«Alǵıs-2023» jıldıń eń belsendilerin sıylıqlaw máresimi ótkerildi
2002
Búgin Qaraqalpaqstan kórkem-óner sarayında «Alǵıs-2023» mádeniyat hám kórkem óner tarawındaǵı jıldıń eń belsendilerin sıylıqlaw máresimi bolıp ótti. Onda dáslep Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, húrmetli Prezidentimiz basshılıǵında barlıq tarawlar qatarında mádeniyat hám kórkem óner tarawın qollap-quwatlaw, tarawdı hár tárepleme rawajlandırıwǵa qaratılıp atırǵan itibar hám kórsetilip atırǵan ǵamxorlıqlar haqqında atap ótti. 
Ótken qısqa dáwir ishinde tarawǵa baylanıslı bir qatar párman hám qararlardıń qabıl etilgeni bul baǵdardaǵı ilajlar kólemin jańa basqıshlarǵa kótermekte. Ásirese, Qaraqalpaqstan boyınsha óz aldına qabıl etilgen qararlar milliy mádeniyatımız benen kórkem-ónerimizdi jáne de rawajlandırıwda áhmiyetli orın tutpaqta. Usı jıldıń 10-iyul kúni «Qaraqalpaqstan Respublikası Ministrler Keńesi janında mádeniyattı qollap-quwatlaw fondın shólkemlestiriw haqqında»ǵı qarardıń qabıl etiliwi de shın mánisinde Prezidentimizdiń Qaraqalpaqstanǵa, onıń mádeniyatı hám kórkem ónerine bolǵan ayrıqsha itibarınıń jáne bir ayqın kórinisi boldı desek aljaspaǵan bolamız. 
Búgingi ótkerilgen sıylıqlaw saltanatında mádeniyat hám kórkem óner tarawında pidayılıq kórsetip kiyatırǵan taraw wákilleri, bir qatar jaslar hám nuranıy-ustazlar «Pidayı miynetleri ushın», «Milliy ayaq oyın ónerin rawajlandırıwdaǵı miynetleri ushın», «Jıldıń eń belsendi dóretiwshiler jámááti», «Jaslardı tárbiyalawdaǵı belsendiligi ushın» hám basqa da 26 nominaciya boyınsha «Alǵıs-2023» sıylıǵı menen xoshametlenip, olarǵa diplom hám bahalı sawǵalar tapsırıldı. Sıylıqlaw máresimi sheber atqarıwshılar tárepinen tayarlanǵan koncert baǵdarlaması menen dawam etti.
Ótken qısqa dáwir ishinde tarawǵa baylanıslı bir qatar párman hám qararlardıń qabıl etilgeni bul baǵdardaǵı ilajlar kólemin jańa basqıshlarǵa kótermekte. Ásirese, Qaraqalpaqstan boyınsha óz aldına qabıl etilgen qararlar milliy mádeniyatımız benen kórkem-ónerimizdi jáne de rawajlandırıwda áhmiyetli orın tutpaqta. Usı jıldıń 10-iyul kúni «Qaraqalpaqstan Respublikası Ministrler Keńesi janında mádeniyattı qollap-quwatlaw fondın shólkemlestiriw haqqında»ǵı qarardıń qabıl etiliwi de shın mánisinde Prezidentimizdiń Qaraqalpaqstanǵa, onıń mádeniyatı hám kórkem ónerine bolǵan ayrıqsha itibarınıń jáne bir ayqın kórinisi boldı desek aljaspaǵan bolamız. Búgingi ótkerilgen sıylıqlaw saltanatında mádeniyat hám kórkem óner tarawında pidayılıq kórsetip kiyatırǵan taraw wákilleri, bir qatar jaslar hám nuranıy-ustazlar «Pidayı miynetleri ushın», «Milliy ayaq oyın ónerin rawajlandırıwdaǵı miynetleri ushın», «Jıldıń eń belsendi dóretiwshiler jámááti», «Jaslardı tárbiyalawdaǵı belsendiligi ushın» hám basqa da 26 nominaciya boyınsha «Alǵıs-2023» sıylıǵı menen xoshametlenip, olarǵa diplom hám bahalı sawǵalar tapsırıldı. Sıylıqlaw máresimi sheber atqarıwshılar tárepinen tayarlanǵan koncert baǵdarlaması menen dawam etti.
Qaraqalpaqstan Respublikası Joqarǵı Keńesiniń Málimleme xızmeti