IT tarawın rawajlandırıw búgingi kúnniń baslı talaplarınıń biri
1705
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Tashkent informaciya texnologiyaları universiteti Nókis filialı jámááti hám jaslar menen ushırastı. 
Ushırasıw jaqınnan sáwbet hám ashıq-aydın pikirlesiw usılında ótkerildi. Onda dáslep, húrmetli Prezidentimiz basshılıǵında sońǵı jılları bilimlendiriw tarawın rawajlandırıw, tarawǵa innovaciyalıq texnologiyalardı keńnen tartıw, IT baǵdarında ámelge asırılıp atırǵan jumıslardı ele de keńnen en jaydırıw, usı tiykarda elimizdiń rawajlanıwı jolında barlıq tarawlarǵa zamanagóy informaciya texnologiyaların engiziw, sanlastırıwdı keńnen en jaydırıw baǵdarında keń múmkinshilikler jaratıp berilip atırǵanlıǵı atap ótildi. Ushırasıwda sonday-aq, húrmetli Prezidentimiz tárepinen usınshama imkaniyat berilip atırǵanlıǵına qaramay respublikamızda IT tarawın rawajlandırıw baǵdarındaǵı ámeliy jumıslar ele de talap dárejesinde emes ekenligi tilge alındı. «IT tarawı bul keleshek kásibi esaplanadı. Yaǵnıy, onda az pul tigiw arqalı joqarı dáramat alıw múmkin. Sonday-aq, mámleketlik basqarıw jumıslarınıń nátiyjeligin arttırıw baǵdarında sanlastırıwdı engiziw, artıqsha waqıt talap etetuǵın qaǵazbazlıqtı kemeytiw, byurokratiyalıq tosıqlar sıyaqlı qatar illetlerden qutılıwda bul tarawdı rawajlandırıwdıń áhmiyeti ayrıqsha. Eń baslısı, IT tarawı menen xalqımızdıń múshkilin jeńilletiw, turmısın abat etiwde keń múmkinshiliklerge iye bolamız» - dedi Joqarǵı Keńes Baslıǵı óz sózinde. – «Húrmetli Prezidentimizdiń IT tarawın rawajlandırıwǵa, ulıwma barlıq tarawlardıń alǵa ilgerilewi ushın, bul baǵdarda tek ǵana Qaraqalpaqstan ushın qaratıp atırǵan itibarı hám ǵamxorlıǵınıń shegi joq. Mashqala tek ayırım basshılardıń wazıypasın orınlawında». 
Joqarǵı Keńes Baslıǵı IT tarawı boyınsha xızmetler kólemin arttırıw, eksport kólemin asırıw, sanlastırıwdı jedellestiriw kerek ekenligin atap ótti. Sonday-aq, húrmetli Prezidentimiz tárepinen tarawdı rawajlandırıwǵa qosımsha sharayatlar jaratıw boyınsha jáne bir qatar imkaniyatlar berilgenligin ayrıqsha tilge aldı. Sonıń menen bir qatarda, belgilengen sheklerge erisiw hám tapsırılmalardı orınlawda sırt eldiń IT hám basqa da baǵdarlardaǵı abıroylı kompaniyalarında islep atırǵan qaraqalpaqstanlı jaslarımızdıń potencialınan keń túrde paydalanıw áhmiyetli wazıypalardıń biri sıpatında atap ótildi. Joqarǵı Keńes Baslıǵı oqıw ornı tárepinen ámelge asırılıp atırǵan joybarlar menende tanıstı hám jaratılǵan imkaniyatlardan aqılǵa uǵras paydalanıp, ele de jańa ideyalar hám xalqımız abadanlıǵı ushın xızmet etiwshi quramalı joybarlar ústinde kóbirek islew hám izleniw kerek ekenligin atap ótti. Óz náwbetinde, búgingi kúnde filialda jaratılǵan joybarlar boyınsha jumıslarda oqıw ornınıń potencialınan kelip shıǵıp, bar múmkinshiliklerden tolıq paydalanılmay atırǵanlıǵı, zamanagóy bilim beriwge itibardı kúsheytiw kerek ekenligi de ayrıqsha tilge alındı. Ushırasıw dawamında oqıw ornınıń professor-oqıtıwshıları hám student jasları tárepinen bir qatar usınıslar, jańa baslamalar bildirildi. Óz gezeginde, barlıq bildirilgen usınıslar jazıp alınıp, álbette qollap-quwatlanatuǵınlıǵı aytıldı.
