Joqarǵı Keńes Baslıǵı medicina tarawında alıp barılıp atırǵan jumıslarǵa arnalǵan videoselektor májilisin ótkerdi
3053
Onda dáslep, elimizde medicina tarawın rawajlandırıw baǵdarında ámelge asırılıp atırǵan jumıslar, bul baǵdarda qabıl etilip atırǵan qarar hám pármanlar, taraw mákemeleriniń materiallıq-texnikalıq bazasın bekkemlew ilajlarına ken túrde toqtalıp ótildi. 
Ayrıqsha aytıw orınlı, húrmetli Prezidentimiz tárepinen ilgeri súrilgen kóplegen ideyalar búgin turmıs haqıyqatlıǵına aylanıp barmaqta. Atap aytqanda, Tashkentte bar barlıq zamanagóy medicinalıq xızmetlerdi Nókiste jolǵa qoyıw, Qaraqalpaqstandaǵı Onkologiya hám radiologiya orayınıń filialı ushın jańa imarat qurıw hám eń zamanagóy úskeneler menen tolıq támiyinlew, onıń aymaǵında nawqaslardıń jaqınları ushın waqtınsha jasaw jataqxanasın qurıw, kelesi jıldan baslap Taxtakópir, Shımbay, Qaraózek, Bozataw, Shomanay, Qońırat rayonlarında 200 procent muǵdarında aylıq ústeme tólewdi jolǵa qoyıw, sonday-aq, Qaraqalpaqstandaǵı alıs hám shetki awıllarda jumıs islep atırǵan barlıq maman medicina xızmetkerlerine 5 million sumǵa shekem óz aldına ústeme beriw, sociallıq reestrge kirgen xalıqtıń order tiykarında Tashkent qalasında yamasa basqa da wálayatlarda emleniwi ushın olarǵa avia hám temir jol qárejetlerin tolıq qaplap beriw sıyaqlı kóplegen imkaniyatlar jaratılmaqta. Sonday-aq, ѳtken qısqa dáwir ishinde tarawǵa baylanıslı bir qatar nızam, párman hám qararlardıń qabıl etilgeni bul baǵdardaǵı ilajlar kólemin jańa basqıshlarǵa kótermekte. 
Joqarǵı Keńes Baslıǵı usınshama imkaniyatlar jaratılıwına qaramay, ayırım kemshilikler ushırasıp atırǵanlıǵına ayrıqsha toqtaldı. Ayırım shıpakerler tárepinen nawqaslarǵa dári-darmaqlardı tarqatıwshı kompaniyalar menen kelisilgen dárilerdi usınıw, ayırım dárilerdiń satılıwınan kelip túsetuǵın qarjılardan úles alıwı, usı sebepli shıpakerler ѳz mápi ushın nawqaslarǵa qımbat bahalı dárilerdi buyırıp atırǵanı, sırt el kompaniyalarınıń dárilerin reklama etiw jaǵdayları, bunıń esesine shipakerler farmacevtika kompaniyaları tárepinen qarjılay xoshametlenip atırǵanlıǵın qatań sınǵa aldı. «Sonı umıtpawımız kerek, bul bonuslar, sawǵalar ushın qarjılar nawqas puqaralarımızdıń haqısı esabınan alınbaqta hám xalqımızdıń orınlı narazılıǵına sebep bolmaqta.»-dedi Joqarǵı Keńes Baslıǵı. Sonday-aq, ayırım “Biznesmen” shıpakerler dárixanashılar menen kelisip, olardı turaqlı túrde qarıydarlar menen támiyinlep turǵanı, ayırım emlewxana baslıqları byudjetten ajıratılǵan qarjılardı kompaniyanıń dári-darmaqların satıp alıwǵa jumsap atırǵanlıǵı ashınarlı jaǵdaylardıń biri sıpatında tilge alındı. Ótkerilgen májilis dawamında xalıqtıń salamatlıǵı dárejesin arttırıw, analar hám balalar salamatlıǵın bekkemlew ilajların kúsheytiw, shıpakerler menen támiyinleniw dárejesin asırıw, jeke menshik medicina mákemeleri rawajlanıwın hám byudjet qarjılarınıń maqsetli jumsalıwın támiyinlew, densawlıqtı saqlaw tarawın sanlastırıw máseleleri de qarap shıǵıldı. 
