Joqarǵı Keńes Baslıǵınıń tapsırması menen Nókis rayonında úyreniw jumısları alıp barıldı
1137
Qaraqalpaqstan Respublikası Joqarǵı Keńesi Baslıǵınıń tapsırması menen xalıqtıń qıs-báhár aylarında tiykarǵı azıq-awqat ónimlerine bolǵan talabın qanaatlandırıw, bazar bahalarınıń tiykarsız asıp ketiwiniń aldın alıw hám tutınıw ushın zárúr bolǵan birinshi dárejeli azıq-awqat ónimleri rezervin jaratıw boyınsha anıq tapsırmalar berilgen edi.
Usı tapsırmalardıń orınlanıwın qadaǵalaw ushın Joqarǵı Keńestiń komitet baslıǵı Z.Reymova tárepinen Nókis rayonında úyreniw jumısları alıp barıldı.
Úyreniwler dawamında qıs hám báhár máwsiminde puqaralar hám sociallıq taraw mekemeleriniń tiykarǵı turdegi azıq-awqat hám awıl xojalıǵı ónimlerine bolǵan talabın qanaatlandırıw baǵdarında qoymaxanalardaǵı jıynalǵan rezerv ónimleriniń jeterli dárejede ekenligi, olardı saqlaw ushın jaratılǵan sharayatlar kórip shıǵıldı.
Bazar bahalarınıń tiykarsız asıp ketiwiniń aldın alıw hám óz waqtında azıq-awqatlıq zatlardı xalıqqa jetkerip beriwde jıynalǵan rezervtiń áhmiyeti ayrıqsha bolıp, Joqarǵı Keńes Baslıǵınıń tapsırmasına muwapıq ónimler rezervin ele de kóbeytiw zárúrligi bar ekenligi atap ótildi.
Úyreniwler dawamında qıs hám báhár máwsiminde puqaralar hám sociallıq taraw mekemeleriniń tiykarǵı turdegi azıq-awqat hám awıl xojalıǵı ónimlerine bolǵan talabın qanaatlandırıw baǵdarında qoymaxanalardaǵı jıynalǵan rezerv ónimleriniń jeterli dárejede ekenligi, olardı saqlaw ushın jaratılǵan sharayatlar kórip shıǵıldı.
Bazar bahalarınıń tiykarsız asıp ketiwiniń aldın alıw hám óz waqtında azıq-awqatlıq zatlardı xalıqqa jetkerip beriwde jıynalǵan rezervtiń áhmiyeti ayrıqsha bolıp, Joqarǵı Keńes Baslıǵınıń tapsırmasına muwapıq ónimler rezervin ele de kóbeytiw zárúrligi bar ekenligi atap ótildi.
Qaraqalpaqstan Respublikası Joqarǵı Keńesiniń Málimleme xızmeti