«Awıl xojalıǵı xızmetkerleri kúni» bayramı múnásibeti menen bayram tamashaları bolıp ótti
1928
Prezidentimizdiń baslaması menen hár jılı dekabr ayınıń ekinshi ekshembisi elimizde Awıl xojalıǵı xızmetkerleri kúni sıpatında keń túrde belgilenip atır. Usı jıldıń 10-dekabr kúni Nókis qalasınıń arqa tárepindegi Atshabar maydanında Awıl xojalıǵı xızmetkerleri kúnine baǵıshlanıp saltanatlı bayram tamashaları bolıp ótti. Ilajdıń ashılıw saltanatında Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı Awıl xojalıǵı xızmetkerleri kúni bayramı menen qutlıqladı. Joqarǵı Keńes Baslıǵı óz sózinde búgingi kúnde elimizde awıl xojalıǵın modernizaciyalaw, tarawda jańa texnika hám innovaciyalıq texnologiyalardı engiziw, jer-suw resurslarınan nátiyjeli paydalanıwdı en jaydırıw, xalıqtı sapalı azıq-awqat ónimleri menen támiyinlew, fermer hám klasterlerdi qollap-quwatlaw boyınsha alıp barılıp atırǵan keń kólemli jumıslarǵa toqtap ótti. Sonday-aq, húrmetli Prezidentimiz tárepinen tek ǵana Qaraqalpaqstan ushın qabıl etilgen qarar hám pármanlar tiykarında xalqımızdıń abadan turmısın támiyinlew boyınsha oǵada kólemli jumıslar ámelge asırılıp atırǵanlıǵına ayrıqsha toqtaldı. 
Bayram ilajına Qaraqalpaqstan Respublikası Ministrler Keńesiniń Baslıǵı F.Ermanov qatnastı. Aytıp ótiw orınlı, tarawǵa qaratılıp atırǵan ayrıqsha itibar diyqanlarımız benen fermerlerimizge, awıl xalqına ayrıqsha kúsh-jiger baǵıshlap, olar jıldıń mashaqatlı keliwine qaramastan paxta, biyday hám basqa da awıl xojalıǵı eginlerinen mol zúráát jetistirip kelmekte. 
Sonıń menen birge, bıyılǵı jılda hár jılǵıdan ózgeshe túrde bas sıylıqlar awıl xojalıǵı tarawında jemisli jumıs alıp barǵan miynet aldıńǵılarına berildi. Sonday-aq, hár bir rayon tárepinen 100 kg.nan palaw pisirilip, jıynalǵan xalıqqa 1700 kg.nan artıq palaw biypul tarqatıldı. 
Bunnan soń, bayram tamashaları arqan tartısıw jarısı menen baslandı. Onda Taxtakópir rayonı birinshi, Bozataw rayonı ekinshi, Kegeyli rayonınıń komandası úshinshi orınlardı iyelep, shólkemlestiriwshiler tárepinen bahalı sawǵalar menen sıylıqlandı. 1-orın iyelerine komanda quramındaǵı 7 adamnıń hár birine televizor ekinshi orın iyelerine pılesos 3-orın iyelerine mikro tolqınlı pech tapsırıldı. 
Bayram qatnasıwshılarınıń itibarı qurǵa qaratıldı. Bas bayraq ushın ortaǵa Xojeli rayonınan Zarapatdin Turdımuratov hám Ishki isler uyımları xızmetkeri Saytov Baxram bellesti. Bir-birine múnásip palwanlar bellesiwinde Zarapatdin Turdımuratov jeńiske eristi. Qaraqalpaqstan Respublikası Joqarǵı Keńesiniń Baslıǵı Amanbay Orınbaev palwanǵa bas bayraq - Prezidentimizdiń sawǵası 50 mln. sum sıylıqtı tapsırdı. 
2-orın iyesi B.Saytov – 40 mln. sum, Keyingi salmaq kategoriyaları boyınsha: Begaliev Atabek 30 mln. sum, Orazaliev Ótkirbek 20 mln. sum, Aytbaev Asadbek 10 mln. sum aqshalay sıylıq penen sıylıqlandı. 
