Nókis qalası aymaǵında jańadan kóp qabatlı 10 turaq jay paydalanıwǵa tapsırıldı
1237
Búgin Nókis qalasındaǵı “Góne qala” mákan puqaralar jıyını aymaǵında 10 dana 7 qabatlı turaq jay imaratlarınıń ashılıw máresimi bolıp ótti.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, búgingi qutlı bayram sánesinde jańa imaratlar paydalanıwǵa tapsırılıp atırǵanlıǵı múnásibeti menen jıynalǵanlardı qutlıqladı.
Joqarǵı Keńes Baslıǵı óz sózinde sońǵı jılları húrmetli Prezidentimiz basshılıǵında elimizde «Insan qádiri ushın» principi tiykarında oǵada keń kólemli dóretiwshilik jumısları alıp barılıp atırǵanlıǵı, xalqımızdıń abadan turmısın támiyinlew baǵdarında tek ǵana Qaraqalpaqstan ushın qabıl etilgen Párman hám qararlar tiykarında sociallıq, ekonomikalıq turmısımızda, awıl hám máhállelerimizdi abat etiwde, hayal-qızlardı hám jaslardı qollap-quwatlawda, jaslarımızǵa joqarı oqıw orınlarına qosımsha kvota hám oqıwın kóshiriwi ushın imkaniyat beriliwinde hám basqa da bir qatar baǵdarlarda kóplegen ámeliy jumıslar dawam ettirilip atırǵanlıǵın atap ótti.
Aytıp ótiw orınlı, hár biri 42 kvartiraǵa iye jámi 420 kvartiradan ibarat jańa turaq jaylardı qurıw ushın kommerciyalıq bankler tárepinen 96,2 mlrd. sumlıq kredit qarjıları ajıratılıp, usı turaq jaylardan 20 kvartira Prezidentimizdiń tapsırması menen kózi ázzi hám imkaniyatı sheklengen puqaralarǵa qayırqomlıq esabında berildi.
Jańadan qurılǵan massiv barlıq kommunikaciya tarmaqları menen támiyinlendi. Qaraqalpaqstan Respublikası Joqarǵı Keńesiniń arnawlı Prezidium qararına tiykar ishki jollardı qurıw ushın 1,3 mlrd. sum, kóp qabatlı turaq jaylardıń ishimlik hám aqaba suw tarmaqların qurıw hámde nasos stanciyasın rekonstrukciyalaw ushın 1,4 mlrd. sum, átirapın abadanlastırıw ushın 800 mln. sum qarjı ajıratıldı.
Búgingi kúnge kelip jańa turaq jaylardıń iyeleri óz úylerine kóship kele baslaǵan.
Joqarǵı Keńes Baslıǵı óz sózinde sońǵı jılları húrmetli Prezidentimiz basshılıǵında elimizde «Insan qádiri ushın» principi tiykarında oǵada keń kólemli dóretiwshilik jumısları alıp barılıp atırǵanlıǵı, xalqımızdıń abadan turmısın támiyinlew baǵdarında tek ǵana Qaraqalpaqstan ushın qabıl etilgen Párman hám qararlar tiykarında sociallıq, ekonomikalıq turmısımızda, awıl hám máhállelerimizdi abat etiwde, hayal-qızlardı hám jaslardı qollap-quwatlawda, jaslarımızǵa joqarı oqıw orınlarına qosımsha kvota hám oqıwın kóshiriwi ushın imkaniyat beriliwinde hám basqa da bir qatar baǵdarlarda kóplegen ámeliy jumıslar dawam ettirilip atırǵanlıǵın atap ótti.
Aytıp ótiw orınlı, hár biri 42 kvartiraǵa iye jámi 420 kvartiradan ibarat jańa turaq jaylardı qurıw ushın kommerciyalıq bankler tárepinen 96,2 mlrd. sumlıq kredit qarjıları ajıratılıp, usı turaq jaylardan 20 kvartira Prezidentimizdiń tapsırması menen kózi ázzi hám imkaniyatı sheklengen puqaralarǵa qayırqomlıq esabında berildi.
Jańadan qurılǵan massiv barlıq kommunikaciya tarmaqları menen támiyinlendi. Qaraqalpaqstan Respublikası Joqarǵı Keńesiniń arnawlı Prezidium qararına tiykar ishki jollardı qurıw ushın 1,3 mlrd. sum, kóp qabatlı turaq jaylardıń ishimlik hám aqaba suw tarmaqların qurıw hámde nasos stanciyasın rekonstrukciyalaw ushın 1,4 mlrd. sum, átirapın abadanlastırıw ushın 800 mln. sum qarjı ajıratıldı.
Búgingi kúnge kelip jańa turaq jaylardıń iyeleri óz úylerine kóship kele baslaǵan.
Qaraqalpaqstan Respublikası Joqarǵı Keńesiniń Málimleme xızmeti