Joqarǵı Keńes Baslıǵı shańaraqlıq balalar úyi tárbiyalanıwshılarına Prezident sawǵaların tapsırdı
1488
Keńpeyillik, balajanlıq, mehir-múriwbetlilik xalqımızǵa tán bolǵan joqarı pazıyletlerden sanaladı. Ásirese, balalarǵa ǵamxorlıq kórsetip, olardı miyrim-shápááttiń joqarı úlgisi menen kamalǵa keltiriwge mámleketlik dárejede itibar qaratılıp atırǵanın ayrıqsha atap ótiwimiz kerek.
Házirgi waqıtta Taqıyatas rayonındaǵı 1-sanlı shańaraqlıq balalar úyinde 6 bala, 2-sanlı shańaraqlıq balalar úyinde 9 bala tárbiyalanıp atırǵan bolıp, búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev usı shańaraqlardı bayram qarsańında barıp kórdi.
Joqarǵı Keńes Baslıǵı balalardı Jańa jıl bayramı múnásibeti menen qutlıqlap, olarǵa Prezidentimizdiń sawǵaların tapsırdı.
Balalar hámiyshe Prezidentimizdiń itibarı hám ǵamxorlıǵında ekenligi atap ótilip, olardıń hár tárepleme jetik, ozıq oylı, búgingi zaman menen teń adım atatuǵın, aǵla pazıyletli insan bolıp kamalǵa keliwinde bar múmkinshilik iske salınıwı bildirildi.
Bunnan soń, Jańa jıl bayramı qarsańında balalar tárepinen bayram keypiyatındaǵı ayaq oyın hám muzıkalı atqarıwlar miymanlar názerine usınıldı.
Joqarǵı Keńes Baslıǵı balalardı Jańa jıl bayramı múnásibeti menen qutlıqlap, olarǵa Prezidentimizdiń sawǵaların tapsırdı.
Balalar hámiyshe Prezidentimizdiń itibarı hám ǵamxorlıǵında ekenligi atap ótilip, olardıń hár tárepleme jetik, ozıq oylı, búgingi zaman menen teń adım atatuǵın, aǵla pazıyletli insan bolıp kamalǵa keliwinde bar múmkinshilik iske salınıwı bildirildi.
Bunnan soń, Jańa jıl bayramı qarsańında balalar tárepinen bayram keypiyatındaǵı ayaq oyın hám muzıkalı atqarıwlar miymanlar názerine usınıldı.
Qaraqalpaqstan Respublikası Joqarǵı Keńesiniń Málimleme xızmeti