Qaraqalpaqstan Respublikasında shólkemlestirilgen Kishi hám Jaslar sanaat zonalarında óz isbilermenligin baslaw niyeti bar baslamashılarǵa bir qatar jeńillikler berilgen

Sonnan: - kishi sanaat zonasınıń bѳliniw shegarasına shekem kommunikaciya tarmaqları menen támiynlep beriledi; - Ózbekstan Respublikası Prezidentiniń 2023-jıl 8-avgust kúngi 129-sanlı pármanına tiykar kishi hám jaslar sanaat zonalarınan alınǵan jer maydanları hám imaratlar investiciyalıq minnetlemelerdi orınlaǵan isbilermenlerge menshiklestirilip beriledi; - 5 jıl jeńillikli dáwir menen 10 jılǵa jeńilletilgen kredit beriledi; - Kerekli úskenelerdi alıp keliwde bajıxana jenillikleri qollanıladı; - aukcionnan satıp alınǵan jer maydanlarına bolǵan tѳlemlerdi 24 ay dawamında bѳlip tѳlew imkaniyatı qollanıladı. Aytıp ótiw kerek, Nókis qalası hám rayonlarda 234,6 gektar jer maydanlarında 31 kishi sanaat zonaları shólkemlestirilgen bolıp, olar 807 lotlarǵa ajıratılǵan. Sonnan, jer maydanı 103,8 ga bolǵan 310 lot isbilermenlik subektlerine ajıratılǵan. Qalǵan 72,5 ga jer maydanındaǵı 496 lottan 61,8 ga jer maydanındaǵı 447 lot Elektron onlayn-aukcionǵa shıǵarılıp, búgingi kúnde jer maydanı 38,6 ga bolǵan 223 lot sawdada. Sonday-aq, respublikamızda ulıwma maydanı 41,7 gektar bolǵan 17 Jaslar sanaat hám isbilermenlik zonaları shólkemlestirilgen bolıp, olar 484 lotqa ajıratılǵan. Sonnan, jer maydanı 1,82 ga bolǵan 24 lot isbilermenlik subektlerine ajıratılǵan, qalǵan 23,9 ga jer maydanındaǵı 460 lottan 20,65 ga maydandaǵı 383 lot elektron onlayn-aukcionǵa shıǵarılıp, búgingi kúnde 12,7 ga jer maydanındaǵı 230 lot sawdada. Óz joybarın ámelge asırıw niyeti bar baslamashılar atap ótilgen jeńilliklerden paydalanıp, isbilermenligin baslawına imkaniyat bar.