Qoshqarlar urısı da tamashagóylerde ayrıqsha qızıǵıwshılıq oyattı. Usı kúni Nókis qalası, Beruniy, Qanlıkól, Qońırat, Ámiwdárya, Shımbay, Nókis rayonlarınan kelgen qoshqarpazlardıń qoshqarları jeńiske eristi. Hár bir jeńip shıqqan qoshqarlardıń iyelerine bahalı sawǵalar tapsırıldı. Yaǵnıy: bas qoshqarǵa gibrit motoroller, keyingi orınǵa, motoroller, bunnan basqa qoshqar iyelerine 3 dana skuter tapsırıldı. 
Bunnan soń bir, eki (jorǵa), bes, jeti, on úsh aylawǵa atlar jiberildi. Onda respublikamızdıń barlıq rayonlarınan kelgen sheber shabandozlar shólkemlestiriwshiler tárepinen qoyılǵan bahalı sawǵalar ushın báygige tústi. On úsh aylawǵa at shabısı bársheniń dıqqat itibarında bolıp, báygige birinshi bolıp kelgen Baxıt Ibraimovtıń atı bas bayraqtı qolǵa kirgizdi. Oǵan Prezidentimizdiń sawǵası 40 mln. sum pullay sıylıq tapsırıldı. Keyingi orınlardı iyelegenler: 2-orınǵa 30 mln. sum, 3-orınǵa 20 mln. sum pullay sıylıq hám qımbat bahalı sawǵalar berildi. 
7 aylaw boyınsha: 1-orınǵa 20 mln. sum, 2-orınǵa 15 mln. sum, 3-orınǵa 10 mln. sum, 5 aylaw boyınsha: 1-orınǵa 15 mln. sum, 2-orınǵa 10 mln. sum, 3-orınǵa 5 mln. sum, 
2 aylaw jorǵa jónelisi boyınsha: 1-orınǵa gibrid motoroller, 2-orınǵa elektro motoroller, 3-orınǵa skuter, 
1 aylaw sprinter jónelisi boyınsha: 1-orınǵa elektro motoroller, 2-orınǵa skuter, 3-orınǵa televizor tapsırıldı. 
Sonday-aq, «Qız quwıw» juplıqları televizor hám elektro pechkalar, «Teńge alıw» boyınsha hár bir jeńimpazǵa televizor, «Kókpar» jarıslarınıń jeńimpazlarınıń hár birine skuter, ekinshi hám úshinshi orın iyeleri televizorlar hám bahalı sawǵalar menen xoshametlendi. 
Eń aldıńǵı fermer xojalıǵı nominaciyasına «Qońırat mexri» f/x baslıǵı Aytmuratov Esenbay ılayıq dep tabıldı hám Prezidentimiz sawǵası Traktor tapsırıldı. 
Sonday-aq, Eń jaqsı sharwa fermer nominaciyası boyınsha: «Shukurulla Babadjanov» f/x baslıǵı Babadjanov Shuxrat Kishi traktor. Eń jaqsı baǵman nominaciyası boyınsha «Javoxir asl meva boǵi» f/x baslıǵı Atabaev Anvar Kishi traktor menen sıylıqlandı. 
Bunnan tısqarı, Eń jaqsı tawıq baǵıwshı, Eń jaqsı balıqshı, Eń jaqsı pal hárre baǵıwshı, Eń jaqsı qarakólshilik xojalıǵı, Eń jaqsı ilim ǵayratkeri, Eń jaqsı jer dúziwshi, Eń jaqsı veterinar, Eń jaqsı ósimliklerdi qorǵawshı laborant, Eń jaqsı sharwa tarawı xızmetkeri (Zootexnik), Eń jaqsı irrigator, Eń jaqsı meliorator, Eń jaqsı ekskovatorshı, Eń jaqsı mexanizator, Eń jaqsı kombayınshı nominaciyaları boyınsha jeńimpazlarlarınıń hár birine skuter berildi. Sonıń menen bir qatarda, Eń jaqsı pillekeshke Gibrid Motoroller, Eń jaqsı qıytaq jer iyesine Moto kultivator, Eń jaqsı awıl xojalıǵı xızmetkerine 10 mln. sum sıylıq tapsırıldı. 
