Qaraqalpaqstan delegaciyası Ózbekstan-Qıtay aymaqlar aralıq forumında qatnaspaqta

Qıtay Xalıq Respublikası Shinjon-Uyǵur avtonom rayonı, Urumchi qalasında házirgi waqıtta Ózbekstan-Qıtay aymaqlar aralıq forumı bolıp ótpekte. Prezidentimizdiń tapsırması menen Qaraqalpaqstan Respublikası Joqarǵı Keńesiniń Baslıǵı Amanbay Orınbaev delegaciya aǵzaları menen birgelikte isbilermenler forumında qatnaspaqta. Sonday-aq, Qıtay Xalıq Respublikasındaǵı ámeliy sapar dawamında Qaraqalpaqstan delegaciyası «Isbilermenler birge islesiwin keńeytiw hám ulıwmalıq abadanlıqtı ámelge asırıw» uranı astında konferenciyada da qatnaspaqta. Ótkerilgen forum sheńberinde Qıtaydıń jetekshi kompaniyaları basshıları menen ushırasıwlar ótkeriw hám birgelikte islesiw boyınsha perspektivalı joybarlardı islep shıǵıw, Qaraqalpaqstanda Qıtay kompaniyalarınıń islep shıǵarıw kárxanaları hám zavodların iske túsiriw boyınsha kelisimlerge erisiw rejelestirilgen.