Bántlik hám isbilermenlik tarawlarındaǵı usınıslar dodalandı
1283
Prezident Shavkat Mirziyoev 8-yanvar kúni xalıqtıń bántligin arttırıw hám isbilermenlik tarawındaǵı májbúriy talaplardı qısqartıwǵa baylanıslı usınıslar prezentaciyası menen tanıstı. Rásmiy statistikaǵa bola, elimizde jumıssızlar sanı 1 million 300 mıńdı quraydı. Usı jılı jáne 2 million 400 mıń xalıq miynet bazarına kirip keledi. Usılardı esapqa alıp, sapalı hám joqarı dáramatlı jumıs orınları esabınan usı jılı 5 million xalıqtıń bántligin támiyinlew maqset etilgen. Sonıń ishinde, xızmetler tarawında 2,5 million, awıl xojalıǵında 2,1 million, investiciya joybarları hám sanaatta 250 mıń, qurılısta 140 mıń jumıs ornın jaratıw imkaniyatı bar. Bunnan tısqarı, zamanagóy finanslıq instrumentler, sonıń ishinde, mikroqarjılandırıwdıń jańa sistemasın keńnen engiziw arqalı 2 million xalıqtı bizneske tartıw názerde tutılmaqta. 
Prezentaciyada juwapkerler 2024-jılı jańa jumıs orınların shólkemlestiriw hám xalıqtıń bántligine járdemlesiw baǵdarlaması boyınsha málimleme berdi. Mámleketimiz basshısı bul baǵdarlamanı maqullap, onı ámelge asırıw boyınsha qosımsha kórsetpeler berdi. Keyingi jıllarda 2 million 400 mıń xalıq ózin-ózi bánt etkeni atap ótilip, endi olardıń jumısın keńeytiw, basqıshpa-basqısh kishi bizneske ótkeriw hám bazar tabıwına járdemlesiw áhmiyetli ekeni aytıldı. «Meniń biznesim» platforması, «Bizneske birinshi qádem» bank kartaları engiziliwi bunıń ushın qolaylıq jaratadı. Ekonomikalıq aylanısqa kirgizilmegen jerlerdi infrastrukturaǵa jalǵaw, joybarlardı iske qosıw ushın intakerlerdi qollap-quwatlaw zárúr ekeni atap ótildi. «Agregator» sisteması tiykarında «100 mıń eksportshı diyqan» baǵdarlaması engizilip, usı jılı 15 mıń gektar jer maydanları aukcionǵa shıǵarılatuǵını belgilendi. 
Miynet stajına iye bolmaǵan shaxslardı kásipke oqıtıw, socialllıq reestrdegi puqaralardı jumısqa alǵan kárxanalarǵa salıq boyınsha jeńillikler qollanıw áhmiyetli ekeni de aytıp ótildi. Ekonomika hám qarjı ministrligine jańa jumıs orınların jaratıw boyınsha qosımsha rezerv hám imkaniyatlardı anıqlaw wazıypası qoyıldı. Prezentaciyada isbilermenlik tarawındaǵı májbúriy talaplardı qısqartıw hám licenziyalaw tártibin ápiwayılastırıwǵa baylanıslı usınıslar da kórip shıǵıldı. Bizge belgili, usı jılı elimizde «Jaslar hám biznesti qollap-quwatlaw jılı» dep járiyalandı. Biznes júrgiziw ushın jáne de qolaylı sharayatlar jaratıw maqset etilgen. 