Bayram qatnasıwshılarına diyqanlarımız tárepinen jetistirilgen awıl xojalıǵı ónimleriniń yarmarkası, sheber aspazlarımız tayarlaǵan túrli taǵamlar usınıldı. Kórkem óner sheberleri atqarıwındaǵı koncert baǵdarlaması bayram qatnasıwshılarına ayrıqsha zawıq baǵıshladı. Awıl xojalıǵı xızmetkerleri kúnine baǵıshlanıp ótkerilgen bayram tamashaları xalıq seyili menen dawam etti. 
Bayram ilajına Qaraqalpaqstan Respublikası Ministrler Keńesiniń Baslıǵı F.Ermanov qatnastı. Aytıp ótiw orınlı, tarawǵa qaratılıp atırǵan ayrıqsha itibar diyqanlarımız benen fermerlerimizge, awıl xalqına ayrıqsha kúsh-jiger baǵıshlap, olar jıldıń mashaqatlı keliwine qaramastan paxta, biyday hám basqa da awıl xojalıǵı eginlerinen mol zúráát jetistirip kelmekte. Sonıń menen birge, bıyılǵı jılda hár jılǵıdan ózgeshe túrde bas sıylıqlar awıl xojalıǵı tarawında jemisli jumıs alıp barǵan miynet aldıńǵılarına berildi. Sonday-aq, hár bir rayon tárepinen 100 kg.nan palaw pisirilip, jıynalǵan xalıqqa 1700 kg.nan artıq palaw biypul tarqatıldı. Bunnan soń, bayram tamashaları arqan tartısıw jarısı menen baslandı. Onda Taxtakópir rayonı birinshi, Bozataw rayonı ekinshi, Kegeyli rayonınıń komandası úshinshi orınlardı iyelep, shólkemlestiriwshiler tárepinen bahalı sawǵalar menen sıylıqlandı. 1-orın iyelerine komanda quramındaǵı 7 adamnıń hár birine televizor ekinshi orın iyelerine pılesos 3-orın iyelerine mikro tolqınlı pech tapsırıldı. Bayram qatnasıwshılarınıń itibarı qurǵa qaratıldı. Bas bayraq ushın ortaǵa Xojeli rayonınan Zarapatdin Turdımuratov hám Ishki isler uyımları xızmetkeri Saytov Baxram bellesti. Bir-birine múnásip palwanlar bellesiwinde Zarapatdin Turdımuratov jeńiske eristi. Qaraqalpaqstan Respublikası Joqarǵı Keńesiniń Baslıǵı Amanbay Orınbaev palwanǵa bas bayraq - Prezidentimizdiń sawǵası 50 mln. sum sıylıqtı tapsırdı. 2-orın iyesi B.Saytov – 40 mln. sum, Keyingi salmaq kategoriyaları boyınsha: Begaliev Atabek 30 mln. sum, Orazaliev Ótkirbek 20 mln. sum, Aytbaev Asadbek 10 mln. sum aqshalay sıylıq penen sıylıqlandı. Qoshqarlar urısı da tamashagóylerde ayrıqsha qızıǵıwshılıq oyattı. Usı kúni Nókis qalası, Beruniy, Qanlıkól, Qońırat, Ámiwdárya, Shımbay, Nókis rayonlarınan kelgen qoshqarpazlardıń qoshqarları jeńiske eristi. Hár bir jeńip shıqqan qoshqarlardıń iyelerine bahalı sawǵalar tapsırıldı. Yaǵnıy: bas qoshqarǵa gibrit motoroller, keyingi orınǵa, motoroller, bunnan basqa qoshqar iyelerine 3 dana skuter tapsırıldı. Bunnan soń bir, eki (jorǵa), bes, jeti, on úsh aylawǵa atlar jiberildi. Onda respublikamızdıń barlıq rayonlarınan kelgen sheber