hám búgingi kúnde húrmetli Prezidentimizdiń basshılıǵında xalqımızdıń abadan turmısın támiyinlew baǵdarında ámelge asırılıp atırǵan jumıslar, xalıq iygiligi jolında tek ǵana Qaraqalpaqstan ushın qabıl etilgen qarar hám pármanlar, ámelge asırılıp atırǵan turmıslıq reformalar haqqında keń túrde atap ótti.
Bunnan soń, bayram múnásibeti menen bir qatar máhálle belsendilerine Joqarǵı Keńestiń kókirek belgisi, húrmet jarlıqları, “Mahalla iftixori” kókirek belgisi hám bahalı sawǵalar tapsırıldı.
Xalıq seyili kórinisinde ótkerilgen bayram ilajları máhálle maydanında dawam etti. Xalıq milliy oyınları, saz-sáwbet, bayram seyili, awıl xojalıǵı kórgizbeleri bayramǵa ózgeshe kóterińki keypiyat baǵıshladı.
Búgin naymanlılardıń kózlerinde quwanısh, turmısınan qanaatlanıwshılıq sezimleri kórinedi. Sebebi, abatlıq, “Insan qádiri ushın” degen iygilikli ideyanı ózinde qamtıǵan reformalar, Prezidentimiz tárepinen alıp barılıp atırǵan ádil siyasat hár bir shańaraqqa kirip barmaqta.
Qaraqalpaqstan Respublikası Joqarǵı Keńesiniń Málimleme xızmeti