Usı waqıtqa shekem maǵlıwmatlardı qosımsha túrde talap etiw jaǵdayları bar ekenin atap ótiw kerek. Usı jıldan baslap 34 túrdegi esabatlar biykar etilmekte. Bunıń nátiyjesinde hár jılı 21 mıńnan aslam isbilermenniń 500 million sum qárejeti únemlenedi. Ózi ulıwma etip aytqanda, isbilermenler tárepinen usınılatuǵın esabatlardıń birden-bir dizimi tastıyıqlanbaǵan. Sol sebepli mámleketimiz basshısı birden-bir esabatlar sistemasın engiziw boyınsha tapsırma berdi. Sonday-aq, isbilermenlerge májbúriy talaplardı qısqartıw maqsetinde 15 licenziya hám ruxsatnamanı biykar etiw kerek ekeni belgilendi. Bul baǵdarda berilip atırǵan jeńilliklerdi isbilermenlerge jetkeriw, olardıń usınısların turaqlı úyrenip, statistikalıq esabatlardı jáne de optimallastırıp barıw wazıypası qoyıldı.
Prezentaciyada juwapkerler 2024-jılı jańa jumıs orınların shólkemlestiriw hám xalıqtıń bántligine járdemlesiw baǵdarlaması boyınsha málimleme berdi. Mámleketimiz basshısı bul baǵdarlamanı maqullap, onı ámelge asırıw boyınsha qosımsha kórsetpeler berdi. Keyingi jıllarda 2 million 400 mıń xalıq ózin-ózi bánt etkeni atap ótilip, endi olardıń jumısın keńeytiw, basqıshpa-basqısh kishi bizneske ótkeriw hám bazar tabıwına járdemlesiw áhmiyetli ekeni aytıldı. «Meniń biznesim» platforması, «Bizneske birinshi qádem» bank kartaları engiziliwi bunıń ushın qolaylıq jaratadı. Ekonomikalıq aylanısqa kirgizilmegen jerlerdi infrastrukturaǵa jalǵaw, joybarlardı iske qosıw ushın intakerlerdi qollap-quwatlaw zárúr ekeni atap ótildi. «Agregator» sisteması tiykarında «100 mıń eksportshı diyqan» baǵdarlaması engizilip, usı jılı 15 mıń gektar jer maydanları aukcionǵa shıǵarılatuǵını belgilendi. Miynet stajına iye bolmaǵan shaxslardı kásipke oqıtıw, socialllıq reestrdegi puqaralardı jumısqa alǵan kárxanalarǵa salıq boyınsha jeńillikler qollanıw áhmiyetli ekeni de aytıp ótildi. Ekonomika hám qarjı ministrligine jańa jumıs orınların jaratıw boyınsha qosımsha rezerv hám imkaniyatlardı anıqlaw wazıypası qoyıldı. Prezentaciyada isbilermenlik tarawındaǵı májbúriy talaplardı qısqartıw hám licenziyalaw tártibin ápiwayılastırıwǵa baylanıslı usınıslar da kórip shıǵıldı. Bizge belgili, usı jılı elimizde «Jaslar hám biznesti qollap-quwatlaw jılı» dep járiyalandı. Biznes júrgiziw ushın jáne de qolaylı sharayatlar jaratıw maqset etilgen. Usı waqıtqa shekem maǵlıwmatlardı qosımsha túrde talap etiw jaǵdayları bar ekenin atap ótiw kerek. Usı jıldan baslap 34 túrdegi esabatlar biykar etilmekte. Bunıń nátiyjesinde hár jılı 21 mıńnan aslam isbilermenniń 500 million sum qárejeti únemlenedi. Ózi ulıwma etip aytqanda, isbilermenler tárepinen usınılatuǵın esabatlardıń birden-bir dizimi tastıyıqlanbaǵan. Sol sebepli mámleketimiz basshısı birden-bir esabatlar sistemasın engiziw boyınsha tapsırma berdi. Sonday-aq, isbilermenlerge májbúriy talaplardı qısqartıw maqsetinde 15 licenziya hám ruxsatnamanı biykar etiw kerek ekeni belgilendi. Bul baǵdarda berilip atırǵan jeńilliklerdi isbilermenlerge jetkeriw, olardıń usınısların turaqlı úyrenip, statistikalıq esabatlardı jáne de optimallastırıp barıw wazıypası qoyıldı.