Nókis qalasında 6 jas jańa turaq jayǵa iye boldı
2400
Húrmetli Prezidentimiz tárepinen balalardıń huqıqların qorǵaw, ásirese, ata-ana qaramaǵınan ayırılǵan balalardıń huqıqları, erkinlikleri hám nızamlı máplerin támiyinlew, sonday-aq, olardı sociallıq qollap-quwatlaw baǵdarında bir qatar unamlı jumıslar ámelge asırılmaqta. 2021-jıl 9-avgust kúngi “ Jetim balalar hám ata-ana qaramaǵınan ayırılǵan balalardı mámleket tárepinen qollap-quwatlawdıń jańa sistemasın engiziw is-ilajları haqqında”ǵı 5216-sanlı Prezident qararınıń qabıl etiliwi de usı baǵdardaǵı jumıslardıń huqıqıy tiykarın belgilep berdi. 
Prezident qararınıń orınlanıwın támiyinlew maqsetinde Respublika byudjetinen 825 mln. sum qarjı ajıratılıp, Nókis qalasında dizimde turǵan turaq-jayǵa mútáj 6 jasqa barlıq qolaylıqlarǵa iye jańa úyler alıp berildi. Bunnan tısqarı, «Mehir dápteri» qorı esabınan qarjı ajıratılıp, qosımsha 2 balanı turaq jay menen támiyinlew ilajları kórilmekte. Búgin Jańa jıl bayramı qarsańında Qaraqalpaqstan Respublikası Joqarǵı Keńesiniń Baslıǵı 6 jasqa jańa turaq jaylardıń giltlerin tapsırdı. Bayram aldınan jańa turaq jaylardıń tapsırılıwı awır turmıs mashaqatların jeńip ótip, ómirdiń sınawlı ǵalma-ǵalı menen jasap atırǵan bir qatar jaslar ushın úlken quwanısh boldı.
Prezident qararınıń orınlanıwın támiyinlew maqsetinde Respublika byudjetinen 825 mln. sum qarjı ajıratılıp, Nókis qalasında dizimde turǵan turaq-jayǵa mútáj 6 jasqa barlıq qolaylıqlarǵa iye jańa úyler alıp berildi. Bunnan tısqarı, «Mehir dápteri» qorı esabınan qarjı ajıratılıp, qosımsha 2 balanı turaq jay menen támiyinlew ilajları kórilmekte. Búgin Jańa jıl bayramı qarsańında Qaraqalpaqstan Respublikası Joqarǵı Keńesiniń Baslıǵı 6 jasqa jańa turaq jaylardıń giltlerin tapsırdı. Bayram aldınan jańa turaq jaylardıń tapsırılıwı awır turmıs mashaqatların jeńip ótip, ómirdiń sınawlı ǵalma-ǵalı menen jasap atırǵan bir qatar jaslar ushın úlken quwanısh boldı.
Qaraqalpaqstan Respublikası Joqarǵı Keńesiniń Málimleme xızmeti