Ushırasıw jaqınnan sáwbet hám ashıq-aydın pikirlesiw usılında ótkerildi. Onda dáslep, húrmetli Prezidentimiz basshılıǵında sońǵı jılları bilimlendiriw tarawın rawajlandırıw, tarawǵa innovaciyalıq texnologiyalardı keńnen tartıw, IT baǵdarında ámelge asırılıp atırǵan jumıslardı ele de keńnen en jaydırıw, usı tiykarda elimizdiń rawajlanıwı jolında barlıq tarawlarǵa zamanagóy informaciya texnologiyaların engiziw, sanlastırıwdı keńnen en jaydırıw baǵdarında keń múmkinshilikler jaratıp berilip atırǵanlıǵı atap ótildi. Ushırasıwda sonday-aq, húrmetli Prezidentimiz tárepinen usınshama imkaniyat berilip atırǵanlıǵına qaramay respublikamızda IT tarawın rawajlandırıw baǵdarındaǵı ámeliy jumıslar ele de talap dárejesinde emes ekenligi tilge alındı. «IT tarawı bul keleshek kásibi esaplanadı. Yaǵnıy, onda az pul tigiw arqalı joqarı dáramat alıw múmkin. Sonday-aq, mámleketlik basqarıw jumıslarınıń nátiyjeligin arttırıw baǵdarında sanlastırıwdı engiziw, artıqsha waqıt talap etetuǵın qaǵazbazlıqtı kemeytiw, byurokratiyalıq tosıqlar sıyaqlı qatar illetlerden qutılıwda bul tarawdı rawajlandırıwdıń áhmiyeti ayrıqsha. Eń baslısı, IT tarawı menen xalqımızdıń múshkilin jeńilletiw, turmısın abat etiwde keń múmkinshiliklerge iye bolamız» - dedi Joqarǵı Keńes Baslıǵı óz sózinde. – «Húrmetli Prezidentimizdiń IT tarawın rawajlandırıwǵa, ulıwma barlıq tarawlardıń alǵa ilgerilewi ushın, bul baǵdarda tek ǵana Qaraqalpaqstan ushın qaratıp atırǵan itibarı hám ǵamxorlıǵınıń shegi joq. Mashqala tek ayırım basshılardıń wazıypasın orınlawında». Joqarǵı Keńes Baslıǵı IT tarawı boyınsha xızmetler kólemin arttırıw, eksport kólemin asırıw, sanlastırıwdı jedellestiriw kerek ekenligin atap ótti. Sonday-aq, húrmetli Prezidentimiz tárepinen tarawdı rawajlandırıwǵa qosımsha sharayatlar jaratıw boyınsha jáne bir qatar imkaniyatlar berilgenligin ayrıqsha tilge aldı. Sonıń menen bir qatarda, belgilengen sheklerge erisiw hám tapsırılmalardı orınlawda sırt eldiń IT hám basqa da baǵdarlardaǵı abıroylı kompaniyalarında islep atırǵan qaraqalpaqstanlı jaslarımızdıń potencialınan keń túrde paydalanıw áhmiyetli wazıypalardıń biri sıpatında atap ótildi. Joqarǵı Keńes Baslıǵı oqıw ornı tárepinen ámelge asırılıp atırǵan joybarlar menende tanıstı hám jaratılǵan imkaniyatlardan aqılǵa uǵras paydalanıp, ele de jańa ideyalar hám xalqımız abadanlıǵı ushın xızmet etiwshi quramalı joybarlar ústinde kóbirek islew hám izleniw kerek ekenligin atap ótti. Óz náwbetinde, búgingi kúnde filialda jaratılǵan joybarlar boyınsha jumıslarda oqıw ornınıń potencialınan kelip shıǵıp, bar múmkinshiliklerden tolıq paydalanılmay atırǵanlıǵı, zamanagóy bilim beriwge itibardı kúsheytiw kerek ekenligi de ayrıqsha tilge alındı. Ushırasıw dawamında oqıw ornınıń professor-oqıtıwshıları hám student jasları tárepinen bir qatar usınıslar, jańa baslamalar bildirildi. Óz gezeginde, barlıq bildirilgen usınıslar jazıp alınıp, álbette qollap-quwatlanatuǵınlıǵı aytıldı.
Qaraqalpaqstan Respublikası Joqarǵı Keńesiniń Málimleme xızmeti