Májilis dawamında óz wazıypasın orınlawda nemquraydılıq penen qaraǵan hám qáte-kemshiliklerge jol qoyǵan taraw basshılarına jaza sharaların qollaw boyınsha tapsırma berildi.
Ayrıqsha aytıw orınlı, húrmetli Prezidentimiz tárepinen ilgeri súrilgen kóplegen ideyalar búgin turmıs haqıyqatlıǵına aylanıp barmaqta. Atap aytqanda, Tashkentte bar barlıq zamanagóy medicinalıq xızmetlerdi Nókiste jolǵa qoyıw, Qaraqalpaqstandaǵı Onkologiya hám radiologiya orayınıń filialı ushın jańa imarat qurıw hám eń zamanagóy úskeneler menen tolıq támiyinlew, onıń aymaǵında nawqaslardıń jaqınları ushın waqtınsha jasaw jataqxanasın qurıw, kelesi jıldan baslap Taxtakópir, Shımbay, Qaraózek, Bozataw, Shomanay, Qońırat rayonlarında 200 procent muǵdarında aylıq ústeme tólewdi jolǵa qoyıw, sonday-aq, Qaraqalpaqstandaǵı alıs hám shetki awıllarda jumıs islep atırǵan barlıq maman medicina xızmetkerlerine 5 million sumǵa shekem óz aldına ústeme beriw, sociallıq reestrge kirgen xalıqtıń order tiykarında Tashkent qalasında yamasa basqa da wálayatlarda emleniwi ushın olarǵa avia hám temir jol qárejetlerin tolıq qaplap beriw sıyaqlı kóplegen imkaniyatlar jaratılmaqta. Sonday-aq, ѳtken qısqa dáwir ishinde tarawǵa baylanıslı bir qatar nızam, párman hám qararlardıń qabıl etilgeni bul baǵdardaǵı ilajlar kólemin jańa basqıshlarǵa kótermekte. Joqarǵı Keńes Baslıǵı usınshama imkaniyatlar jaratılıwına qaramay, ayırım kemshilikler ushırasıp atırǵanlıǵına ayrıqsha toqtaldı. Ayırım shıpakerler tárepinen nawqaslarǵa dári-darmaqlardı tarqatıwshı kompaniyalar menen kelisilgen dárilerdi usınıw, ayırım dárilerdiń satılıwınan kelip túsetuǵın qarjılardan úles alıwı, usı sebepli shıpakerler ѳz mápi ushın nawqaslarǵa qımbat bahalı dárilerdi buyırıp atırǵanı, sırt el kompaniyalarınıń dárilerin reklama etiw jaǵdayları, bunıń esesine shipakerler farmacevtika kompaniyaları tárepinen qarjılay xoshametlenip atırǵanlıǵın qatań sınǵa aldı. «Sonı umıtpawımız kerek, bul bonuslar, sawǵalar ushın qarjılar nawqas puqaralarımızdıń haqısı esabınan alınbaqta hám xalqımızdıń orınlı narazılıǵına sebep bolmaqta.»-dedi Joqarǵı Keńes Baslıǵı. Sonday-aq, ayırım “Biznesmen” shıpakerler dárixanashılar menen kelisip, olardı turaqlı túrde qarıydarlar menen támiyinlep turǵanı, ayırım emlewxana baslıqları byudjetten ajıratılǵan qarjılardı kompaniyanıń dári-darmaqların satıp alıwǵa jumsap atırǵanlıǵı ashınarlı jaǵdaylardıń biri sıpatında tilge alındı. Ótkerilgen májilis dawamında xalıqtıń salamatlıǵı dárejesin arttırıw, analar hám balalar salamatlıǵın bekkemlew ilajların kúsheytiw, shıpakerler menen támiyinleniw dárejesin asırıw, jeke menshik medicina mákemeleri rawajlanıwın hám byudjet qarjılarınıń maqsetli jumsalıwın támiyinlew, densawlıqtı saqlaw tarawın sanlastırıw máseleleri de qarap shıǵıldı. Májilis dawamında óz wazıypasın orınlawda nemquraydılıq penen qaraǵan hám qáte-kemshiliklerge jol qoyǵan taraw basshılarına jaza sharaların qollaw boyınsha tapsırma berildi.
Qaraqalpaqstan Respublikası Joqarǵı Keńesiniń Málimleme xızmeti