shabandozlar shólkemlestiriwshiler tárepinen qoyılǵan bahalı sawǵalar ushın báygige tústi. On úsh aylawǵa at shabısı bársheniń dıqqat itibarında bolıp, báygige birinshi bolıp kelgen Baxıt Ibraimovtıń atı bas bayraqtı qolǵa kirgizdi. Oǵan Prezidentimizdiń sawǵası 40 mln. sum pullay sıylıq tapsırıldı. Keyingi orınlardı iyelegenler: 2-orınǵa 30 mln. sum, 3-orınǵa 20 mln. sum pullay sıylıq hám qımbat bahalı sawǵalar berildi. 7 aylaw boyınsha: 1-orınǵa 20 mln. sum, 2-orınǵa 15 mln. sum, 3-orınǵa 10 mln. sum, 5 aylaw boyınsha: 1-orınǵa 15 mln. sum, 2-orınǵa 10 mln. sum, 3-orınǵa 5 mln. sum, 2 aylaw jorǵa jónelisi boyınsha: 1-orınǵa gibrid motoroller, 2-orınǵa elektro motoroller, 3-orınǵa skuter, 1 aylaw sprinter jónelisi boyınsha: 1-orınǵa elektro motoroller, 2-orınǵa skuter, 3-orınǵa televizor tapsırıldı. Sonday-aq, «Qız quwıw» juplıqları televizor hám elektro pechkalar, «Teńge alıw» boyınsha hár bir jeńimpazǵa televizor, «Kókpar» jarıslarınıń jeńimpazlarınıń hár birine skuter, ekinshi hám úshinshi orın iyeleri televizorlar hám bahalı sawǵalar menen xoshametlendi. Eń aldıńǵı fermer xojalıǵı nominaciyasına «Qońırat mexri» f/x baslıǵı Aytmuratov Esenbay ılayıq dep tabıldı hám Prezidentimiz sawǵası Traktor tapsırıldı. Sonday-aq, Eń jaqsı sharwa fermer nominaciyası boyınsha: «Shukurulla Babadjanov» f/x baslıǵı Babadjanov Shuxrat Kishi traktor. Eń jaqsı baǵman nominaciyası boyınsha «Javoxir asl meva boǵi» f/x baslıǵı Atabaev Anvar Kishi traktor menen sıylıqlandı. Bunnan tısqarı, Eń jaqsı tawıq baǵıwshı, Eń jaqsı balıqshı, Eń jaqsı pal hárre baǵıwshı, Eń jaqsı qarakólshilik xojalıǵı, Eń jaqsı ilim ǵayratkeri, Eń jaqsı jer dúziwshi, Eń jaqsı veterinar, Eń jaqsı ósimliklerdi qorǵawshı laborant, Eń jaqsı sharwa tarawı xızmetkeri (Zootexnik), Eń jaqsı irrigator, Eń jaqsı meliorator, Eń jaqsı ekskovatorshı, Eń jaqsı mexanizator, Eń jaqsı kombayınshı nominaciyaları boyınsha jeńimpazlarlarınıń hár birine skuter berildi. Sonıń menen bir qatarda, Eń jaqsı pillekeshke Gibrid Motoroller, Eń jaqsı qıytaq jer iyesine Moto kultivator, Eń jaqsı awıl xojalıǵı xızmetkerine 10 mln. sum sıylıq tapsırıldı. Bayram qatnasıwshılarına diyqanlarımız tárepinen jetistirilgen awıl xojalıǵı ónimleriniń yarmarkası, sheber aspazlarımız tayarlaǵan túrli taǵamlar usınıldı. Kórkem óner sheberleri atqarıwındaǵı koncert baǵdarlaması bayram qatnasıwshılarına ayrıqsha zawıq baǵıshladı. Awıl xojalıǵı xızmetkerleri kúnine baǵıshlanıp ótkerilgen bayram tamashaları xalıq seyili menen dawam etti.
Qaraqalpaqstan Respublikası Joqarǵı Keńesiniń Málimleme xızmeti